រាជធានីភ្នំពេញ ៖ លំនៅឋាន៤ខ្នង ធ្វើពីឈើប្រក់សង្ក័សី ត្រូវបានអគ្គីភ័យឆាបឆេះ ដែលក្នុងនោះ២ខ្នងត្រូវភ្លើងឆេះទាំងស្រុង និង២ខ្នងទៀតរងការខូចខាតមួយចំនួន និងបណ្តាលនារីម្នាក់បានរងបួសស្រាល ដែលហេតុការណ៍នេះបានកើតឡើង កាលពីវេលាម៉ោងប្រមាណ១និង៤០នាទីរសៀល ថ្ងៃទី២១ ខែវិឆ្ឆិកា ឆ្នាំ២០២០ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌប្ញស្សីកែវ រាជធានីភ្នំពេញ។
តាមព័ត៌មានអោយដឹងថា នៅមុនពេលកើតហេតុគេឃើញភ្លើងបានឆាបឆេះយ៉ាងសន្ធោសន្ធៅចេញពីផ្ទះថ្មក្រោម ឈើលើប្រក់សង្ក័សីទំហំ៣ម៉ែត្រ គុណ៤ម៉ែត្រ ដែលមានម្ចាស់ឈ្មោះនូ សំបូរ ភេទស្រី អាយុ៦២ឆ្នាំ បានរងរបួសស្រាល និងបានឆេះរាលដាល់ដល់ផ្ទះអ្នកក្បែរខាងចំនួន៣ខ្នងទៀតដែលក្នុងនោះមួយខ្នងឆេះទាំងស្រុង និង២ខ្នងទៀតឆេះអស់ប្រមាណ៣០ភាគរយ ។
តាមព័ត៌មានអោយដឹងទៀតថា នៅក្នុងហេតុការណ៍នោះគេឃើញ លោកជា ពិសីអភិបាលខណ្ឌ ឬស្សីកែវ ក៏បានដឹកនាំកម្លាំង ចុះទៅអន្តរាគមន៍បាញ់ពន្លត់ ។
តាមនគរបាលការិយាល័យបង្ការ ពន្លត់ អគ្គីភ័យ និងសង្គ្រោះបានអោយដឹងថា នៅក្នុងហេតុការណ៍រថយន្តពន្លត់អគ្គិភ័យចំនួន១៤គ្រឿង បានទៅអន្តរាគមន៍បាញ់ពន្លត់ក្នុងនោះ រថយន្តការិយាល័យអគ្គិភ័យរាជធានីភ្នំពេញចំនួន១០គ្រឿងទៅអន្តរាគមន៍ហើយភ្លើងពន្លត់នៅម៉ោង២និង៣០នាទីរសៀល ។
តាមនគរបាលអោយដឹងលំនោះឋានចំនួន៤ខ្នង ដែលធ្វើពីថ្មក្រោមឈើលើប្រក់សង្ក័សីត្រូវបានអគ្គីភ័យឆាបឆេះ ក្នុងនោះ២ខ្នង ត្រូវភ្លើង ឆេះទាំងស្រុង និង២ខ្នងទៀត បណ្តាលអោយឆេះអស់ប្រមាណ៣០ភាគរយ ។
ក្នុងហេតុការណ៍នោះ បណ្តាលអោយស្ត្រីជាម្ចាស់ផ្ទះដើមបានរងរបួសស្រាលផងដែរ។ទាក់ទិនការកើតមានអគ្គីភ័យនេះ នគរបាលពុំទាន់អោយដឹងពីមូលហេតុឡើយ ដោយរងចាំការស្រាវជ្រាវសិន ។ ទោះបីជាយ៉ាងណាតាមផេករបស់លោកជា ពិសីអភិបាលខណ្ឌឬស្សីកែវ ថា បណ្តាលមកពីឆ្លងចរន្ដអគ្គីសនី ៕
ចែករំលែកព័តមាននេះ