ខេត្តមណ្ឌលគិរី ៖ មុខសញ្ញាជួញដូរគ្រឿងញៀនយ៉ាងសកម្មម្នាក់ ត្រូវបានសមត្ថកិច្ចចាប់ខ្លួន និងរឹបអូសបានវត្ថុតាងមួយចំនួន កាលពីវេលាម៉ោង២០និង១០នាទី នាថ្ងៃទី១៤ ខែវិច្ឆិកា ឆ្នាំ២០២០នេះ ។…
ខេត្តមណ្ឌលគិរី ៖ មុខសញ្ញាជួញដូរគ្រឿងញៀនយ៉ាងសកម្មម្នាក់ ត្រូវបានសមត្ថកិច្ចចាប់ខ្លួន និងរឹបអូសបានវត្ថុតាងមួយចំនួន កាលពីវេលាម៉ោង២០និង១០នាទី នាថ្ងៃទី១៤ ខែវិច្ឆិកា ឆ្នាំ២០២០នេះ ។
បើតាមសេចក្តីរាយការណ៍បានឱ្យដឹងថា កម្លាំងផ្នែកជំនាញការិយាល័យប្រឆាំងគ្រឿងញៀន បានសហការជាមួយកម្លាំងនៃអធិការដ្ឋាននគរបាលក្រុងសែនមនោរម្យ និងកម្លាំងប៉ុស្ដិ៍នគរបាលរដ្ឋបាលស្ពានមានជ័យ ដឹកនាំដោយលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងទទួលបន្ទុកផែនប្រឆាំងគ្រឿងញៀន សម្របសម្រួលដោយលោក ម៉ម វ៉ាន់ដា ព្រះរាជអាជ្ញារងអមសាលាដំបូងខេត្តមណ្ឌលគិរី បានចុះបង្ក្រាបករណីរក្សាទុក ជួញដូញដូរគ្រឿងញៀនខុសច្បាប់ និងឆែកឆេរលំនៅដ្ឋានមួយកន្លែង ស្ថិតក្នុងភូមិចំការតែ សង្កាត់ស្ពានមានជ័យ រួចក៏ឃាត់ខ្លួនជនសង្ស័យបានម្នាក់។
សេចក្តីរាយការណ៍បន្តថា ជនសង្ស័យខាងលើឈ្មោះ ស៊យ សុធា ហៅធា ភេទប្រុស អាយុ៤០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិ-សង្កាត់កើតហេតុខាងលើ។
ប្រភពដដែលបន្តថា ក្រោយពេលឆែកឆេរ និងដកហូតវត្ថុតាង (លើកទី១) រួមមាន ៖ ១-សារធាតុសង្ស័យថាសារធាតុញៀនមានសណ្ឋានជាក្រាមពណ៌សថ្លា ចំនួន១កញ្ចប់ធំល្មម, ២-ទូរស័ព្ទ២គ្រឿង, ៣-ឧបករណ៍សម្រាប់ជក់ និងថង់វេចខ្ចប់គ្រឿងញៀនមួយចំនួន។ លុះនៅថ្ងៃទី១៥ ខែវិច្ឆិកា វេលាម៉ោង១០ព្រឹក ក៏បានធ្វើការឆែកឆេរលំនៅដ្ឋានខាងលើ ជាលើកទី២ម្តងទៀត ជាលទ្ធផលបានរកឃើញ និងដកហូតវត្ថុតាងរួមមាន ៖ ១-សារធាតុសង្ស័យថាសារធាតុញៀនមានសណ្ឋានជាក្រាមពណ៌សថ្លា ចំនួន០១កញ្ចប់តូច និង២-កាបូបដៃ០១។
ពាក់ព័ន្ធនឹងករណីខាងលើនេះ កម្លាំងការិយាល័យប្រឆាំងគ្រឿងញៀន កំពុងកសាងសំណុំរឿង និងចាត់ការតាមនីតិវិធីច្បាប់ហើយ៕
ចែករំលែកព័តមាននេះ