កុលបុត្រដែលបានលះភេទជាគ្រហស្ថចូលមកបូជាកាយថ្វាយខ្លួនជាភេទអ្នកបួសក្នុងព្រះពុទ្ធសាសនា សុទ្ធតែជាអ្នកបានលះបង់ខ្ពស់ហួសនិស្ស័យមនុស្សធម្មតា ជាអ្នកកាត់កិលេសក្នុងលោកដាច់ស្រឡះហើយមានដំណើរស្វែងរកសេចក្តីស្ងប់យកព្រះនិព្វានជាអារម្មណ៍តែមួយគត់ ។ ហេតុនោះទើបលោកពោលថា បព្វជា្ជជាភេទប្រសើរក្រៃលែង គុណទាំង៥រមែងកើតមានប្រាកដក្នុងបព្វជា្ជភេទ ។
១- បព្វជ្ជា ជាភេទដ៏ខ្ពង់ខ្ពស់ ជាឧត្តមភេទ ដែលនឹងទ្រទ្រង់ទុកនូវព្រះអរហត្ត ។
២- បព្វជ្ជា ជាភេទបរិសុទ្ធ កើតសេចក្តីជ្រះថ្លាដល់មនុស្សនិងទេវតាទាំងពួង ។
៣- បព្វជ្ជា ជាភេទដ៏វិសេស ដែលនឹងរម្ងាប់កិលេស មិនសេពគប់នូវមនុស្សពាល ។
៤- បព្វជ្ជា ជាភេទដ៏ប្រសើរ អាចឱ្យកើតនូវមគ្គនិងផល ។
៥- បព្វជ្ជា ជាភេទក្លៀវក្លា ឧស្សាហ៍ ដែលនឹងអាចញ៉ាំងសីល សមាធិ បញ្ញាឱ្យកើតឡើងបាន ។
គុណបព្វជ្ជាមានទំហំធំធេងណាស់សម្រាប់សត្តនិករគោរពបូជាដើម្បីប្រយោជន៍សុខចម្រើននៅក្នុងវាលវដ្តសង្សារដ៏វែងឆ្ងាយនេះ ។ សាន សារិន
ចែករំលែកព័តមាននេះ