ខេត្តក្រចេះ ៖ កាលពីថ្ងៃទី២២ វិច្ឆិកា វេលាម៉ោងប្រហែល១៥និង៤០នាទី កម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តក្រចេះ សហការជាមួយកម្លាំងប៉ុស្តិ៍នគរបាលរដ្ឋបាលឃុំសោប បានធ្វើការបង្ក្រាបល្បែងស៊ីសង (ជល់មាន់ និងបាញ់អាប៉ោង) ០១កន្លែង ស្ថិតនៅចំនុចក្រោមដើមស្វាយ ភូមិក្រឡាញ់ទ្រេត ឃុំសោប ស្រុកព្រែកប្រសព្វ ខេត្តក្រចេះ ដោយភូមិសាស្ត្រមានភាពស្មុគស្មាញខ្លាំង ពេលកម្លាំងនគរបាលចុះដល់ត្រូវបានក្រុមអ្នកញៀនល្បែងទាំងនោះ បានរត់គេចខ្លួនអស់ បន្សល់ទុកវត្ថុតាងនៅនឹងកន្លែងកើតហេតុ ។
វត្ថុតាងដែលសមត្ថកិច្ចបង្ក្រាបបានរួមមាន ៖
១-ចានអាប៉ោងចំនួន០១
២-មាន់ចំនួន០៨ (ងាប់០៣)
៣-កន្ត្រកចំនួន០៨
៤-កៅអីជ័រចំនួន០៣
៥-ហាន់តោចំនួន០១
៦-អង្រុតចំនួន០៦
៧-ជញ្ជីងចំនួន០១
៨-កញ្ចក់បាំងចំនួន០១
៩-ស្គុតរុំជេីងមាន់មួយចំនួន
បច្ចុប្បន្នវត្ថុតាងខាងលើ ត្រូវបានយកមករក្សាទុកជាបណ្តោះអាសន្ននៅការិយាល័យនគរបាលព្រហ្មទណ្ឌកម្រិតស្រាល ចំណែកសង្វៀនជល់មាន់ត្រូវរើដុតបំផ្លាញចោលនៅនឹងកន្លែង ។
មហាជនរងចាំមើលថា តើក្រុមញៀនល្បែងមុខដដែលៗ ដែលតែងតែបើកល្បែងស៊ីសងប្រចាំស្រុកប្រែកប្រសព្វនេះស្ងាត់ឬយ៉ាងណា ?ក្រោយធ្វើការបង្ក្រាបលើកនេះ ។
ចែករំលែកព័តមាននេះ