ដំណឹងសោកសៅម្ចាស់បទ «ដងស្ទឹងណូវែល» លោកនី សាលឿនទទួលមរណភាពហើយ
- ភ្នំពេញ
រាជធានីភ្នំពេញ ៖ ម្ចាស់បទដងស្ទឹងណូវែល លោក នី សាលឿន បានទទួលមរណភាពហើយ នៅថ្ងៃទី៩ ខែវិច្ឆិកា ឆ្នាំ២០២០នេះ…
រាជធានីភ្នំពេញ ៖ ម្ចាស់បទដងស្ទឹងណូវែល លោក នី សាលឿន បានទទួលមរណភាពហើយ នៅថ្ងៃទី៩ ខែវិច្ឆិកា ឆ្នាំ២០២០នេះ នៅលើទឹកដីអាមេរិកទីដែលលោកកំពុងរស់នៅ ។
ដំណឹងពីមរណភាពរបស់ នី សាលឿន នាពេលនេះបានធ្វើអោយអ្នកសិល្បៈដែលធ្លាប់ស្និតស្នាល ជាពិសេសប្រិយមិត្តដែលធ្លាប់គាំទ្របទចម្រៀងរបស់លោកបានសម្តែងការសោកស្តាយយ៉ាងខ្លាំង ។
តារាសម្តែងលោក ប៉ែន ចំរ៉ុង បានបង្ហោះសារតាមហ្វេសប៊ុករបស់លោកថា ហ៊ឺ ពិតជាលឿនពេក បងប្អូនអើយយ បងប្រុស នី សាលឿនម្ចាស់បទ « ស្នេហ៍ក្នុងសុបិន្ត» បានលាចាកលោកយើងហើយ លារហូតគ្មានថ្ងៃត្រឡប់ឡើយ ហើយខ្ញុំសូមចូលរួមសោកស្តាយចំពោះក្រុមគ្រួសារគាត់ផង និងសូមអោយ វិញ្ញាណក្ខន្ធ បងទៅកាន់សុគភពផងចុះ ។
ចំណែកបងប្រុសតារាចម្រៀងលោក ខេមរៈ សិរីមន្ត លោក ខេមរៈ ភារុណ បានបង្ហោះសារដែរថា បានឃើញដំណឹងនេះហើយខ្ញុំពិតជាមានការសោកស្តាយបងប្រុសនី សាលឿន តារាចំរៀងក្នុងដួងចិត្តខ្ញុំសំលេងស្រទន់ទន់ផ្អែមបានលាចាកលោកនេះ សូម វិញ្ញាណក្ខន្ធ លោកបានដល់ឋានសុគតិភពកុំបីខាន ។
លោក នី សាលឿន គឺជាម្ចាស់បទ «ស្នេហ៍ក្នុងសុបិន»«ចែវទូកនេសាទ» និង «ដងស្ទឹងនូវែល» ។ លោកត្រូវបានគេដឹងថា លោកបានទទួលមរណភាពនៅសហរដ្ឋអាមេរិក ដោយសាររោគរលាកថ្លើមធ្ងន់ធ្ងរ ៕
ចែករំលែកព័តមាននេះ