ខេត្តសៀមរាប ៖ បុរសជាប់សង្ស័យម្នាក់ ជាថៅកែហាងលក់គ្រឿងកាឡៃ «យីហោពិភពម៉ូត» បានចាប់រំលោភបុគ្គលិកស្រីម្នាក់ មិនទាន់គ្រប់អាយុ ដែលជួយលក់គ្រឿងកាឡៃ ត្រូវបានកម្លាំងការិយាល័យនគរបាលប្រឆាំងការជូញដូរមនុស្ស និងការពារអនីតិជនខេត្ត តាមចាប់ឃាត់ខ្លូន រួចបញ្ជូនទៅតុលាការ នៅរសៀលថ្ងៃទី២៥ ខែវិច្ឆិកា ឆ្នាំ២០២០នេះ ។
សមត្ថកិច្ចចាប់ខ្លូនថៅកែរូបនេះ ធ្វើឡើងនៅរសៀលថ្ងៃទី២៤ ខែវិច្ឆិកា ឆ្នាំ២០២០ ម្សិលមិញនេះ នៅក្នុងរាជធានីភ្នំពេញ ។ ហេតុការណ៍ចាប់រំលោភនោះ បានកើតឡើងកាលពីអំឡុងខែសីហា ឆ្នាំ២០១៩ នៅក្នុងហាងលក់គ្រឿងកាឡៃ«យីហោពិភពម៉ូត» ដែលមានទីតាំងមុខផ្សារលើធំថ្មី ស្ថិតក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ហើយជនសង្ស័យបានរត់គេចខ្លួន ទៅសំងំលាក់ខ្លួននៅភ្នំពេញ ។
លោកវរសេនីយ៍ឯក ជា ហេង នាយការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តសៀមរាប បានឲ្យដឹងថា ជនសង្ស័យមានឈ្មោះ ហេង សុវណ្ណ ភេទប្រុស អាយុ៣៣ឆ្នាំ ជាថៅកែហាងលក់គ្រឿងកាឡៃ «យីហោពិភពម៉ូត» ត្រូវចាប់ខ្លួនតាមពាក្យប្តឹងរបស់ជនរងគ្រោះ និងអនុវត្តតាមដីកាបង្គាប់ឲ្យចាប់ខ្លួន លេខ៨៣៩ច.ខ.ស/ជ របស់សាលាដំបូងខេត្តសៀមរាប ។
លោកវរសេនីយ៍ឯក ជា ហេង បន្តឲ្យដឹងថា ចំណែកក្មេងស្រីរងគ្រោះឈ្មោះ ហ.ថ.រ អាយុ១៤ឆ្នាំ ជាបុគ្គលិកបម្រើការងារនៅហាងលក់គ្រឿងកាឡៃខាងលើនេះ ។
តាមការបំភ្លឺរបស់ជនរងគ្រោះ បានអោយដឹងថា នៅយប់កើតហេតុ ខណៈបុគ្គលិកផ្សេងទៀតបានឡើងទៅដេកជាន់ទី២ជាធម្មតា ហើយលោកថៅកែហាងឈ្មោះ ហេង សុវណ្ណ បានហៅនាងឲ្យមកជួបនៅបន្ទប់របស់គាត់ព្រោះមានការ ។ ពេលនាងមកដល់ ថៅកែហាងរូបនេះ ក៏ចាប់ឱបនាងផ្តួលទៅលើឥដ្ឋការ៉ូ បឺតមាត់នាង និងសម្រាតខោនាងហើយរំលោភតែមិនទាន់ស៊ីជម្រៅទេ ដោយនាងរើខ្លាំងពេក ហើយជនសង្ស័យ បានចាប់នាងឱបជាប់ដាក់អង្គុយលើភ្លៅរបស់គាត់ ហើយរំលោភម្តងទៀត «រំលោភពីក្រោយ» បានសម្រេច ។ បន្ទាប់ពីកើតហេតុ បងស្រីរបស់ជនសង្ស័យ បាននិយាយសុំសម្របសម្រួល តែជនរងគ្រោះមិនព្រម ទើបជនសង្ស័យភ័យខ្លួន រត់គេចខ្លួនបាត់មកសំងំលាក់ខ្លួន នៅភ្នំពេញ ។
បន្ទាប់ពីទទួលបានដីកាពីតុលាការខេត្តសៀមរាប សមត្ថកិច្ចបានធ្វើការស៊ើបអង្កេត ស្រាវជ្រាវតាមស្វែងរក រហូតរកឃើញទីតាំងលាក់ខ្លួនរបស់ជនសង្ស័យ ទើបចាប់ខ្លួនតែម្តង ។
បច្ចុប្បន្ន សមត្ថកិច្ចកសាងសំណុំរឿង បញ្ជូនជនជាប់សង្ស័យ ទៅសាលាដំបូងខេត្តសៀមរាប ដើម្បីអនុវត្តតាមនីតិវិធី ៕
ចែករំលែកព័តមាននេះ