ខេត្តព្រះសីហនុ ៖ ជនសង្ស័យជាជនជាតិចិន មានប្រុស-ស្រីចំនួន៦នាក់ ត្រូវបានឃាត់ខ្លួនជាបន្តបន្ទាប់ កាលពីវេលាម៉ោង១១នាទីថ្ងៃទី១៣ វិច្ចិកា ចំណុចបូរីគជ់អាស៊ី ស្ថិតក្នុងភូមិ០១ សង្កាត់លេខ៣…
ខេត្តព្រះសីហនុ ៖ ជនសង្ស័យជាជនជាតិចិន មានប្រុស-ស្រីចំនួន៦នាក់ ត្រូវបានឃាត់ខ្លួនជាបន្តបន្ទាប់ កាលពីវេលាម៉ោង១១នាទីថ្ងៃទី១៣ វិច្ចិកា ចំណុចបូរីគជ់អាស៊ី ស្ថិតក្នុងភូមិ០១ សង្កាត់លេខ៣ ក្រុងព្រះសីហនុ ពាក់ព័ន្ធករណីគាស់ទម្លុះទម្លាយទូដែកមួយគ្រឿង ដោយយកទ្រព្យសម្បត្តិបានច្រើនសន្ធឹក។
សូមបញ្ជាក់ថា ការបង្ក្រាបបានយ៉ាងជោគជ័យនេះ គឺមានចូលរួមពីកម្លាំងកងរាជអាវុធហត្ថខេត្តព្រះសីហនុសរុប២៥នាក់ ដឹកនាំដោយលោកវរសេនីយ៍ទោ ឆេង វុទ្ធី នាយសេនាធិការ សហការជាមួយកម្លាំងនគរបាលខេត្ត ដោយមានការសម្របសម្រួលនីតិវិធីដោយលោក ពេញ ពិសិដ្ឋ ព្រះរាជអាជ្ញារងនៃអយ្យការអមសាលាដំបូងខេត្តព្រះសីហ
នុ ។
ទោះបីជាយ៉ាងណា នៅមិនទាន់បង្ហាញឈ្មោះជនសង្ស័យទាំង៦នាក់នេះទេ ដោយបច្ចុប្បន្នជនសង្ស័យរួម និងវត្ថុតាងចាប់យកត្រូវកម្លាំងការិយាល័យជំនាញកំពុងធ្វើការសាកសួរនិងបន្តនីតិវិធី នៅទីបញ្ជាការដ្ឋាន អ.ហ ខេត្តព្រះសីហនុ ។
ដោយឡែក ជនរងគ្រោះដែលជាម្ចាស់ទូកដែកឈ្មោះ ឡេង ស៊ីវវុន ភេទប្រុស អាយុ២៣ឆ្នាំ ជនជាតិខ្មែរ ជាអាជីវករ មានទីលំនៅភូមិ០៥ សង្កាត់លេខ៤ ក្រុងខេត្តព្រះសីហនុ ត្រូវកម្លាំងប្រគល់វត្ថុតាងប្រគល់ជូនម្ចាស់វិញហើយ ។
បើតាមវីដេអូកាមេរ៉ាបង្ហាញគឺបានថតសកម្មជនសង្ស័យនិងរួមរថយន្តមួយគ្រឿង ដែលសង្ស័យកំពុងធ្វើសកម្មភាព ។ ហើយទូដែកត្រូវបានក្រុមជនសង្ស័យគាស់ខ្ទេចខ្ទីរ រហូតបើយកបានយកលុយនិងមាសប្រាក់ជាច្រើន ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ