ខេត្តកណ្តាល ៖ មជ្ឈដ្ឋានទូទៅ ក៏ដូចជាពលរដ្ឋរស់នៅតាមដងផ្លូវ ស្របតាមមាត់ទន្លេបាសាក់ក្រុងតាខ្មៅ និងអ្នកធ្វើដំណើរតាមផ្លូវជាតិលេខ២១A ចាប់ពីជាប់គល់ស្ពានព្រែកសំរោង រហូតដល់ភូមិស្វាយរលំ សម្តែងការក្តៅក្រហាយទៅលើក្រុមរថយន្តដឹកខ្សាច់ដឹកអតគ្រប បើកលឿនៗ…
ខេត្តកណ្តាល ៖ មជ្ឈដ្ឋានទូទៅ ក៏ដូចជាពលរដ្ឋរស់នៅតាមដងផ្លូវ ស្របតាមមាត់ទន្លេបាសាក់ក្រុងតាខ្មៅ និងអ្នកធ្វើដំណើរតាមផ្លូវជាតិលេខ២១A ចាប់ពីជាប់គល់ស្ពានព្រែកសំរោង រហូតដល់ភូមិស្វាយរលំ សម្តែងការក្តៅក្រហាយទៅលើក្រុមរថយន្តដឹកខ្សាច់ដឹកអតគ្រប បើកលឿនៗ ចេញពីដេប៉ូខ្សាច់ជាច្រើនកន្លែង ដឹកដូចភ្លៀងរលឹម ហុយឡើងងងឹតមេឃ ធ្វើអោយពលរដ្ឋពិបាកក្នុងការធ្វើដំណើរ ។
ហាក់មិនញញើតចំពោះចំណាត់ការរបស់អាជ្ញាធរ ផ្គើនទៅនិងការណែនាំរបស់រដ្ឋបាលសាលាខេត្ត មិនខ្វល់ពីសុខភាព ពលរដ្ឋ និងមិនគោរពទៅតាមសារាចរណ៏ណែនាំរបស់ក្រសួងរ៉ែ លេខ០៣/១០ ខេត្តកណ្តាលសោះ ។
ក្រុងតាខ្មៅដោយអង្កេតឃើញថា នាពេលកន្លងមក រដ្ឋបាលសាលាខេត្តកណ្តាល ក៏ដូចជាលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល រួមជាមួយមន្ទីរសាធារណៈការខេត្ត បានដឹកនាំកំលាំងចុះអនុវត្តច្បាប់ចរាចរណ៍ផ្លូវគោករួចហើយក៏ដោយ បានត្រឹមតែមួយចំអិនកំពឹស និងដូចវែកចកអញ្ចឹង ហើយព្រមទាំងចាប់ផាកពិន័យតាមច្បាប់បានរថយន្តរាប់សិបគ្រឿង រួមទាំងដេប៉ូមួយចំនួនបានធ្វើកិច្ចសន្យា សូមអោយគោរពច្បាប់ និងសារាចរណ៍ណែនាំរបស់ក្រសួងរ៉ែ និងថាមពល ហើយមន្ទីរពាក់ពន្ធ័នានា បានចុះអនុវត្តរដ្ឋបាលជាច្រើនលើក ច្រើនសារ ហាក់បីដូចជាគ្មានប្រសិទ្ធភាព ឬជាការអនុវត្តអោយតែល្អមើល មិនហ៊ានមានចំណាត់តាមបែបរដ្ឋបាល បែបជាខ្លាចអំណាចម្ចាស់ដេប៉ូ មានសក្ក័យសធំពេកទេដឹង។
ពលរដ្ឋបានអោយដឹងនៅថ្ងៃទី៦ វិច្ឆិកា ឆ្នាំ២០២០នេះថា ការចុះអនុវត្តគឺធ្វើគ្រាន់តែឱ្យល្អមើល និងគ្មានឥទ្ធិពលលើថៅកែដេប៉ូខ្សាច់ទាំងនោះឡើយពួកគាត់បានបន្តទាំងខឹងសម្បារថា ក្រុមថៅកែដេប៉ូខ្សាច់ទាំងនោះ ហាក់គ្មានកោតញញើតហ្នឹងវិធានការរបស់រដ្ឋបាលខេត្តបន្តិចសោះឡើយ ពោលគឺដូចជាវែកចកអញ្ចឹង ពេលក្រុមមន្ត្រីជំនាញ និងអាជ្ញាធរត្រឡប់ទៅវិញអស់ ដដែលជាដដែល ហើយពេលខ្លះ ធ្វើផ្គើននិងឌឺដងដាក់ពួកគាត់ថែមទៀតផងថា ធ្វើអ្វីពួកគេមិនកើត។
ព័ត៌មានពិស្តារមានផ្សាយជូននៅកាសែតកោះសន្តិភាព ។
ចែករំលែកព័តមាននេះ