ខេត្តកណ្ដាល ៖ យុវជន២នាក់មានវ័យក្រោម២០ឆ្នាំ កាលពីថ្ងៃទី១៨ ខែវិច្ឆិកា ឆ្នាំ២០២០ ត្រូវបានកម្លាំងសមត្តកិច្ចឃាត់ខ្លួន បន្ទាប់ពីដើរឆក់ត្រីមិនបាន បបួលគ្នាលួចទូកស្មាច់ប្រើម៉ាស៊ីន ដែលម្ចាស់គេចតទុកនៅចំណុចអូរក្របី…
ខេត្តកណ្ដាល ៖ យុវជន២នាក់មានវ័យក្រោម២០ឆ្នាំ កាលពីថ្ងៃទី១៨ ខែវិច្ឆិកា ឆ្នាំ២០២០ ត្រូវបានកម្លាំងសមត្តកិច្ចឃាត់ខ្លួន បន្ទាប់ពីដើរឆក់ត្រីមិនបាន បបួលគ្នាលួចទូកស្មាច់ប្រើម៉ាស៊ីន ដែលម្ចាស់គេចតទុកនៅចំណុចអូរក្របី ស្ថិតក្នុងភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្តាល ចូលទៅក្នុងផ្ទះដើម្បីហូបបាយ ។
ជនសង្ស័យទាំង២នាក់ខាងលើ ក្នុងនោះម្នាក់ឈ្មោះ វី វ៉ាត ហៅ ទូច ភេទប្រុស អាយុ១៧ឆ្នាំ មុខរបរ មិនពិតប្រាកដ មានទីលំនៅភូមិកំពង់ពោធិ៍ ឃុំ កំពង់ភ្នំ ស្រុកលើកដែក ខេត្តកណ្តាល និងម្នាក់ទៀតឈ្មោះ ឈិត គីមហេង ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្ដាល ។
ករណីខាងលើនេះសមត្ថកិច្ចឲ្យដឹងថា នៅវេលាម៉ោងប្រហែលជា៥ល្ងាចថ្ងៃទី១៧ ខែវិច្ឆឹកា ជនសង្ស័យទាំង២នាក់បាននាំគ្នាទៅឆក់ត្រីនៅបឹងខាងក្រោយភូមិ លុះម៉ោងប្រហែលជា៧យប់ ពួកគេបានត្រឡប់មកផ្ទះវិញ ដោយដើរបណ្ដើរ ឆក់ត្រីបណ្ដើរតាមបឹងតាមអូ ។ លុះមកដល់ចំណុចអូក្របី ជនសង្ស័យទាំង២បានឃើញទូកប្រជាពលរដ្ឋ ចតទុកក្នុងអូដោយពុំមានចាក់សោរទេ ហើយជនសង្ស័យទាំងពីរបាននិយាយគ្នាថា ថ្ងៃនេះកុំឲ្យស៊យ ឆក់ត្រីមិនបានលួចយកទូកនឹងទៅ ក៏ឡើងបញ្ឆេះម៉ាស៊ីនទូក ហើយបើកចេញទៅទិសខាងត្បូងតែម្តង ទៅ ។
តាមប្រភពដដែលបានបន្តថា រហូតដល់ព្រឹកឡើងថ្ងៃទី១៨ ខែវិច្ឆិកា ម្ចាស់ទូកបានចេញទៅរកច្រូតស្មៅគោ ពេលទៅដល់កន្លែងចតទូកពុំឃើញទើបឆោឡោ ហើយបានដើរស្វែងរករហូតដល់ម៉ោង១នឹង៤៥នាទីរសៀលថ្ងៃដដែល ស្រាប់តែឃើញជនសង្ស័យម្នាក់ឈ្មោះ វី វ៉ាត (ហៅ ទូច)កំពុងតែបើកទូករបស់ខ្លួននៅក្នុងអូរគាត់(ជនរងគ្រោះ) បានស្ទាក់ឃាត់ខ្លួន នាំទៅកាន់ប៉ុស្ដិ៍នគរបាលរដ្ឋបាលកំពង់ភ្នំតែម្ដង ។
បន្ទាប់មកកម្លាំងប៉ុស្ដិ៍នគរបាលរដ្ឋបាលកំពង់ភ្នំ បានបញ្ជូនជន សង្ស័យម្នាក់នេះទៅកាន់អធិការដ្ឋាននគរបាលស្រុកលើកដែក ប្រគល់ឲ្យផ្នែកជំនាញសាកសួរនាំ បានដឹងថាមានបក្ខពួកម្នាក់ ទៀតឈ្មោះឈិត គឹមហេង ពេលនោះសមត្តកិច្ចកជំនាញសហ ការជាមួយប៉ុស្តិ៍រដ្ឋបាល ចុះទៅឃាត់ខ្លួនជនសង្ស័យម្នាក់នោះដើម្បីបន្តចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ