ខេត្តបន្ទាយមានជ័យ ៖ ឆ្នាំនេះពិតជាមានការលំបាកសម្រាប់ប្រជាកសិករប្រមូលផលស្រូវដោយម៉ាស៊ីនច្រូតស្រូវបានឡើងថ្លៃ ប៉ុន្តែស្រូវផ្ការំដួល ត្រូវឈ្មួញអោយថោក ហើយស្រូវសែនក្រអូប គ្មានអ្នកទិញ។ ជាក់ស្តែង ប្រជាកសិករបានប្រាប់ថ្ងៃទី១៨ វិច្ឆិកា…
ខេត្តបន្ទាយមានជ័យ ៖ ឆ្នាំនេះពិតជាមានការលំបាកសម្រាប់ប្រជាកសិករប្រមូលផលស្រូវដោយម៉ាស៊ីនច្រូតស្រូវបានឡើងថ្លៃ ប៉ុន្តែស្រូវផ្ការំដួល ត្រូវឈ្មួញអោយថោក ហើយស្រូវសែនក្រអូប គ្មានអ្នកទិញ។
ជាក់ស្តែង ប្រជាកសិករបានប្រាប់ថ្ងៃទី១៨ វិច្ឆិកា ថា ឆ្នាំនេះ ពិតជាលំបាកប្រជាកសិករដែលប្រមូលផលស្រូវម្ចាស់ម៉ាស៊ីនច្រូតស្រូវឡើងថ្លៃ ហើយស្រូវផ្ការំដួលឈ្មួញអោយតំលៃ ហើយស្រូវសែនក្រអូបគ្មានអ្នកទិញ។ ប្រជាកសិករបានត្អូញត្អែរថា ឆ្នាំ២០២០ត្រូវឆ្នាំជូត ពិតជាជូនទឹកភ្នែកមែន ដោយខេត្តបន្ទាយមានជ័យ កាលពីដើមរដូវជួបគ្រោះរាំងស្ងួតត្រូវបានអូសបន្លាយ រហូតពេលទឹកជនឡើងបណ្តាលជនលិចទូទាំងខេត្តមាន៩ស្រុក.ក្រុងត្រូវបានលិចលង់ផ្ទៈសំបែងនិងដំណាំកសិកម្ម។
ប្រជាកសិករបានបញ្ជាក់ថា ឆ្នាំ២០២០ នេះ ពេលស្រូវសល់ពីលិចទឹកទទួលបានផលខ្លះ ពេលប្រមូលផលស្រូវត្រូវបានម្ចាស់ម៉ាស៊ីនច្រូតស្រូវច្រូតឡើងថ្លៃក្នុង១ហិកតាយកតំលៃច្រូត៣,៥០០បាតហើយប្រមូលផលស្រូវប្រភេទស្រូវផ្ការំដួនឈ្មួញទិញ១តោនតំលៃ៧,០០០បាតនៅស្រុកស្វាយចេក និងស្រុកថ្មពួកហើយស្រូវសែនក្រអូបនៅឈ្មួញមិនទិញប្រជាកសិករនាំគ្នាហាលស្រូវទុកលក់ស្ងួតនៅពេលឈ្មួញទិញនៅឃុំតាគង់ស្រុកម៉ាឡៃហើយទំនាក់ទំនងទៅអនុប្រធានមន្ទីពាណិជ្ជកម្មខេត្តបន្ទាយមានជ័យបានអោយលេខទូរស័ព្ទខាងសមាគមន៍ទិញស្រូវនិងក្រុមហ៊ុនប៉ៃតងថៅកែរោងម៉ាស៊ីនបានប្រាប់វិញថាផ្អាក់ទិញស្រូវសែនក្រអូបហើយ ដោយទិញស្រូវផ្ការំដួន។
ប្រជាកសិករបានបញ្ជាក់ថា៖បើប្រៀបធៀបក្នុងឆ្នាំ២០១៩កន្លងទៅគ្មានទឹកជំនន់ហើយប្រជាកសិករបង្កបង្កើនស្រូវទទួលបានផលល្អ ពេលដែលប្រមូលផលស្រូវតំលៃម៉ាស៊ីនច្រូតស្រូវក្នុង១ហិកតាច្រូវយកតំលៃ២,៥០០បាត ហើយស្រូវផ្ការំដួលនិងស្រូវសែនក្រអូបក្នុង១តោនឈ្មួញទិញតំលៃជិត១ម៉ឺនបាត។
ដោយយោងតាមរបាយការណ៍មន្ទីពាណិជ្ជកម្មខេត្តបន្ទាយមានជ័យនៅថ្ងៃទី១៨ ខែវិច្ឆិការ ឆ្នាំ២០២០នេះតំលៃស្រូវ មានស្រូវផ្កាម្លិៈស្ងួត១គីឡូក្រាមតំលៃ១,៥០០រៀល ស្រូវផ្កាម្លិៈសៀម១គីឡូក្រាមតំលៃ១,១៨០រៀល ស្រូវសែនក្រអូបស្ងួត១គីឡូក្រាមតំលៃ១,៤៣០រៀល ស្រូវសែនក្រអូបសើម១គីឡូក្រាមតំលៃ១,០៦០រៀល ស្រូវនាងខុនស្ងួត១គីឡូក្រាមតំលៃ១,២១៩រៀល ស្រូវផ្កាខ្ញី១គីឡូក្រាមតំលៃ១,២៤៥រៀល ស្រូវអ៊ីអ៊ៀ៨៥សៀម១គីឡូក្រាមតំលៃ៨០៥រៀល ស្រូវ៥១.៥៤ក្នុង១គីឡូក្រាមតំលៃ៨២០រៀល៕
ចែករំលែកព័តមាននេះ