ដំណឹងសោកសៅ! តារាប្រុស ណុប បាយ៉ារិទ្ធ និង នីកូ កំពុងតែជួបទុក្ខធំ
- ភ្នំពេញ
រាជធានីភ្នំពេញ ៖ តារាចម្រៀងប្រុសដ៏មានប្រជាប្រិយភាពទាំង២ និងជាបងប្អូនបង្កើតនឹងគ្នា លោក ណុប បាយ៉ារិទ្ធ និង នីកូ រួមទាំងក្រុមគ្រួសារ…
រាជធានីភ្នំពេញ ៖ តារាចម្រៀងប្រុសដ៏មានប្រជាប្រិយភាពទាំង២ និងជាបងប្អូនបង្កើតនឹងគ្នា លោក ណុប បាយ៉ារិទ្ធ និង នីកូ រួមទាំងក្រុមគ្រួសារ កំពុងតែជួបទុក្ខធំ ក្រោយលោកយាយជាទីស្រលាញ់ បានទទួលបានមរណភាពហើយ កាលពីយប់ថ្ងៃទី១២ ខែវិច្ឆិកា ឆ្នាំ ២០២០ នេះ។
ការអោយដឹងនេះ ស្របពេលដែលតារាចម្រៀងប្រុសលោក ណុប បាយ៉ារិទ្ធ ទើបតែបង្ហោះសារជូនពរលោកយាយរបស់លោកឲ្យឆ្លងផុតគ្រោះថ្នាក់ ប៉ុន្តែស្រាប់តែប៉ុន្មានម៉ោងក្រោយមក តារាប្រុសរូបនេះ បែរជាបញ្ចេញសារកាន់ទុក្ខចំពោះលោកយាយ ដែលបានលាចាកលោកទៅវិញតាមរយៈបណ្តាញសង្គមហ្វេសប៊ុក។
យ៉ាងណាមិញ នៅក្នុងនោះផងដែរ លោក ណុប បាយ៉ារិទ្ធ មិនបានបញ្ជាក់ពីសុខភាពជំងឺរបស់លោកយាយនោះទេ ថា មូលហេតុអ្វីបានជាទទួលមរណភាព តែតារាប្រុសរូបនេះ បានឲ្យដឹងតាមរយៈខមមិនថា លោកយាយរបស់លោក បានទទួលអនិច្ចកម្មហើយនៅជន្មាយុ ៩៥ ឆ្នាំ ។
នៅក្នុងនោះផងដែរ មិនត្រឹមតែលោក ណុប បាយ៉ារិទ្ធ នោះទេ ដែលបានបង្ហាញក្តីអាឡោះអាល័យនៃការបាត់បង់លោកយាយជាទីស្រឡាញ់នោះ ប្អូនប្រុសបង្កើតរបស់លោក គឺលោក នីកូ និងប្អូនជីដូនមួយ កញ្ញា តាក់ម៉ា ក៏បានចូលរួមបង្ហោះសារ និង ប្តូររូបភាពកាន់ទុក្ខរបស់ខ្លួនដែរ។
គួរបញ្ជាក់ផងដែរថា បន្ទាប់ពីទទួលបានដំណឹងដ៏ក្រៀមក្រំមួយនេះភ្លាមៗ មានបណ្ដាហ្វេនៗ និងមិត្តរួមអាជីពជាច្រើន ក៏បានចូលរួមលើកទឹកចិត្ត និង រំលែកទុក្ខចំពោះលោក ព្រមទាំងក្រុមគ្រួសារទាំងមូលផងដែរ៕
ចែករំលែកព័តមាននេះ