ប្រេស៊ីល ៖ វីរបុរសបាល់ទាត់ប្រេស៊ីល Pele បានសម្តែងការចូលរួមរំលែកទុក្ខដល់មិត្តរួមអាជីពបាល់ទាត់ គឺ លោក Diego Maradona ដែលបានទទួលមរណភាពដោយសារជំងឺគាំងបេះដូងក្នុងអាយុ…
ប្រេស៊ីល ៖ វីរបុរសបាល់ទាត់ប្រេស៊ីល Pele បានសម្តែងការចូលរួមរំលែកទុក្ខដល់មិត្តរួមអាជីពបាល់ទាត់ គឺ លោក Diego Maradona ដែលបានទទួលមរណភាពដោយសារជំងឺគាំងបេះដូងក្នុងអាយុ ៦០ឆ្នាំ នៅឯប្រទេសអាហ្សង់ទីន កាលពីថ្ងៃទី២៥ វិច្ឆិកា ឆ្នាំ២០២០ កន្លងទៅថ្មីៗនេះ។ គួររំលឹកថា រញ្ជួយពិភពលោក! ក្រោយមរណភាពស្តេចបាល់ទាត់ Diego Maradona
សូមបញ្ជាក់ថា លោក Pele ដែលជួយប្រេស៊ីលឈ្នះ World Cup ៣លើក និងលោក Diego Maradona ដែលជួយអាហ្សង់ទីនឈ្នះ World Cup ១លើក ត្រូវបានគ្រប់គ្នាយកមកជជែកដេញដោលរហូតដល់ពេលបច្ចុប្បន្ន ដើម្បីកំណត់ថា នរណាជាកីឡាករបាល់ទាត់ឆ្នើមបំផុតគ្រប់ពេលរបស់ពិភពលោក។
លោក Pele ដែលបច្ចុប្បន្នឈានដល់អាយុ ៨០ឆ្នាំ បានធ្វើការសរសើរដោយស្មោះអស់ពីចិត្ត ចំពោះ Maradona តាមរយៈសារមួយនៅលើគណនី Twitter ផ្លូវការរបស់លោកយ៉ាងដូច្នេះថា «វាគឺជាដំណឹងដ៏សោកស្តាយ ដែលខ្ញុំបានបាត់បង់មិត្តដ៏អស្ចារ្យម្នាក់។ ហើយពិភពលោកបានបាត់បង់វីរបុរសបាល់ទាត់ម្នាក់។ វានៅតែមានរឿងជាច្រើនដែលត្រូវនិយាយ ប៉ុន្តែសម្រាប់ពេលនេះ គឺ មានតែព្រះទេ ដែលអាចផ្តល់កម្លាំងចិត្តដល់សមាជិកគ្រួសាររបស់គេ។ ហើយថ្ងៃណាមួយ ខ្ញុំសង្ឃឹមថាយើងនឹងអាចលេងបាល់ទាត់ជាមួយគ្នានៅឋានសួគ៌»៕ (ដកស្រង់ចេញពី Sky Sports)
ខាងក្រោមនេះជាសាររបស់លោក Pele ៖
ចែករំលែកព័តមាននេះ