អាហារសុខភាព ៧ ប្រភេទជួយឱ្យខួរក្បាលកូនអ្នកវៃឆ្លាត !
អាហារដែលកូនៗរបស់លោកអ្នកបរិភោគមានសារៈសំខាន់ណាស់ ។ វេជ្ជបណ្ឌិតឯកទេសផ្លូវចិត្ត និងជាសហអ្នកនិពន្ធនៃ The Happiness Diet and Fifty Shades…
អាហារដែលកូនៗរបស់លោកអ្នកបរិភោគមានសារៈសំខាន់ណាស់ ។ វេជ្ជបណ្ឌិតឯកទេសផ្លូវចិត្ត និងជាសហអ្នកនិពន្ធនៃ The Happiness Diet and Fifty Shades…
អាហារដែលកូនៗរបស់លោកអ្នកបរិភោគមានសារៈសំខាន់ណាស់ ។ វេជ្ជបណ្ឌិតឯកទេសផ្លូវចិត្ត និងជាសហអ្នកនិពន្ធនៃ The Happiness Diet and Fifty Shades លោក Drew Ramsey បាននិយាយថា នៅជាកុមារភាព វ័យនេះគឺសំខាន់ណាស់សម្រាប់ការលូតលាស់របស់ខួរក្បាល ហើយអ្វីដែលពួកគេបរិភោគ គឺមានផលទៅឱ្យសមត្ថភាពក្នុងការផ្តោតអារម្មណ៍ និងការយល់ដឹង ។
អាហារទាំង ៧ មុខនេះអាចជួយឱ្យក្មេងៗមានភាពវៃឆ្លាត និងមានឥទ្ធិពលដល់ការលូតលាស់ខួរក្បាលរបស់ពួកគេនៅពេលអនាគត ៖
១. ស៊ុត ៖ អ្នកឯកទេសរបបអាហារ ដែលមានមូលដ្ឋាននៅទីក្រុង Los Angeles លោក Beth Saltz និយាយថា ប្រូតេអ៊ីន និងសារធាតុចិញ្ចឹមនៅក្នុងស៊ុតជួយឱ្យកុមារផ្តោតអារម្មណ៍បានខ្ពស់ ។
២. យ៉ាអួរ ៖ អ្នកឯកទេសរបបអាហារ លោក Laura Lagano និយាយថា សារធាតុខ្លាញ់ល្អ គឺមានសារៈសំខាន់ចំពោះសុខភាពខួរក្បាល ។ យ៉ាអួរ ដែលមានជាតិខ្លាញ់ល្អនៅក្នុងនោះ អាចជួយរក្សាកោសិកាខួរក្បាលក្នុងទម្រង់ល្អ សម្រាប់ការបញ្ជូន និងទទួលព័ត៌មាន ។
៣. បន្លែបៃតង ៖ ស្ពៃខ្មៅ និងខាត់ណា ជួយកាត់បន្ថយអត្រាកើតជំងឺភ្លេចភ្លាំងនៅថ្ងៃមុខ ដោយសារតែវាពោរពេញទៅដោយជាតិអាស៊ីដហ្វូលីក និង វីតាមីន ។ វាមានផ្ទុកទៅដោយសារធាតុប្រឆាំងអុកស៊ីដកម្ម និងសារធាតុផ្សេងទៀត ដែលជួយឱ្យកោសិកាខួរក្បាលថ្មីលូតលាស់ ។
៤. ត្រី ៖ ត្រី គឺជាប្រភពដ៏ល្អនៃវីតាមីនដេ និងអូមេហ្គា ៣ ដែលការពារខួរក្បាលពីការថយចុះសមត្ថភាព និងការភ្លេចភ្លាំង ។ ត្រីសាម៉ុង ត្រីធូណា និងត្រីសាឌីន សុទ្ធតែសម្បូរទៅដោយអូមេហ្គា ៣ ។
៥. គ្រាប់ធញ្ញជាតិ ៖ គ្រាប់ធញ្ញជាតិជួយដល់ប្រព័ន្ធប្រសាទខួរក្បាលរបស់កូនអ្នក ដោយ សារតែវាមានប្រូតេអ៊ីន អាស៊ីដខ្លាញ់សំខាន់ៗ វីតាមីន និងសារធាតុរ៉ែ ។
៦. គ្រាប់អូតមីល (Oatmeal) ៖ ប្រូតេអ៊ីន និងជាតិសរសៃនៅក្នុងគ្រាប់អូតមីល ជួយធ្វើឱ្យសរសៃឈាមបេះដូង និងខួរក្បាលមានសុខភាពល្អ ។ នៅក្នុងការសិក្សាមួយ កុមារដែលបានបរិភោគគ្រាប់អូតមីល ធ្វើបានល្អលើការងារសាលាដែលទាក់ទងនឹងការចងចាំ ជាងកុមារដែលមិនបានញ៉ាំ ។
៧. ផ្លែប៉ោម ៖ ក្មេងៗតែងតែចូលចិត្តញ៉ាំអ្វីផ្អែមៗ ។ ដូចនេះ ផ្លែប៉ោម គឺជាជម្រើសមួយយ៉ាងល្អបំផុត ដោយសារតែមានផ្ទុកសារធាតុ Quercetin ដែលជាអង់ទីអុកស៊ីដកម្ម ដែលអាចប្រឆាំងនឹងការថយចុះសមត្ថភាពខួរក្បាល ។
ជារួមរបបអាហាររបស់កុមារ គឺពិតជាសំខាន់សម្រាប់ការលូតលាស់ខួរក្បាលរបស់ពួកគេ ។ ក្រៅពីជម្រើសអាហារទាំង ៧ខាងលើនេះ អ្វីដែលមិនអាចខ្វះបាននៅក្នុងរបបអាហារកុមារ ដើម្បីប្រាកដថាមានសុខភាពល្អ គឺជាទឹកស្អាត ។ ទឹកជួយរំលាយអាហារ ដែលសម្បូរដោយជីវជាតិទាំងនេះ ហើយជួយដល់រាងកាយកុមារអាចស្រូបយកសារធាតុចិញ្ចឹមបាន ។ សូមជ្រើសរើសទឹកឱ្យបានត្រឹមត្រូវ និងឱ្យកូនទទួលទានឱ្យបានគ្រប់គ្រាន់ជាប្រចាំ ដើម្បីសុខភាពខួរក្បាល និងការលូតលាស់ល្អ ៕ ប្រភព ៖ webmd
ចែករំលែកព័តមាននេះ