លោកឧកញ៉ា ទៀ វិចិត្រ នាំយកសត្វព្រៃកម្រ4ក្បាលទៅលែងក្នុងព្រៃ
- ព្រះសីហនុ
ខេត្តព្រះសីហនុ ៖ លោកឧកញ៉ា ទៀ វិចិត្រ បាននាំយកពង្រូល១ក្បាល រញីភ្លើង១ក្បាល និងសំពោចក្រអូប២ក្បាល ទៅលែងនៅក្នុងព្រៃធម្មជាតិ ដើម្បីឲ្យសត្វទាំងនេះបានរស់…
ខេត្តព្រះសីហនុ ៖ លោកឧកញ៉ា ទៀ វិចិត្រ បាននាំយកពង្រូល១ក្បាល រញីភ្លើង១ក្បាល និងសំពោចក្រអូប២ក្បាល ទៅលែងនៅក្នុងព្រៃធម្មជាតិ ដើម្បីឲ្យសត្វទាំងនេះបានរស់…
ខេត្តព្រះសីហនុ ៖ លោកឧកញ៉ា ទៀ វិចិត្រ បាននាំយកពង្រូល១ក្បាល រញីភ្លើង១ក្បាល និងសំពោចក្រអូប២ក្បាល ទៅលែងនៅក្នុងព្រៃធម្មជាតិ ដើម្បីឲ្យសត្វទាំងនេះបានរស់ នៅតាមធម្មជាតិរបស់វា ។ លោកឧកញ៉ាមានប្រសាសន៍ថា សត្វព្រៃកម្រទាំង៤ក្បាលនេះ ត្រូវបានប្រជាពលរដ្ឋនាំយកមកប្រគល់ជូនលោកដោយឡែកៗពីគ្នា ដើម្បីលែងចូលទៅក្នុងព្រៃធម្មជាតិវិញ ។
ប្រជាពលរដ្ឋទាំងនោះប្រាប់ថា ការដែលនាំយកសត្វព្រៃទាំងនេះមកជូនលោកឧកញ៉ា ដោយសារកន្លងមកឃើញសកម្មភាពលោកឧកញ៉ាស្រឡាញ់សត្វ និងលែងសត្វជាបន្តបន្ទាប់ ទើបពួកគាត់មានភាពកក់ក្ដៅយកមកប្រគល់ជូន ។
ក្រៅពីការថ្លែងអំណរគុណពលរដ្ឋ ដែលនាំយកសត្វព្រៃទាំងនេះមកឲ្យលោកលែងទៅក្នុងព្រៃវិញនេះ លោកឧកញ៉ា ទៀ វិចិត្រ ក៏បានអំពាវនាវដល់ពលរដ្ឋគ្រប់សហគមន៍ ចូលរួមជួយថែរក្សាការពារសត្វព្រៃ ឬសត្វកម្រគ្រប់ប្រភេទ ដោយកុំប្រមាញ់ កុំសម្លាប់ ។
ការលែងសត្វឲ្យរស់រានមានជីវិតវិញ ក្រៅពីទទួលបាននូវបុណ្យកុសលហើយនោះ ក៏ជាការរួមចំណែកជាមួយសង្គមជាតិក្នុងការថែរក្សាសត្វព្រៃ និងបរិស្ថានធម្មជាតិផងដែរ ៕
ចែករំលែកព័តមាននេះ