រាជធានីភ្នំពេញ ៖ គណបក្សនយោបាយចំនួន៣ បានធ្វើសន្នីសីទកាសែត ពីការប្រកាសសម្ព័ន្ធភាពអ្នកប្រជាធិបតេយ្យខ្មែរ ។ គណបក្សនយោបាយចំនួន៣ ដែលការធ្វើសន្នីសិទសារព័ត៌មាន ពីការប្រកាសចងសម្ព័ន្ធភាពមានគណបក្សខ្មែររួបរួមជាតិរបស់លោក ញឹក ប៊ុនឆៃ គណបក្សសំបុកឃ្មុំសង្គមប្រជាធិបតេយ្យរបស់លោក ម៉ម សូណង់ដូ និងគណបក្សខ្មែរតែមួយរបស់ លោក កែម រិទ្ធិសិត ។
លោក អ៊ុំ សុមន្ថា អនុប្រធានគណបក្សខ្មែររួបរួមជាតិបានលើកឡើងពីគោលនយោបាយនៃការចងសម្ព័ន្ធភាពអ្នកប្រជាធិបតេយ្យខ្មែរក្នុងគោលបំណងបម្រើជាតិ និងប្រជាពលរដ្ឋខ្មែរឲ្យមានការរីកចម្រើនមានជីវភាពធូរធារសុខដុមរមនាប្រកបដោយប្រសិទ្ធិភាពខ្ពស់ និងដោយយល់ឃើញថា បញ្ហាធំៗដែលជាអាយុជីវិតជាតិមិនអាចដោះស្រាយដោយគណបក្សនយោបាយណាមួយផ្តាច់មុខម្នាក់ឯងបានទេ ។ ចំណែកលោកញឹក ប៊ុនឆៃ ប្រធានគណបក្សខ្មែររួបរួមជាតិបានលើកឡើងថា ការដឹកនាំប្រទេសកន្លងមានភាពល្អប្រសើរ ហើយមិនមានភាពល្អប្រសើរតែមិនគ្រប់គ្រាន់សម្រាប់ប្រជាពលរដ្ឋកម្ពុជាបាននោះទេ ។
លោកបន្តថា ក្នុងនាមជាអ្នកធ្លាប់ឆ្លងកាត់ក្នុងបរិបទសង្គមជាច្រើនជាងប្រទេសមហាអំណាចម្ខាងៗបានកំពុងតែចង់អូសទាញយកកម្ពុជា ។ លោកបញ្ជាក់«ស្ថានភាពនយោបាយកម្ពុជានាពេលបច្ចុប្បន្នកំពុងមានការព្រួយបារម្ភ ព្រោះអតីតបក្សប្រឆាំងបានលំអៀងទៅរកប្រទេសមួយផ្កាប់មុខដែលជាហេតុធ្វើឲ្យពិបាក ។ ចំពោះទស្សន់ខ្ញុំ បើបក្សប្រឆាំងដណ្តើមអំណាចបាននោះនឹងមានបញ្ហា ។ ជាងនេះ ការប្រកាន់គោលជំហរមានឯងអត់អញ្ញ» ៕
ចែករំលែកព័តមាននេះ