ខេត្តកណ្ដាល ៖ យុវជនម្នាក់ជាមនុស្សជោកជាំទៅដោយថ្នាំញៀន ក្រោយពេលចេញពីមណ្ឌលអប់រំកែប្រែបន្សាបគ្រឿងញៀនវិញ ត្រូវបានសមត្ថកិច្ចនគរបាលមូលដ្ឋានចាប់ខ្លួន ដោយរូបគេបានធ្វើសកម្មភាពវាយបំផ្លិចបំផ្លាញទ្រព្យសម្បត្តិក្នុងផ្ទះ គំរាមកំហែងថានឹងសម្លាប់ដែលគ្មានអ្នកណាហ៊ាននៅជាមួយ សូម្បីអ្នកជិតខាងក៏ខ្លាចរអារដែរ ។ ជនញៀនថ្នាំរូបនោះ…
ខេត្តកណ្ដាល ៖ យុវជនម្នាក់ជាមនុស្សជោកជាំទៅដោយថ្នាំញៀន ក្រោយពេលចេញពីមណ្ឌលអប់រំកែប្រែបន្សាបគ្រឿងញៀនវិញ ត្រូវបានសមត្ថកិច្ចនគរបាលមូលដ្ឋានចាប់ខ្លួន ដោយរូបគេបានធ្វើសកម្មភាពវាយបំផ្លិចបំផ្លាញទ្រព្យសម្បត្តិក្នុងផ្ទះ គំរាមកំហែងថានឹងសម្លាប់ដែលគ្មានអ្នកណាហ៊ាននៅជាមួយ សូម្បីអ្នកជិតខាងក៏ខ្លាចរអារដែរ ។ ជនញៀនថ្នាំរូបនោះ ឈ្មោះ អាន រដ្ឋា ភេទប្រុស អាយុ២១ឆ្នាំ មានទីលំនៅភូមិ ឃុំព្រែកជ្រៃ ស្រុកកោះធំ ខេត្ដកណ្ដាល មុខរបរមិនពិតប្រាកដ ។ ក្នុងការឃាត់ខ្លួនសមត្តកិច្ចបានដកហូត កាំបិតប៉័ងតោ ១ .ដំបងឫស្សី១ដើម .អំបែងកែវនិងអំបែងចានមួយចំនួនទៀត ។
តាមសាក្សីជាជនរងគ្រោះឈ្មោះ ស្រ៊ុន លាងហ៊ី ភេទប្រុស អាយុ៦៣ឆ្នាំ ដែលជាអ្នករស់នៅជិតខាងជនសង្ស័យបានឲ្យសមត្តកិច្ចដឹងថា ឈ្មោះ អាន រដ្ឋា ជាមនុស្សប្រើប្រាស់គ្រឿងញៀន ហើយត្រូវបានក្រុមគ្រួសារនាំយកទៅដាក់ នៅមណ្ឌលអប់រំកែប្រែបន្សាបគ្រឿងញៀនមួយរយៈ ។ លុះថ្មីៗនេះស្រាប់តែគេឃើញឈ្មោះ អាន រដ្ឋា ចេញមណ្ឌលបន្សាបគ្រឿងញៀននោះត្រឡប់មកផ្ទះវិញ ហើយតាំងពីជននេះមកដល់ គឺគេតែងតែវាយបំផ្លាញរបស់របរក្នុងផ្ទះ បណ្តា លឲ្យខូចខាតគ្មានសល់ ក្នុងនោះសូម្បីតែបងស្រីគេម្នាក់ក៏រស់នៅមិនបានដែរ នឹងរត់ចេញពីផ្ទះបាត់ដោយខ្លាចយុវជននោះសម្លាប់ ចោល ។
សមត្ថកិច្ចបន្តថា ជាក់ស្តែងកាលពីថ្ងៃថ្ងៃទី៥ ខែវិច្ឆិកា ឆ្នាំ២០២០ វេលាម៉ោង៩ នឹង១០នាទី ជនសង្ស័យឈ្មោះ អាន រដ្ឋា បានកាន់ កាំ បិតមកឈរខាងមុខផ្ទះឈ្មោះ ស្រ៊ុន លាងហ៊ី ហើយស្រែកគម្រាមថា អាញ់និងសម្លាប់ចោលមួយពូជ ស្រែកហើយឈ្មោះ អាន រដ្ឋា ក៏ដើរត្រឡប់ចូលទៅផ្ទះវិញបាត់ទៅ ។ ក្រោយមកនៅមុនពេលកើតហេតុ ជនសង្ស័យតែងតែយកអំបែង កែវ អំបែងចានគប់ចូលទៅខាងមុខផ្ទះរបស់ជនរងគ្រោះ និងនិ យាយគម្រាមកំហែងដល់អាយុជីវិត ក្រុមគ្រួសារនោះជាបន្ត បន្ទាប់ តែខាងក្រុមគ្រួសារជនរងគ្រោះពុំហ៊ានតបតវិញឡើយ ។
លុះថ្ងៃទី២២ ខែវិច្ឆិកា ឆ្នាំ ២០២០ វេលម៉ោង១០ នឹង៣០នាទី ពេលឈ្មោះ លាងហ៊ី ចាន់នេត ត្រូវជាកូនស្រីរបស់ជនរងគ្រោះ រៀបនិងដើរចេញពីផ្ទះទៅទិញម្ហូប ស្រាប់តែឈ្មោះ អាន រដ្ឋា បានចុះមកពីលើផ្ទះរបស់ខ្លួនដែលនៅទល់មុខផ្ទះគ្នា ក៏ទាញយកដំប ងឬស្សី ១ដើម គប់ចូលទៅរកកូនស្រីជនរងគ្រោះតែមិនត្រូវ និងបានស្រែកគម្រាមថានឹងសម្លាប់ចោលទាំងអស់គ្នា ។ ក្រោយមកនៅរសៀលថ្ងៃដដែល ជនរងគ្រោះក៏បានមកដាក់ពាក្យបណ្ដឹង នៅប៉ុស្ដិ៍នគរបាលរដ្ឋបាលព្រែកជ្រៃ ។
ក្រោយពីទទួលបានបណ្ដឹងភ្លាម កម្លាំងនគរបាលប៉ុស្ដិ៍បានចុះស្រាវជ្រាវដល់កន្លែងកើតហេតុ រួចបានឃាត់ខ្លួនជនសង្ស័យ អាន រដ្ឋា យកមកកាន់ប៉ុស្ដិ៍រដ្ឋបាលព្រែកជ្រៃ និងបញ្ជូនបន្តទៅកាន់អធិការដ្ឋាននគរបាលស្រុកកោះធំ ដើម្បីបន្តនីតិវិធី ។
សមត្ថកិច្ចបន្តថា ជនសង្ស័យរូបនេះជាមនុស្សជោកជាំថ្នាំញៀន ហើយធ្លាប់ក្រុមគ្រួសារនាំយកទៅដាក់នៅមណ្ឌលកែប្រែបន្សាបគ្រឿង ប៉ុន្តែនៅពេលចេញពីមណ្ឌលកែប្រែវិញចេះក្បាច់គុនច្រើន វាយបំផ្លិចវំផ្លាញទ្រព្យសម្បត្តិក្នុងផ្ទះ គ្មានអ្នកណាហ៊ាននៅជាមួយ ៕
ចែករំលែកព័តមាននេះ