កោះតៃវ៉ាន់ ៖ ប្រធានាធិបតីតៃវ៉ាន់លោកស្រី TSAI ING WEN បានសន្យាកាលពីថ្ងៃទី២៤
វិច្ឆិកា ការពារអធិបតេយ្យភាពដែនកោះនោះជាមួយការកសាងកងកម្លាំងនាវាមុជទឹកផលិតក្នុងស្រុក ដែលនោះជាគម្រោងចម្បងមួយ ទទួលការជួយទ្រទ្រង់របស់សហរដ្ឋអាមេរិក ដើម្បីទប់ឥទ្ធិពលរបស់ចិន ។
តៃវ៉ាន់ដែលចិនចាត់ទុកជាខេត្តមួយរបស់ខ្លួន បានធ្វើការចាប់តាំងពីច្រើនឆ្នាំមកហើយ លើការកែលម្អនាវាមុជទឹករបស់ខ្លួន ខណៈនាវាមុជទឹកមួយចំនួន ចាស់ជ្រុលសម័យកាលសង្គ្រាមលោកលើកទី២មកម៉្លេះ មិនអាចផ្ទឹមបានជាមួយកម្លាំងយោធារបស់ចិន ដោយចិនមានរហូតដល់បណ្ដានាវាដែលអាចបាញ់មីស៊ីលនុយក្លេអ៊ែរផង ។
ក្នុងពិធីមួយនាទីក្រុងកំពង់ផែ KAOHSIUNG កំណត់ពីការចាប់ផ្ដើមការងារកសាងនាវាថ្មី លោកស្រី TSAI ING WEN បានលើកពីដំណាក់កាលប្រវត្តិសាស្ត្រមួយសម្រាប់សមត្ថភាពការពាររបស់តៃវ៉ាន់ ។
លោកស្រីថាការងារទាំងនេះបង្ហាញដល់ពិភពលោកពីឆន្ទៈម៉ឺងម៉ាត់របស់តៃវ៉ាន់ការពារអធិបតេយ្យភាពរបស់ខ្លួន ។ បណ្ដានាវាមុជទឹកជាឧបករណ៍សំខាន់សម្រាប់ពង្រីកសមត្ថភាពប្រយុទ្ធរបស់កងម៉ារីនតៃវ៉ាន់ និងរារាំងការឡោមព័ទ្ធកោះតៃវ៉ាន់ពីសំណាក់ពួកសត្រូវ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ