រាជធានីភ្នំពេញ ៖ បើទោះបីជារដ្ឋាភិបាលជួបប្រទះនឹងវិបត្តិដោយសារតែកូវីដ-១៩ ក្ដី តែប្រទេ សនេះនៅតែមានការងារផ្ដល់ជូនពលករកូរ៉េកំពុងបំពេញការងារនៅទីនោះ ហើយថែមទាំង ប្រកាសទទួលពលករកម្ពុជា ទៅធ្វើការនៅប្រទេសនោះថែមទៀត ។…
រាជធានីភ្នំពេញ ៖ បើទោះបីជារដ្ឋាភិបាលជួបប្រទះនឹងវិបត្តិដោយសារតែកូវីដ-១៩ ក្ដី តែប្រទេ សនេះនៅតែមានការងារផ្ដល់ជូនពលករកូរ៉េកំពុងបំពេញការងារនៅទីនោះ ហើយថែមទាំង ប្រកាសទទួលពលករកម្ពុជា ទៅធ្វើការនៅប្រទេសនោះថែមទៀត ។ តើកត្តាអ្វីជំរុញឱ្យរដ្ឋាភិ បាលប្រទេសមួយនេះ ព្រមទទួលពលករកម្ពុជាទៅបម្រើការបន្ថែមទៀត ?
នៅក្នុងជំនួបជាមួយលោក Park Heung Kyeong ឯកអគ្គរដ្ឋទូតសាធារណរដ្ឋកូរ៉េខាង ត្បូងប្រចាំប្រទេសកម្ពុជា ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាល វិជ្ជាជីវៈ បានមានប្រសាសន៍ថា ទោះបីស្ថិតនៅក្នុងដំណាក់កាលពិបាកដោយសារតែជំងឺកូវីដ-១៩ ក្តី សាធារណរដ្ឋកូរ៉េ នៅតែព្រមទទួលយកពលករកម្ពុជាឱ្យធ្វើការនៅប្រទេសខ្លួន ដោយ សារតែនិយោជកពេញចិត្តនឹងសមត្ថភាព ជាពិសេសនោះ គឺភាពស្មោះត្រង់របស់ពលករ កម្ពុជា ។ ឯកឧត្តមបន្តថា ៖ «បច្ចុប្បន្ននេះ ពលករកម្ពុជាកំពុងបំពេញការងារនៅក្នុងប្រទេស កូរ៉េខាងត្បូងមានជាង ៥ម៉ឺននាក់រួចហើយ ហើយក៏កំពុងប្រកាសស្វែងរកពលករជាច្រើននាក់ ទៅផងដែរ» ។
ឯកឧត្តមបន្ថែមថា កន្លងមកកម្ពុជា និងកូរ៉េខាងត្បូងមានទំនាក់ទំនងល្អនឹងគ្នាជាយូរ មកហើយ និងបានជំរុញទំហំពាណិជ្ជកម្មទៅវិញទៅមកឱ្យកើនឡើងជាលំដាប់ផងដែរ ជាក់ ស្ដែងក្នុងឆ្នាំ ២០១៩ កន្លងទៅទំហំពាណិជ្ជកម្មរវាងកម្ពុជានិងកូរ៉េ សម្រេចបានប្រមាណ ១៥០០លានដុល្លារអាមេរិក ។ ក្រៅពីនេះកូរ៉េក៏ជាអ្នកវិនិយោគធំមួយដែរ នៅក្នុងប្រទេស កម្ពុជា ដែលរហូតមកដល់បច្ចុប្បន្ននេះ វិនិយោគិនកូរ៉េបានដាក់ទុនវិនិយោគនៅកម្ពុជាចំនួន ជាង ៥ពាន់លានដុល្លារទៅហើយ និងបានធ្វើឱ្យកូរ៉េក្លាយជាប្រទេសទី ២ វិនិយោគធំនៅ កម្ពុជា ។
បើតាមលោក Park Heung Kyeong ឯកអគ្គរដ្ឋទូតសាធារណរដ្ឋកូរ៉េខាងត្បូងប្រចាំ ប្រទេសកម្ពុជាបានឱ្យដឹងថា ពលករកម្ពុជាមានចំនួនច្រើនជាងគេក្នុងចំណោមពលករដែល ធ្វើការនៅប្រទេសកូរ៉េ ហើយក្នុងដំណាក់កាលជំងឺកូវីដ-១៩ ឆ្នាំ ២០២០ នេះ រដ្ឋាភិបាលសាធា រណរដ្ឋកូរ៉េនៅតែអនុញ្ញាតទទួលពលករកម្ពុជាដដែល ។ លោកបន្តថា ៖ « ដោយសារនិយោ ជកមានការពេញចិត្តនឹងសមត្ថភាពខ្ពស់របស់ពលករកម្ពុជា មានភាពស្មោះត្រង់នឹងការងារ និងអនុវត្តតាមការណែនាំរបស់ផ្នែកសុខាភិបាលរបស់រដ្ឋាភិបាលកូរ៉េបានយ៉ាងហ្មត់ចត់ ទើប ពួកគេនៅតែចង់បានពលករពីប្រទេសកម្ពុជាបន្ថែមទៀត» ។
គួរបញ្ជាក់ថា ចាប់ពីឆ្នាំ ២០០៧ មក កម្ពុជាបានបញ្ជូនពលករសរុប ៦៨.២៩៤នាក់ (ស្រី ១៤.២៥៥នាក់) ឱ្យទៅធ្វើការនៅប្រទេសកូរ៉េ ដែលរួមមានវិស័យឧស្សាហកម្ម កសិកម្ម និងសំ ណង់ ដែលអាណត្តិការងារមានរយៈពេល ៤ឆ្នាំ ១០ខែ ខណៈពេលបច្ចុប្បន្ន ពលករកម្ពុជា ដែលកំពុងធ្វើការនៅកូរ៉េមានចំនួនជិត ៥០.០០០នាក់ ។
ពាក់ព័ន្ធនឹងការបញ្ជូន-ទទួលពលករកម្ពុជាធ្វើការនៅប្រទេសកូរ៉េ ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា បន្ទាប់ពីស្ថាន ភាពកូវីដ-១៩ នៅប្រទេសកូរ៉េមានភាពធូរស្រាល ដែលអាចទទួលយកកម្លាំងពលកម្មបរទេស បាន កម្ពុជារំពឹងថា នឹងក្លាយជាប្រទេសអាទិភាពមួយក្នុងចំណោមប្រទេសចំនួន ១៥ផ្សេង ទៀត ដោយសារកម្ពុជាមានស្ថានភាពកូវីដល្អប្រសើរ មានជើងហោះហើរច្រើន ៕
ចែករំលែកព័តមាននេះ