ខេត្តព្រះសីហនុ ៖ មានករណីអគ្គិសភ័យឆាប់ឆេះរោងស្នាក់នៅរបស់កម្មករសំណង់ យ៉ាងសន្ធោសន្ធៅ បង្កឲ្យមានការភ្ញាក់ផ្អើលយ៉ាងខ្លាំង នៅល្ងាចថ្ងៃទី១៤ វិច្ឆិកា ២០២០ នៅក្បែរអូរអារេវ ស្ថិតក្នុងសង្កាត់០១…
ខេត្តព្រះសីហនុ ៖ មានករណីអគ្គិសភ័យឆាប់ឆេះរោងស្នាក់នៅរបស់កម្មករសំណង់ យ៉ាងសន្ធោសន្ធៅ បង្កឲ្យមានការភ្ញាក់ផ្អើលយ៉ាងខ្លាំង នៅល្ងាចថ្ងៃទី១៤ វិច្ឆិកា ២០២០ នៅក្បែរអូរអារេវ ស្ថិតក្នុងសង្កាត់០១ ក្រុង/ខេត្តព្រះសីហនុ។ ភ្លាមៗនោះសមត្ថកិច្ចនៃស្នងការដ្ឋាននគរបាលខេត្តព្រះសីហនុ បានចេញឡានពន្លត់អគ្គិភ័យចុះអន្តរាគមន៍ទាន់ពេលវេលា និងពុំបណ្តាលឲ្យមានការឆេះរាលដាល ដល់បុរីខាងមុខនោះទេ។
សមត្ថកិច្ចបញ្ជាក់ថា ករណីខាងលើនេះបានប្រើឡានទឹក អស់ចំនួន០៣ឡាន ហើយមូលហេតុដែលបណ្តាលឲ្យមានការឆាប់ឆេះនេះគឺបណ្តាលមកពីទុស្សេខ្សែភ្លើង ដោយក្នុងរោងខាងលើមានការតខ្សែភ្លើងរញ៉េរញ៉ៃខ្វះការប្រុងប្រយ័ត្ន ទើបបណ្តាលឲ្យទុស្សេបែបនេះ តែសំណាងល្អមិនមានមនុស្សរងគ្រោះថ្នាក់។ ក្នុងហេតុការណ៍អគ្គិភ័យនោះផងដែរមិនបង្កឱ្យមានអ្នករងរបួស ឬបាត់បង់ជីវិតនោះទេ គឺមានការខូចខាតផ្ទះ និងសម្ភារមួយចំនួនតែប៉ុណ្ណោះ៕ ដោយ ៖ ឈុន គឹមហៃ
ចែករំលែកព័តមាននេះ