ខេត្តកណ្តាល ៖ ជនសង្ស័យពាក់ព័ន្ធគ្រឿងញៀនម្នាក់ដែលសមត្ថកិច្ចបាញ់បណ្តាលអោយរងរបួសជើងខាងឆ្វេង ដោយសារបានបាញ់តដៃមកលើសមត្ថកិច្ចជាង១០គ្រាប់ ត្រូវចាប់ខ្លួនបានហើយ ។ គួររំលឹកថា បង្ក្រាបគ្រឿងញៀន ជនសង្ស័យមាន AK47…
ខេត្តកណ្តាល ៖ ជនសង្ស័យពាក់ព័ន្ធគ្រឿងញៀនម្នាក់ដែលសមត្ថកិច្ចបាញ់បណ្តាលអោយរងរបួសជើងខាងឆ្វេង ដោយសារបានបាញ់តដៃមកលើសមត្ថកិច្ចជាង១០គ្រាប់ ត្រូវចាប់ខ្លួនបានហើយ ។ គួររំលឹកថា បង្ក្រាបគ្រឿងញៀន ជនសង្ស័យមាន AK47 បាញ់មកលើសមត្ថកិច្ចកំពុងព័ទ្ធ គំរាមមិនឲ្យចូលចាប់
ប្រតិបត្តិការយ៉ាងក្តៅគគុកខាងលើបានបញ្ចប់ដោយជោគជ័យកាលពីវេលាម៉ោងជិត២រំលងអាធ្រាត្រឈានចូលថ្ងៃទី១១ ខែវិច្ឆិកា ឆ្នាំ២០២០ នៅចំណុចភូមិថ្កុល ឃុំត្រើយស្លា ស្រុកស្អាង ខេត្តកណ្តាល ។
ទោះបីជាយ៉ាងណា ពុំទាន់សុំការបញ្ជាក់បន្ថែមពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានទេ ដោយសារទូរស័ព្ទចូលគ្មានអ្នកទទួល ។
ដោយឡែក លោក ពុយ ទ្រី នាយប៉ុស្តិ៍ត្រើយស្លា បានថ្លែងប្រាប់កាលពីព្រឹកថ្ងៃទី១១ ខែវិច្ឆិកា ឆ្នាំ២០២០ នេះ ថា ជនសង្ស័យដែលបានបាញ់តដៃមកលើសមត្ថកិច្ចជាង១០គ្រាប់ ទើបត្រូវសមត្ថកិច្ចបាញ់ចំជើងឆ្វេងជនសង្ស័យមួយគ្រាប់ បណ្តាលឱ្យរងរបួស។
លោកនាយប៉ុស្តិ៍ត្រើយស្លាបន្តថា បច្ចុប្បន្នជនសង្ស័យត្រូវបានបញ្ជូនទៅមន្ទីរពេទ្យជ័យជំនះ ក្រុងតាខ្មៅ ដើម្បីព្យាបាល និងបន្តនីតិវិធី ។
ជនសង្ស័យរូបនេះ គឺពាក់ព័ន្ធករណីគ្រឿងញៀនផង ប្រើប្រាស់អាវុធខុសច្បាប់ផង និង ដុតផ្ទះខ្លួនឯងផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ