ខេត្តព្រះសីហនុ ៖ លោកឧកញ៉ាទៀ វិចិត្រ បាននាំយកសត្វអណ្តើកធំមួយក្បាល និងកូនចំនួន៣ក្បាលទៀត ទៅលែងនៅតំបន់ធម្មជាតិ ម៉ាហ្វីយ៉ា រីស៊ត ឆ្នេរឋានសួគ៌ា…
ខេត្តព្រះសីហនុ ៖ លោកឧកញ៉ាទៀ វិចិត្រ បាននាំយកសត្វអណ្តើកធំមួយក្បាល និងកូនចំនួន៣ក្បាលទៀត ទៅលែងនៅតំបន់ធម្មជាតិ ម៉ាហ្វីយ៉ា រីស៊ត ឆ្នេរឋានសួគ៌ា កោះរ៉ុង ដើម្បីឱ្យបានបន្តរស់រានមានជីវិតតាមលក្ខណៈធម្មជាតិ ។
លោកឧកញ៉ា ទៀ វិចិត្រ ឲ្យដឹងកាលពីពេល ថ្មីៗកន្លងមកថា សត្វអណ្តើកធំមួយក្បាល និង កូនចំនួន៣ក្បាលនោះ ត្រូវស្ត្រីជនជាតិរុស្សីម្នាក់ស្មគ្រ័ចិត្តប្រគល់ជូនលោកឧកញ៉ាដើម្បីលែងឱ្យរស់នៅបន្តបែបធម្មជាតិវិញ ។ ស្ត្រីជនជាតិរុស្សីនោះថា ការប្រគល់ជូនលោកឧកញ៉ា ដោយសារកន្លងមកឃើញសកម្មភាពលោកឧកញ៉ា ស្រឡាញ់សត្វ និងលែងសត្វជាបន្តបន្ទាប់ ។
លោកឧកញ៉ាទៀ វិចិត្រ បានអំពាវនាវឱ្យពលរដ្ឋគ្រប់សហគមន៍ ចូលរួមថែរក្សាការពារសត្វព្រៃ និងសត្វកម្រគ្រប់ប្រភេទ ដោយកុំប្រមាញ់ កុំសម្លាប់ ។ «ការលែងសត្វឱ្យរស់រានមានជីវិតវិញ ក្រៅពីទទួលបានបុណ្យកុសល ក៏បានរួមចំណែកជាមួយសង្គមជាតិ ក្នុងការថែរក្សាសត្វ និងបរិស្ថានធម្មជាតិផងដែរ» ៕
ចែករំលែកព័តមាននេះ