កំណាព្យ (ខែផល្គុណ) ដោយ ណុប ច័ន្ទតារា
ផល្គុណធ្វើបុណ្យដើមទុនដាក់ទាន សាងផ្លូវសង់ស្ពានទានតាមសាសនា
ផល្គុណរួចរាល់រឿងស្រែចំការ ប្រមូលផល្លាដាក់ពេញជង្រុក។
ផល្គុណធ្វើបុណ្យដើមទុនដាក់ទាន សាងផ្លូវសង់ស្ពានទានតាមសាសនា
ផល្គុណរួចរាល់រឿងស្រែចំការ ប្រមូលផល្លាដាក់ពេញជង្រុក។
ផល្គុណក្ដៅខ្លាំងខែប្រាំងចូលចែត្រ សប្បាយហួសហេតុខ្មែររស់ពេញមុខ
ព្រឹក្សាបុបា្ពផ្កាស្រស់កាច់ទុក ផ្កាមានគ្រប់មុខកាច់ទុកថ្វាយព្រះ។
អង្រឹងខ្ញុំយោលចោលភ្នែកសម្លឹង ក្រោមម្លប់ត្រឈឹងចំការក្បែរផ្ទះ
រៃយំគ្រលួចមេឃក៏ស្រឡះ ខ្ញុំនៅចាំច្បាស់កាលយុវវ័យ។
កូនគោស្រែករោទ៍ទ្រហោរកបៅ អង្រឹងក្រចៅនៅក្រោមដើមជ្រៃ
ភ្នែកខ្ញុំសម្លឹងគយគន់រំពៃ មើលចុងត្នោតលៃផុតព្រៃព្រឹក្សា។
លលកក្លាក្លំហំហោះរងាវ សារិកាកញ្ជ្រៀវទំចឹកអាហារ
អាគកបន្ទរផ្ដោះផ្ដងវាចា សម្លេងខ្ញៀវខ្ញាតាមភាសាសត្វ។
យុវវ័យស្រើបស្រាលនឹកដល់រូបស្រី អក្ខរាកវីលាក់ការសម្ងាត់
ផល្គុណមន្ដស្នេហ៍អស់ក្ដីវិបត្ដិ បងតែងលួចស្កាត់មកជួបមុខស្រី។
អក្ខរាបងចារថាយើងជាគូ បងខំតស៊ូសូមអូនប្រណី
ខែចែត្រចូលឆ្នាំបងខំលកលៃ ចាស់ទុំចូលស្ដីយកស្រីជាគូ។
ដោយ ណុប ច័ន្ទតារា , Long Beach California
ចែករំលែកព័តមាននេះ