រាជធានីភ្នំពេញ ៖ ឡាយ លក្ខិណា បានបន្តបាត់មុខពីពិភពសិល្បៈ ដោយការបាត់មុខលើកនេះនាងស្ថិតនៅប្រទេសកាណាដាឯណោះ ។ មានការសង្ស័យថាលក្ខិណា ដល់គូពិតប្រាកដហើយទើបនាងមិនត្រឡប់មកស្រុក ។…
រាជធានីភ្នំពេញ ៖ ឡាយ លក្ខិណា បានបន្តបាត់មុខពីពិភពសិល្បៈ ដោយការបាត់មុខលើកនេះនាងស្ថិតនៅប្រទេសកាណាដាឯណោះ ។ មានការសង្ស័យថាលក្ខិណា ដល់គូពិតប្រាកដហើយទើបនាងមិនត្រឡប់មកស្រុក ។
ប្រសិនបើដល់គូមែន អ្នកគាំទ្រ និងមិត្តសិល្បៈជូនពរនាងប្រកបដោយសេចក្តីសុខ ដែលរកបានគូជីវិតត្រូវចិត្ត ហើយឆាប់បានកូនចៅប្រឡែងលេងនឹងគេព្រោះវ័យកាន់តែច្រើនហើយ ។
តារាចម្រៀង និងសម្តែងឡាយ លក្ខិណា ដែលបានទៅសម្តែងនៅប្រទេសកាណាដាច្រើនខែមកហើយនោះ នៅតែមិនទាន់ត្រឡប់មកប្រទេសកំណើតវិញទេ ធ្វើឲ្យមានចម្ងល់ជាច្រើន ។ មានការលើកឡើងថា នាងសម្រេចចិត្តរស់នៅទីនោះក្រោយពេលមានជន្ទល់រឹងមាំ ។ ម្ល៉ោះហើយឡាយ លក្ខិណា មានភាពកក់ក្តៅក្នុងចិត្តដោយសារអ្នកកាណាដាយកចិត្តទុកដាក់រាប់អាននាង។
ឡាយ លក្ខិណា អំឡុងពេលបាត់មុខកាលពីច្រើនឆ្នាំមុន គេប្រទះឃើញលក់ខោអាវនៅក្នុងផ្សារអូរឫស្សី ។ ក្នុងអំឡុងពេលនោះមានអ្នកខ្លះនិយាយថានាងធ្លាក់ខ្លួន ប៉ុន្តែសាមីខ្លួន និយាយតបវិញថា ការងារដែលកើតចេញពីកម្លាំងញើសឈាមគឺជាការងារដែលប្រកបដោយភាពទៀងត្រង់ ។ ធ្វើអ្វីដែលជាកម្លាំងពិតនោះយើងផ្ទាល់មានភាពរីករាយចិត្ត ។ ម្ល៉ោះហើយឡាយ កល្ខិណា មិនចាប់អារម្មណ៍ចំពោះសំដីមនុស្សមួយចំនួននោះទេ ។
នៅពេលដែលឡាយ លក្ខិណា ងាកមកប្រឡូកសិល្បៈជាថ្មី ក្នុងអំឡុង២-៣ឆ្នាំចុងក្រោយនេះ មានការលើកឡើងថា ប្រហែលមកពីអស់ជម្រើសបានជាមករើសកាក់ល្អិតសិល្បៈម្តងទៀត ប៉ុន្តែឡាយ លក្ខិណានៅតែនិយាយការពារខ្លួនថា នាងចូលរួមសិល្បៈជាថ្មីតបតាមសំណូមពររបស់មហាជន ហើយសិល្បៈជាអាជីពដែលនាងស្រឡាញ់តាំងពីដើមមកមិនអាចចោលបាន ទោះបីឃ្លាតឆ្ងាយបែបណា។
សម្រាប់ប្រិយមិត្តដែលរង់ចាំវត្តមានរបស់ឡាយ លក្ខិណា ប្រហែលជាមិនអាចសង្ឃឹមថានាងមកស្រុកវិញអំឡុងពេលនេះទេ ។
អ្នកនាងឡាយ លក្ខិណា តារាសាច់សទ្រលុករូបនេះអាចនឹងចេញ-ចូលកម្ពុជា-កាណាដា មិននៅជាប់លាប់កម្ពុជាទេ ព្រោះអាចនិយាយបានថានាងជាអាណិកជនមួយទៅហើយ ។នៅកាណាដា ឡាយ លក្ខិណាទទួលភារៈស្នើតារាខ្មែរចេញទៅច្រៀង ដោយនាងជាអ្នកមើលប្រវត្តិការងារ ។ លើសពីនេះលក្ខិណា ទំនងជាជំពាក់ស្នេហ៍បុរសនៅកាណាដានោះហើយ ទើបមិនត្រឡប់មកស្រុក ។
មុនពេលចាកចេញទៅកាណាដា ឡាយ លក្ខិណា បានងាកមកប្រឡូកសិល្បៈដោយសាងស្នាដៃក្នុងខ្សែរឿងភាគបានប៉ុន្មានរឿង ។
អ្នកគាំទ្រសុទ្ឋតែជឿថាអ្នកនាងឡាយ លក្ខិណា នឹងបន្តការសម្តែងដូចកាលនៅក្មេងជាក់ជាមិនខាន ប៉ុន្តែបង្ហាញមុខបានតែមួយរយៈក៏ស្ងាត់ទៅវិញ ដោយសារហជាប់ទៅប្រទេសកាណាដា។
ឡាយ លក្ខិណា បរាជ័យស្នេហាក្រោយភ្ជាប់ពាក្យរួច ។ ចាប់តាំងពីបែកបាក់គូដណ្តឹងនោះមកនាងមិនដែលបង្ហាញមុខបុរសណាជាគូស្នេហ៍ថ្មីទេ ។ មានអ្នកខ្លះលើកឡើងថា នាងមិនចង់ឲ្យគេស្គាល់ស្នេហាថ្មី ព្រោះនោះជារឿងឯកជនរបស់ខ្លួន ៕
ចែករំលែកព័តមាននេះ