ខេត្តបន្ទាយមានជ័យ ៖ កាលពីយប់ថ្ងៃទី១០ វិច្ឆិកា ឆ្នាំ២០២០ មន្ត្រីជំនាញមួយក្រុមមិនស្គាល់អង្គភាពបានឃាត់រថយន្តដឹកទំនិញមួយគ្រឿងតាមដងផ្លូវលំមួយក្បែរផ្លូវជាតិលេខ៥៨ ក្នុងភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ដើម្បីត្រួតពិនិត្យ…
ខេត្តបន្ទាយមានជ័យ ៖ កាលពីយប់ថ្ងៃទី១០ វិច្ឆិកា ឆ្នាំ២០២០ មន្ត្រីជំនាញមួយក្រុមមិនស្គាល់អង្គភាពបានឃាត់រថយន្តដឹកទំនិញមួយគ្រឿងតាមដងផ្លូវលំមួយក្បែរផ្លូវជាតិលេខ៥៨ ក្នុងភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ដើម្បីត្រួតពិនិត្យ ។
តាមប្រភពព័ត៌មានបានឱ្យដឹងថា ទំនិញលើរថយន្តខាងលើជាម៉ាស់ការពារសុវត្ថិភាពរបស់អាជីវករម្នាក់នៅក្រុងប៉ោយប៉ែតដែលកន្លងមកដឹកពីកម្ពុជាតាមច្រកទ្វារអន្តរជាតិប៉ោយប៉ែត(មុនសម័យកូវីដ)យកទៅលក់នៅផ្សាររុងក្លឿ ។
តាមប្រភពព័ត៌មានបន្តថា ដោយសារថៃបិទព្រំដែន ជាហេតុធ្វើឱ្យម៉ាស់ទាំងនោះលក់មិនដាច់ ទើបម្ចាស់ជួលរថយន្តដឹកពីថៃវិញតាមច្រករបៀងក្នុងស្រុកអូរជ្រៅ ដើម្បីដាក់លក់នៅក្រុងប៉ោយប៉ែត តែត្រូវមន្ត្រីជំនាញឃាត់ត្រួតពិនិត្យតែម្តង ។
តាមប្រភពចុងក្រោយបានឲ្យដឹងថា មន្ត្រីដែលឃាត់រថយន្តត្រួតពិនិត្យទំនិញខាងលើជាមន្ត្រីកាំកុងត្រូលហើយថាទំនិញទាំងនេះ(ម៉ាស់)ក្រោយត្រួតពិនិត្យត្រូវក្រុមមន្ត្រីយកទៅមូលដ្ឋានកងរាជអាវុធហត្ថក្រុងប៉ោយប៉ែតដើម្បីពិនិត្យមើលថាតើជាម៉ាស់ហួសសុពលភាពឬយ៉ាងណា។
ពាក់ព័ន្ធនឹងករណីខាងលើនេះ អ្នកយកព័ត៌មានមិនអាចសាកសួរលម្អិតបានភ្លាមៗទេក្នុងហេតុការណ៌ ដោយសាថាពេលចុះផ្តិតយករូបភាព ក៏មានអ្នកស្រែកសួរថាខាងណាថត? ហើយពេលបង្ហាញប័ណ្ណសម្គាល់ភ្នាក់ងារកោះសន្តិភាពបែរជាមន្ត្រីម្នាក់ដែលពិនិត្យមើលកាតនិយាយថាប័ណ្ណដាច់សុពលភាពហើយមិននិយាយអ្វីឡើយ។
ជុំវិញប្រភពព័ត៌មានខាងលើនេះ លោកសាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យមិនអាចទាក់ទងសុំកាបំភ្លឺបានទេដោយទូរស័ព្ទរបស់លោកចុចចូលគ្មានអ្នកទទួល៕ (កែសម្រួលដោយ ៖ ធីតា)
ចែករំលែកព័តមាននេះ