ភ្ញាក់ផ្អើល ! ក្រុមហ៊ុន OPPO ប្រចាំប្រទេសកម្ពុជា ទទួលពានរង្វាន់ពិសេស !
រាជធានីភ្នំពេញ ៖ នៅរសៀលថ្ងៃទី ២៥ ខែវិច្ឆិកា ឆ្នាំ ២០២០នេះ ក្រុមហ៊ុនបច្ចេកវិទ្យាឈានមុន OPPO បានរៀបចំកម្មវិធីទទួលពានរង្វាន់ដែលមានឈ្មោះថា…
រាជធានីភ្នំពេញ ៖ នៅរសៀលថ្ងៃទី ២៥ ខែវិច្ឆិកា ឆ្នាំ ២០២០នេះ ក្រុមហ៊ុនបច្ចេកវិទ្យាឈានមុន OPPO បានរៀបចំកម្មវិធីទទួលពានរង្វាន់ដែលមានឈ្មោះថា «មជ្ឈមណ្ឌលសេវាកម្មជួសជុលទូរស័ព្ទដែលមានសាខាច្រើនជាងគេក្នុងប្រទេសកម្ពុជាប្រចាំឆ្នាំ ២០២០» នៅឯមជ្ឈមណ្ឌលសេវាកម្ម OPPO (OPPO Service Center) ដែលមានទីតាំងនៅតាមបណ្តោយវិថីព្រះមុន្នីវង្ស (ទល់មុខវត្តកោះ) ។
នៅក្នុងកម្មវិធីនោះដែរមានការចូលរួមពីពិធីករលោក ជា វណ្ណារិទ្ធ និងតំណាងក្រុមហ៊ុន Cambo Report ព្រមទាំងបងប្អូនមិត្តៗសារព័ត៌មានជាច្រើនស្ថាប័ន និងអ្នកតំណាងក្រុមហ៊ុនផងដែរ ។ នៅក្នុងកម្មវិធីនោះផងដែរក៏មានការចែកពានរង្វាន់សម្រាប់ប្រ៊េនស្មាតហ្វូន ដែលមានមជ្ឈមណ្ឌលសេវាកម្មជួសជុលច្រើនជាងគេពីសំណាក់ Cambo Report ដែលជាស្ថាប័នសារព័ត៌មានបច្ចេកវិទ្យាដ៏សម្បូរបែប និងធំជាងគេនៅក្នុងប្រទេសកម្ពុជា ។
មជ្ឈមណ្ឌលសេវាកម្ម OPPO មានទីតាំងចំនួន ១១ ទីតាំងទូទាំងប្រទេសកម្ពុជា ដែលមាន ៤ ទីតាំងស្ថិតនៅក្នុងរាជធានីភ្នំពេញ និង ៧ ទីតាំងនៅតាមបណ្ដាលខេត្តផ្សេងៗទៀតដូចជា ៖ ខេត្តសៀមរាប ខេត្តកណ្តាល ខេត្តកំពង់ចាម ខេត្តព្រះសីហនុ ខេត្តបាត់ដំបង ខេត្តក្រចេះ និងខេត្តបន្ទាយមានជ័យ ។
នៅក្នុងកម្មវិធីនោះផងដែរ លោក Victor ដែលជាប្រធាន OPPO Service Center ប្រចាំប្រទេសកម្ពុជាបានមានប្រសាសន៍ថា មជ្ឈមណ្ឌលសេវាកម្មជួសជុលទូរសព្ទ OPPO នឹងបន្តពង្រីកទីតាំងបន្ថែមទៀតនៅឆ្នាំក្រោយ ដើម្បីធ្វើអោយសេវាកម្មកាន់តែទូលំទូលាយ និងកាន់តែប្រសើរ ។ លើសពីនេះទៅទៀតយើងក៏មានសេវាកម្មជួសជុលរហ័សមួយម៉ោង ជាមួយនឹងបរិយាកាសល្អ ហើយយើងនឹងឈានទៅកាន់ “មជ្ឈមណ្ឌលសេវាកម្មដែលល្អបំផុត” នៅថ្ងៃខាងមុខនេះ ។
ជាក់ស្តែងកាលពីដើមខែវិច្ឆិកានេះ OPPO Service Center ក៏បានប្រកាសនូវកម្មវិធី OPPO Service Month ដែលបង្ហាញពីការជួសជុលរហ័សមិនដល់មួយម៉ោងផងដែរ ។ អ្វីដែលកាន់តែពិសេសនៅចុងកម្មវិធី OPPO Service Center ក៏បានប្រកាសនូវកម្មវិធី OPPO Service Day នៅរៀងរាល់ថ្ងៃទី ១០ និងទី ១១ ដោយមានការបញ្ចុះតម្លៃ ២0% លើគ្រឿងបន្លាស់ និង accessory ទូរស័ព្ទ ។ គួរបញ្ជាក់ផងដែរថា មជ្ឈមណ្ឌលសេវាកម្មជួសជុលទូរស័ព្ទ OPPO ជួសជុលរហ័ស មានសាខាច្រើនអមជាមួយការប្រូម៉ូសិនពិសេស អាចនិយាយបានថា គឺជាមជ្ឈមណ្ឌលសេវាកម្មជួសជុលទូរស័ព្ទដែលមានសេវាកម្មល្អជាងគេ ៕ ដោយសហការ
ចែករំលែកព័តមាននេះ