៣ភាសា រ៉េត សារីតា ប្រើលើឆាកប្រកួត ហើយសមជាម្ចាស់មកុដ Miss Universe Cambodia 2020
- ភ្នំពេញ
រាជធានីភ្នំពេញ ៖ កញ្ញា រ៉េត សារីតា បានក្លាយជាស្ត្រីមានសម្រស់ល្អដាច់គេក្នុងការដណ្តើមមកុដ Miss Universe Cambodia ២០២០…
រាជធានីភ្នំពេញ ៖ កញ្ញា រ៉េត សារីតា បានក្លាយជាស្ត្រីមានសម្រស់ល្អដាច់គេក្នុងការដណ្តើមមកុដ Miss Universe Cambodia ២០២០…
រាជធានីភ្នំពេញ ៖ កញ្ញា រ៉េត សារីតា បានក្លាយជាស្ត្រីមានសម្រស់ល្អដាច់គេក្នុងការដណ្តើមមកុដ Miss Universe Cambodia ២០២០ ដែលបានបិទបញ្ចប់កាលពីយប់ថ្ងៃទី២៦ វិច្ឆិកា ឆ្នាំ២០២០ នេះ។
រ៉េត សារីតា មានចំណុចទាក់ចិត្តលើសគេ ដែលគណៈកម្មាការពេញចិត្តគ្រប់វិញ្ញាសាដែលបំពេញ ត្រូវបានស្រីស្អាតរូបបំបែកបានហើយ ប្រកបដោយជំនឿចិត្ត។ ម្ល៉ោះការជាប់លេខរបស់ម្ចាស់មកុដ នេះគឺសមបំផុត បើទោះជាមានការមិនសប្បាយចិត្តពីមតិមួយចំនួនក៏ដោយ។
រ៉េត សារីតា បានឆ្លើយសំណួរ២វគ្គ ដោយវគ្គ១០នាក់ម្តង និងវគ្គ៥នាក់ ចុងក្រោយម្តងទៀត។ រីតា បានឆ្លើយសំណួរជុំចុងក្រោយថា «គោលបំណងដែលនាងចង់បានមកុដថ្ងៃនេះព្រោះខ្ញុំជានារីដែលមានភាពអង់អាចក្លាហាន ជានារីដែលមានការទទួលខុសត្រូវខ្ពស់ ក្នុងសហគមន៍ ជាពិសេសសម័យកាលនៃជំងឺរាតត្បាតកូវីដ១៩។ ដូចនេះជាឱកាសដែល យើងត្រូវការពារក៏ដូចការ ប្រឈមបញ្ហាធំៗដែលយើងត្រូវតែដោះស្រាយរួមគ្នា។ ខ្ញុំជឿជាក់ថា ខ្ញុំនឹងអាចគ្រងមកុដដ៏មានតម្លៃនេះបាន»។
ក្រោយចប់ការបកស្រាយ ក៏មានការហ៊ោរកញ្ជៀវពេញពិធីប្រកួតតែម្តង។ អ្វីដែលធ្វើឱ្យគេកោត សរសើរ នៅឆ្នាំនេះបេក្ខនារីទាំង២០រូបពោរពេញដោយសមត្ថភាព ចំណេះដឹង និងភាពជឿជាក់។ ហើយម្នាក់ៗប្រើប្រាស់ភាសាអង់គ្លេសឆ្លើយលើវេទិកាបានយ៉ាងប្រសើរធ្វើឱ្យគេមើលឃើញស្ត្រីខ្មែរស្អាត ហើយពូកែ មិនចាញ់ស្រុកគេទេ ពិតជាដើរទៅមុខជាលំដាប់។
ចំពោះម្ចាស់ជ័យលាភី រ៉េត សារីតា តាមដឹងនាងបានបញ្ចប់ការសិក្សាផ្នែកបរិញ្ញាបត្រភាសាអង់ គ្លេស ដោយតុងនិយាយភាសានេះ នាងមានបច្ចេកទេសប្រើល្អណាស់។ ភាសាទី២ នាងចេះនិយាយភាសាបារាំង ក៏យកជាការបាន និងចុងក្រោយភាសាថៃ បានខ្លះ។ នេះជាអ្វីដែលនាងមានលក្ខណៈពិសេស។ នាងក៏ជាពិធីការិនីអាជីពម្នាក់ដែលមានការទទួលស្គាល់ ហើយឆ្លងកាត់យូរឆ្នាំទាំងតាមកញ្ចក់ទូរទស្សន៍ និងតាមកម្មវិធីធំៗដែលនាងសាំរហូតមិនខ្លាចឆាក។
ក្រៅពីនេះ សារីតា ក៏អាចសម្តែងជាតារាភាពយន្តបានយ៉ាងប្រសើរ ព្រោះរឿងដែលនាងធ្លាប់សម្តែងបានជាប់ពាននៅក្នុងកម្មវិធី «មហោស្រពភាពយន្តថ្នាក់ជាតិ» ផងដែរ។ មានមតិខ្លះលើកឡើងថា នាងមានកម្ពស់រាងស្ទើរ ដែលអាចឡើងដល់ឆាកអន្តរជាតិពិបាក។
យ៉ាងណាអ្នកបច្ចេកទេសយល់ឃើញថា អាចប្រើការបានដោយសារដំណើរ នាងសមសួនស្វាហាប់ល្វតល្វន់ ។ បើមើលទៅលើទម្រង់មុខ និងស្នាមញញឹមវិញឃើញថា នាងក៏មានភាពញញឹមទាក់ចិត្តគេឯង ដែលហៅថាញញឹមទាញពិន្ទុ។
ម្យ៉ាង បវរកញ្ញាមិនត្រឹមតែស្អាតមួយមុខទេ សំខាន់ចំណេះដឹងដែលអាចបត់បែនបាន។ រ៉េត សារីតា ក្រៅពីឈ្នះមកុដ នាងក៏ឈ្នះការប្រឡងសមត្ថភាពបានល្អជាងគេដោយ បង្ហាញជាឈុតប្រកួតក្បាច់គុនល្បុក្កតោយ៉ាងស្វាហាប់។
ចំណែកចំណាត់ថ្នាក់លេខ២ បានទៅលើកញ្ញា ឈុន រក្សា ពាក់ស្លាកលេខ៨, លេខ៣ បានទៅលើ កញ្ញា ឌី សុរៈក្ខិតា ស្លាកលេខ៩, លេខ៤បានទៅលើ កញ្ញា នេត រក្សាស្លាកលេខ២ និងលេខ៥ បានទៅលើសួន ពិសីស្លាកលេខ១៤។
ចែករំលែកព័តមាននេះ