ខេត្តប៉ៃលិន ៖ ប្រជាពលរដ្ឋទាំងប្រុស ទាំងស្រីជាអាជីវករប្រមាណជាង៣០នាក់ ដែលប្រកបរបរលក់ដូរនៅជុំវិញសួនកុមារ និងនៅមុខសាលាខេត្តប៉ៃលិន ជាប់វិមាណឯករាជ្យ បាននាំគ្នាលាងសម្អាតកន្លែងលក់ដូររួមគ្នា ដើម្បីរក្សាអនាម័យ សោភ័ណ្ឌភាព សម្រាប់បុណ្យឯករាជ្យជាតិនាថ្ងៃ០៩ វិច្ឆិកា ឆ្នាំ២០២០ នេះ ។
ហេតុការណ៍អាជីវករនាំគ្នាលាងសម្អាតទីធ្លានេះ បានធ្វើឡើងកាលពីព្រឹកថ្ងៃ០៧ ខែវិច្ឆិកា ឆ្នាំ2020 នៅមុខសាលាខេត្តប៉ៃលិន និងជុំវិញសួនកុមារ ស្ថិតនៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
ប្រភពព័ត៌មានពីលោក សុខ ប៊ុនសុន ប្រធានការិយាល័យសារធាណការដឹកជញ្ជូន អានាម័យ និងសណ្តាប់ធ្នាប់សាធារណៈក្រុងប៉ៃលិន ជាអ្នកទទួលបន្ទុកការគ្រប់គ្រងអនាម័យក្រុងប៉ៃលិន បានរៀបរាប់ឱ្យដឹងថា ៖ ខាងលោកបានដឹកនាំបងប្អូនអាជីវករ ដែលលក់ដូរនៅជុំវិញសួនកុមារ ទល់មុខសាលាខេត្ត ធ្វើការសហការគ្នា បោសលាង និងសំអាត អនាម័យលើសួនកុមារដែលជាកន្លែងកំសាន្ត ពីព្រោះនៅកៀកនឹងវិមានឯករាជ្យ ហើយស្របពេលដែលជិតឈានចូលដល់ថ្ងៃបុណ្យរលឹកថ្ងៃឯករាជ្យជាតិនៅថ្ងៃទី០៩ វិច្ឆិកា ឆ្នាំ២០២០ ដោយមានបងប្អូនអាជីវករ ចូលរួមចំនួនជាង៣០នាក់ ។
លោកបន្តទៀតថា ៖ ការសហការ និងមូលមតិគ្នាលាងសំអាតលើសួនកុមារនេះ ខាងលោក បានជួលរថយន្តដឹកទឹកយកទៅបាញ់ទឹកលាង ដោយក្រុមអាជីវករ នាំគ្នាប្រើអំបោស រួមកម្លាំងដៃគ្នា ដើម្បីឆាប់រួច និងរក្សាទីក្រុងស្អាត ។
លោកបានបញ្ជាក់បន្តទៀតថា ៖ ការលាងបោសសំអាតសួនកុមារនេះ ចំណាយថវិកាសរុបទាំងអស់ចំនួន១២ម៉ឺនរៀល ដោយប្រើរថយន្តដឹកទឹកប្រើអស់៤គ្រឿងផងដែរ ៕
ចែករំលែកព័តមាននេះ