រាជធានីភ្នំពេញ ៖ តារាចម្រៀងលោកអ៊ីណូ បានបញ្ជាក់រឿងឃ្លាំងលក់រថយន្ត ដោយសារមានអ្នកសង្ស័យថា ឃ្លាំងរថយន្តនោះមិនមែនកម្មសិទ្ធិផ្ទាល់ខ្លួនរបស់លោកទេ ពោលគឺគេគ្រាន់តែឲ្យលោកឈរឈ្មោះជាតំណាងប៉ុណ្ណោះ ដ្បិតលោកគឺជាតារាចម្រៀងល្បីមួយរូប ។ កាលពីថ្ងៃទី២៤…
រាជធានីភ្នំពេញ ៖ តារាចម្រៀងលោកអ៊ីណូ បានបញ្ជាក់រឿងឃ្លាំងលក់រថយន្ត ដោយសារមានអ្នកសង្ស័យថា ឃ្លាំងរថយន្តនោះមិនមែនកម្មសិទ្ធិផ្ទាល់ខ្លួនរបស់លោកទេ ពោលគឺគេគ្រាន់តែឲ្យលោកឈរឈ្មោះជាតំណាងប៉ុណ្ណោះ ដ្បិតលោកគឺជាតារាចម្រៀងល្បីមួយរូប ។
កាលពីថ្ងៃទី២៤ វិច្ឆិកា ២០២០ អ៊ីណូ បានចាត់ទុកការលើកឡើងពីបុគ្គលមួយចំនួននោះគឺកើតចេញពីការច្រណែន ឈ្នានីស រូបលោកដែលកំពុងប្រកបរបរមួយនេះ ។ លោកសង្ស័យបុគ្គលដែលដើរនិយាយបង្ខូចរូបលោកនោះ គឺជាអ្នកស្គាល់គ្នាជិតស្និទ្ធ ។
តារាចម្រៀងប្រចាំផលិតកម្មសាន់ដេលោក អ៊ីណូ បានសរសេរសារបង្ហោះតាមហ្វេសប៊ុកថា «យី! សុទ្ធតែខ្ញុំលក់ឡានហ្នឹង ឈរឈ្មោះឲ្យគេ អត់សូវចេះញ៉ាំត្រាវនឹងគេសោះ ។ រាល់ថ្ងៃខ្ញុំជាម្ចាស់ភាគហ៊ុន ជាមួយឃ្លាំងលើផ្លូវម៉ុងរិទ្ធី ឃ្លាំងលក់រថយន្ត ជិតផ្សារអ៊ីអន២ គឺឃ្លាំងខ្លួនឯងផ្ទាល់ ដោយសហការការងារជាមួយបងប្រុសបង្កើត។ ម៉េចជ្រាបជាព័ត៌មាននៅអស់លោក ។ យី ! ច្រណែនធ្វើអីគេមិនកើតប្រឹងដើរនិយាយម្ល៉េះ» ។
អ៊ីណូ បន្តថា«ខ្ញុំមិនចេះអួតទេ ខ្ញុំមានប៉ុនណាខ្ញុំធ្វើប៉ុណ្ណឹង បើគិតខ្ញុំអួតខុសហើយ អស់លោកលោកស្រី រាល់ថ្ងៃ សុំតែ មួយរស់ៗ ទេ តែសូមសរសើរគាត់ដែរនៅមុខខ្ញុំនិយាយថា និយាយអីក៏ត្រូវគ្នា ធ្វើដូចស្រលាញ់គ្នាណាស់ តែក្រោយខ្នងគួរឲ្យខ្លាច»។
គួរបញ្ជាក់ថា តារាចម្រៀងលោកអ៊ីណូ មួយរយៈចុងក្រោយនេះអាជីពសិល្បៈចម្រៀងរបស់លោកលូតឡើងខ្លាំង តាមរយៈបទចម្រៀងដែលបានចេញជាបន្តបន្ទាប់ ។ តារារូបនេះបានក្លាយជាតារាជួរមុខមួយរូបក្នុងផលិតកម្មសាន់ដេ ក្រោយពេលតារាចម្រៀងលោកខេមរៈ សិរីមន្ត បានចាកចេញទៅផលិតកម្មរស្មីហង្សមាស ។
ចែករំលែកព័តមាននេះ