រាជធានីភ្នំពេញ ៖បន្ទាប់ពីនាយព្រែក បែកបាក់គូដណ្តឹងច្រើនខែមក ទស្សនិកជនចង់ដឹងថា តើនាយរកបានគូថ្មីហើយ ឬនៅ ?
ជាទូទៅទស្សនិកជនឃើញនាយព្រែកបង្ហាញពីការពង្រឹងមុខរបរមួយចំនួន ដូចជា Liveលក់គោងៀត និងបង្ហាញឱកាសមើលគ្រងហាងលក់ដូរពេលយប់មួយដែលទើបដំណើរការ។
នាយព្រែក មិនដែលឃើញលេង ឬបង្ហាញទឹកមុខស្រងូតស្រងាត់អ្វីឡើយ ក្រោយពេលបាក់បែកពីគូស្នេហ៍ ។ ស្នាមញញឹមរបស់លោកបែរជាមានច្រើនពេលបំពេញការងារ និងបង្ហោះរូបនៅតាមបណ្តាញសង្គម ។ នេះប្រហែលជាលោកអាចគិតថាផុតទុក្ខផុតទោសរឿងយកចិត្តគូស្នេហ៍ ដែលអាចមកនៅខ្លួនមួយវិញស្រួលជាង ហើយឱកាសការងារ បានដើរទៅមុខយ៉ាងរលូនទៅមុខ ។ បែបនេះហើយគេមិនដែលឃើញនាយព្រែកស្រពោនចិត្ត ស្រពោនទឹកមុខអ្វីឡើយ ក្រៅតែពីឃើញទៅណាមកណានាំម្តាយអ្នកស្រីនួន សារី ហៅយាយយ៉យ ទៅជាមួយ ។
នាយព្រែក ដែលទើបតែបើកភោជនីយដ្ឋានមួយ បាននិយាយកាលពីពេល ថ្មីៗកន្លងមកថា «អត់ទាន់យកចិត្តងាកទៅលើរឿងរ៉ាវស្នេហាអ្វីទៀតទេ ។ អារម្មណ៍ពេលនេះយើងផ្តោតលើមុខរបរក្នុងដៃដូចជា ត្រូវមើលថែទាំមុខរបរហាងយប់ឡើង បង្កើនស្នាដៃសិល្បៈការងារឲ្យរឹងមាំ ។
ម្យ៉ាងទៀតទុកពេលជួយLikeវីដេអូលក់ សាច់គោងៀតជាមួយម្តាយ ហើយចង់បង្ហាញអារម្មណ៍នៅក្បែរគាត់ មើលថែគាត់ឲ្យបានគាប់ប្រសើរកក់ក្តៅជាងនេះ ។
ជាពិសេសមើលមកខ្លួនឯង ក៏នៅក្មេងសេចក្តីដែរ គួរកុំប្រញាប់គិតរឿងបញ្ហាស្នេហាច្រើនពេក ទាន់ឱកាសការងារមាន យើងខិតខំបំពេញឲ្យល្អ រកចំណូលទុកសិន »។
ចំណែកអ្នកស្រីយ៉យ លើកឡើងថា «រឿងកូនប្រសាទុកឲ្យកូនព្រែក គេជាអ្នកសម្រេចចិត្តរកដោយ គេយើងគ្រាន់តែឲ្យយោបល់ខ្លះៗ ។ សម័យនេះរឿងគូស្នេហ៍ ក្មេងៗ មានសិទ្ឋិជាង យើងចាស់ទុំគ្រាន់តែជាអ្នកពិនិត្យតាមដានក្រោយៗ ។ កូនគ្នាបែកគូម្តងទៅហើយ ដូចនេះបើគេមិនទាន់ស្រឡាញ់ដក់ចិត្តលើអ្នកណាទៀតទុកពេលរកស៊ីសិនក៏ល្អ ។ ក្នុងនាមជាម្តាយក៏មិនចង់ឃើញកូនពិបាកចិត្តនោះទេ ចង់ឃើញតែសេចក្តីសុខកូនខ្លួនមានដូចគេដូចឯងគឺកក់ក្តៅរួចទៅហើយ »។
អ្នកស្រីនួន សារី រំពឹងថា នាយព្រែក នឹងរកបានគូថ្មីដែលជាគូព្រេងពិតប្រាកដ ហើយចេះមើលថែគ្នារហូតយូរអង្វែងតទៅ ។
ទាំងយាយយ៉យ និងនាយព្រែក កំពុងតែមមាញឹកកាន់តែខ្លាំងឡើងលើអាជីពសិល្បៈ ។ ជាក់ស្ដែងយាយយ៉យវិញ មមាញឹកការងារសិល្បៈតាមទូរទស្សន៍ស្ទើរតែគ្រប់ប៉ុស្តិ៍ ។ ចំណែកនាយព្រែកវិញ ក៏មិនណយចេញមុខ ចង់គ្រប់វេទិកាប្រគំតន្ត្រី និងតួនាទីជាពិធីករ តាមកម្មវិធ ផ្សេងៗ៕
ចែករំលែកព័តមាននេះ