រឿងហេតុប្លែកៗកើតមាននៅលើពិភពលោក
១-សត្វភេដើរតួជាកងទ័ព
នៅរុស្ស៊ីទើបតែប្រារព្ធពិធីរំលឹកខួបជ័យជម្នះសង្គ្រាមលោកលើកទី២ ដោយមានដើរដង្ហែក្បួនព្យុហយាត្រាកងទ័ពនៅទីលានក្រហមក្នុងក្រុងមូស្គូ ។ លើស
១-សត្វភេដើរតួជាកងទ័ព
នៅរុស្ស៊ីទើបតែប្រារព្ធពិធីរំលឹកខួបជ័យជម្នះសង្គ្រាមលោកលើកទី២ ដោយមានដើរដង្ហែក្បួនព្យុហយាត្រាកងទ័ពនៅទីលានក្រហមក្នុងក្រុងមូស្គូ ។ លើសពីនេះ អ្វីដែលចម្លែកគឺមានសត្វភេចំនួន២ក្បាលពាក់មួក និងកាន់កាំភ្លើងជាកងទ័ព។
២-នាឡិកា Patek Philippe ពីបុរាណ
បុគ្គលិកក្រុមហ៊ុនដេញថ្លៃ «សូធើប៊ី» ក្រុងហ្សឺណែវ ប្រទេសស្វ៊ីស បង្ហាញនាឡិកាដៃយីហោ«Patek Philippe»ផលិតនៅឆ្នាំ១៩២៩ ដោយលក់បានក្នុងតម្លៃប្រហែល២៦២.០០០ដុល្លារ ។
៣-បាឡែនពូជកម្រទើរនៅលើឆ្នេរ
បាឡែនយក្សបានហែលទៅទើរលើឆ្នេរខ្សាច់នៅភាគខាងត្បូងឈូងសមុទ្រ «ភីណាស់»របស់ស៊ីលី គឺជាបាឡែនពូជកម្រមួយប្រភេទនៅលើពិភពលោក ។
៤-យន្តហោះគ្មានមនុស្សបើក
យន្តហោះគ្មានមនុស្សបើក(Drone) ក្លាយជាឧបករណ៍មួយពេញនិយមនៅក្នុងឧស្សាហកម្មផ្នែកទាក់ទងនៅទូទាំងពិភពលោក ព្រោះអាចថតរូបពីទីខ្ពស់ និងដឹកជញ្ជូនវត្ថុស្រាលបាន ។
៥-បាត់៤ឆ្នាំទើបរកឃើញ
លោកខេលលី ប៊ុកគ័រ នៅរដ្ឋផ្លរីដា លើកបីឆ្កែ «លីលលី» ក្រោយពីបាត់ពីផ្ទះតាំងពីឆ្នាំ២០១១ ដោយវង្វេងនៅរដ្ឋអុីលលីណយ ។ ឆ្កែនោះម្ចាស់បង្កប់ម៉ៃក្រូឈីបនៅក្នុងខ្លួនវា ។
៦-រថយន្តសង្កេតការណ៍
បុរសបារាំងម្នាក់អនុវត្តគំរូពីរបៀបប្រើរថយន្តអគ្គិសនីទំនើប «Iris Viseo» ដោយមានបន្ទប់គ្រប់គ្រងរថយន្តអាចបញ្ចេញឱ្យឡើងទៅទីខ្ពស់ងាយស្រួលក្នុងការសង្កេតការណ៍នៅចំណតរថយន្ត ។
៧-ដេញថ្លៃពេជ្រ
បុគ្គលិកក្រុមហ៊ុនដេញថ្លៃ «គ្រីស្ទី» ប្រទេសស្វ៊ីសបានបង្ហាញកងដៃពេជ្រមានរូបជាលលាដ៍ក្បាល ដោយរំពឹងថា នឹងលក់បានក្នុងតម្លៃខ្ពស់ រួមទាំងម្ជុលខ្ទាស់ដែលលម្អដោយគ្រាប់ពេជ្រ ។
៨-តាំងពិព័រណ៍មនុស្សយន្តនៅចិន
បុគ្គលិកអនុវត្តគំរូបញ្ជាមនុស្សយន្តធុនតូចនៅក្នុងពិព័រណ៍ «ឆាយណា ប៉េកាំង អីុនធើណេស្យូណល-ថេក អុិចស្បូ» លើកទី៨ ដោយចាត់ទុកថាជាមហោស្រពពិព័រណ៍ទំនិញផ្នែកបច្ចេកវិទ្យាដែលរដ្ឋាភិបាលចិនរៀបចំឡើងរៀងរាល់ឆ្នាំ ៕
ចែករំលែកព័តមាននេះ