រាជធានីភ្នំពេញ ៖ ស្ថាប័នជាតិ អន្តរជាតិជាង១៨០ស្ថាប័ន លើពិភពលោក បានរួមគ្នាក្នុងការអនុវត្តសេដ្ឋកិច្ចវិលជុំ ដើម្បីស្រាយបញ្ហាបរិស្ថានសាកល ដែលកំពុងប្រឈមនៅលើពិភពលោកសព្វថ្ងៃនេះ ។ អ្វីដែលស្ថាប័ននោះចង់បាន…
រាជធានីភ្នំពេញ ៖ ស្ថាប័នជាតិ អន្តរជាតិជាង១៨០ស្ថាប័ន លើពិភពលោក បានរួមគ្នាក្នុងការអនុវត្តសេដ្ឋកិច្ចវិលជុំ ដើម្បីស្រាយបញ្ហាបរិស្ថានសាកល ដែលកំពុងប្រឈមនៅលើពិភពលោកសព្វថ្ងៃនេះ ។ អ្វីដែលស្ថាប័ននោះចង់បាន គឺការប្រើប្រាស់នូវកាកសំណល់ប្លាស្ទីក ឱ្យបានច្រើនតាមតែអាចធ្វើបាន ដើម្បីកាត់បន្ថយនូវការផលិតនិងប្រើប្រាស់កាន់តែច្រើន ។
នៅដើមសប្ដាហ៍នេះ វិស័យឯកជាច្រើនក្នុងប្រទេសថៃ និងលើពិភពលោកទាំងមូលបានជួបជុំតាមរយៈវីដេអូអនឡាញដើម្បីរួមគ្នាដោះស្រាយបញ្ហាលើបរិស្ថាន ដូចជាគ្រោះរាំងស្ងួត ភាពក្រីក្រ ធូលីបំពុលខ្យល់ PM 2.5 និងកាកសំណល់ផ្សេងទៀត ។ នៅក្នុងសន្និសីទដែលរៀបចំឡើងដោយក្រុមហ៊ុនសំណង់ដ៏ធំមួយប្រចាំអាស៊ីអាគ្នេយ៍ កាលពីដើមសប្ដាហ៍នេះ បាន ប្រកាសអំពីវឌ្ឍនភាពនៃការអនុវត្តសេដ្ឋកិច្ច វិលជុំនាឆ្នាំកន្លងមក ។
សម្រាប់ឆ្នាំ២០២០នេះ ក្រុមហ៊ុននិងដៃគូបានដាក់ចេញនូវដំណោះស្រាយ ៤ចំណុច ដែលចាំបាច់ត្រូវធ្វើការជាបន្ទាន់ រួមមាន ៖ ១-ដោះស្រាយគ្រោះរាំងស្ងួត ដោយប្រើប្រព័ន្ធទឹកវិលជុំ, ២-កាត់បន្ថយធូលីបំពុលខ្យល់ PM 2.5 ដោយអនុវត្តកសិកម្មដែលគ្មានការដុត១០០% ព្រមទាំងការផ្ដល់លទ្ធភាពប្រើប្រាស់គ្រឿងម៉ាស៊ីនកសិកម្មដល់កសិករ ដើម្បីបង្កើតចំណូលប្រកបដោយនិរន្តរភាព, ៣-ស្នើឲ្យដាក់បញ្ចូលការគ្រប់គ្រងសំណល់ផ្លាស្ទិកទៅក្នុងរបៀបវារៈជាតិ, និង ៤-ស្វែងរកការយកចិត្តទុកដាក់ពីរដ្ឋាភិបាលដើម្បីគាំទ្រដល់សំណង់បៃតងនិងបរិស្ថានមេត្រី ។
លោក Roongrote Rangsiyopash ប្រធាននិងអគ្គនាយកបានថ្លែងថា សន្និសីទនេះ ធ្វើឡើងក្នុងបំណងបំផុសគំនិត ដើម្បីដោះស្រាយភាពប្រឈមចំពោះជាតិ និងប្រជាជន ដែលកំពុងកើតមាន ដូចជា របៀបកាត់បន្ថយផលប៉ះពាល់ពីបញ្ហាអាកាសធាតុ ធូលីបំពុលខ្យល់ PM 2.5 គ្រោះរាំងស្ងួត ទឹកជំនន់ កង្វះធនធានធម្មជាតិ ការកើនឡើងនូវសំណល់ផ្លាស្ទិកក្នុងអំឡុងវិបត្តិកូវីដ-១៩ ។
សូមបញ្ជាក់ថា តាមបណ្ដាប្រទេសមួយចំនួន បានអនុវត្តន៍នូវការប្រើប្រាស់ប្លាស្ទីកដែលមានកំណត់ ខណៈប្រទេសមួយចំនួនប្រើប្រាស់ប្លាស្ទីករាប់សិបតោនក្នុងមួយថ្ងៃៗ ។ សម្រាប់កម្ពុជាវិញ ក៏មានការកអំពាវនាវឱ្យមានការប្រើប្រាស់ប្រាកដដោយទំនួលខុសត្រូវ និងជំរុញឱ្យប្រើប្រាស់ប្លាស្ទីកប្រកបដោយទំនួលខុសត្រូវ និងចេះកែច្នៃនូវរបស់ដែលប្រើប្រាស់បានច្រើនដង ៕
ចែករំលែកព័តមាននេះ