រាជធានីភ្នំពេញ ៖ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យប្រោសព្រះរាជទានត្រាស់បង្គាប់តែងតាំង…
រាជធានីភ្នំពេញ ៖ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យប្រោសព្រះរាជទានត្រាស់បង្គាប់តែងតាំង និងផ្តល់ឋានៈ សម្តេចរាជបុត្រីព្រះអនុជ នរោត្តម អរុណរស្មី ជាទីប្រឹក្សារាជរដ្ឋាភិបាល មានឋានៈស្មើ ឧបនាយករដ្ឋមន្ត្រី ។ នេះបើយោងតាមព្រះរាជក្រឹត្យចុះថ្ងៃទី១៨ ខែវិច្ឆិកា ឆ្នាំ២០២០ ។
សូមរម្លឹកថា ព្រះអង្គម្ចាស់ក្សត្រីនរោត្តម អរុណ រស្មី ជាអតីប្រធានគណបក្សហ្វ៊ុនស៊ិនប៉ិចដែលបានចូលរួមប្រឡូកការធ្វើយុទ្ធនាការឃោសនាបោះឆ្នោតយ៉ាងខ្លាំងក្លា កាលពីឆ្នាំ ២០១៣ ។
ថ្មីៗកន្លងទៅនេះក៏មានព័ត៌មានថា សមាជិកជាច្រើនរបស់គណបក្សហ្វ៊ុនស៊ិនប៉ិចគ្រោងស្នើឱ្យព្រះអង្គម្ចាស់ក្សត្រី នរោត្តម អរុណរស្មី ដែលជាព្រះអនុជរបស់ព្រះមហាក្សត្រ យាងមកធ្វើជាព្រះប្រធានគណបក្សរាជានិយមនេះម្តងទៀតផងដែរ ៕
ចែករំលែកព័តមាននេះ