ប្រជាកសិកររងគ្រោះ17.306គ្រួសារទទួលស្រូវពូជ ដើម្បីស្ដារការដាំដុះឡើងវិញ
- ពោធិ៍សាត់
ខេត្តពោធិ៍សាត់ ៖ ថ្ងៃទី៧ ខែវិច្ឆិកា ឆ្នាំ២០២០ ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គ មេបញ្ជាការរងកងយោធពលខេមរភូមិន្ទ…
ខេត្តពោធិ៍សាត់ ៖ ថ្ងៃទី៧ ខែវិច្ឆិកា ឆ្នាំ២០២០ ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គ មេបញ្ជាការរងកងយោធពលខេមរភូមិន្ទ…
ខេត្តពោធិ៍សាត់ ៖ ថ្ងៃទី៧ ខែវិច្ឆិកា ឆ្នាំ២០២០ ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គ មេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក តំណាងដ៏ខ្ពង់
ខ្ពស់សម្ដេចតេជោនាយករដ្ឋមន្ត្រី ហ៊ុន សែន បាន នាំយកសម្ភារ ស្បៀង និងស្រូវពូជ ដែលជាអំណោយរបស់សម្ដេចតេជោ និងសម្ដេចកិត្តិព្រឹទ្ធបណ្ឌិត ទៅចែកជូនបងប្អូនប្រជាកសិករដែលស្រែស្រូវរបស់ពួកគាត់ ខូចខាតដោយសារទឹកជំនន់កន្លងទៅថ្មីៗនេះ ដើម្បីបានដោះស្រាយជីវ
ភាពមួយរយៈពេលខ្លី និងធ្វើស្រែប្រដេញទឹកស្ដារឡើងវិញ ។
ការផ្ដល់សម្ភារ ស្បៀង និងស្រូវពូជ ជូនដល់ប្រជាកសិករនេះ បានប្រារព្ធធ្វើនៅកន្លែង២ផ្សេងគ្នាក្នុងថ្ងៃតែមួយគឺ ៖
១-នៅក្នុងបរិវេណពហុកីឡដ្ឋានខេត្ត មានប្រជាកសិករចំនួន១៣.០៤៧គ្រួសារ មកពីក្រុងពោ
ធិ៍សាត់និងស្រុកកណ្ដៀង ។
២-នៅវិទ្យាល័យអូរតាប៉ោង ស្រុកបាកាន មានប្រជាកសិករចំនួន៤.២៥៩គ្រួសារ ។
ប្រជាកសិករដែលទទួលបានសម្ភារ ស្បៀង និងស្រូវពូជនាពេលនេះ សុទ្ធតែខូចខាតស្រូវដោយ
គ្រោះទឹកជំនន់ទាំងស្រុង ។ ចំណែកប្រជាពលរដ្ឋដែលលិចទឹកដែរតែមិនធ្វើស្រែ គឺមិនទទួលបានទេ ដោយសារធ្លាប់បានទទួលសម្ភារនិងស្បៀងពីរាជរដ្ឋាភិបាល កាកបាទក្រហម និងសប្បុរសជននានាជាហូរហែមកហើយ ។
ឯកឧត្តមឧត្តមសេនីយ៍ឯក ហ៊ុន ម៉ាណែត បានពាំនាំនូវការនឹករឭកពីសំណាក់សម្ដេចតេជោ និងសម្ដេចកិត្តិព្រឹទ្ធបណ្ឌិត ដែលសម្ដេចទាំងទ្វេមានការព្រួយបារម្ភអំពីសុខទុក្ខរបស់បងប្អូនគ្រប់
ពេលវេលា ។ ក្នុងពេលជួបគ្រោះទឹកជំនន់នេះសម្ដេចបានចេញបទបញ្ជាដល់កងកម្លាំងប្រដាប់អាវុធ និងអាជ្ញាធរគ្រប់លំដាប់ថ្នាក់ ចុះជួយអន្ដរាគមន៍ទាំងយប់ទាំងថ្ងៃ ក្នុងការទប់ទឹកនិងជម្លៀសប្រជាពលរដ្ឋទៅកាន់ទីទួលសុវត្ថិភាព ។
លុះនៅពេលទឹកស្រកទៅវិញ ក៏មមាញឹកក្នុងការដឹកជញ្ជូនសម្ភារនិងស្បៀង ទៅចែកជូនសង្គ្រោះដល់បងប្អូនប្រជាពលរដ្ឋផងដែរ ដែលសម្ភារ ស្បៀង និងថវិកាទាំងនោះ បានមកពីអង្គការ សមាគម និងសប្បុរសជនក្នុងនិងក្រៅប្រទេស តាមរយៈការអំពាវនាវរបស់សម្ដេចផ្ទាល់។
សម្ដេចបានអរគុណបងប្អូនជនរួមជាតិទាំងអស់ ដែលបានរួមគ្នាថែរក្សាសន្តិភាពឲ្យនៅគង់វង្ស ដើម្បីផ្ដល់ឱកាសឲ្យរាជរដ្ឋាភិបាលបានកសាងនិងអភិវឌ្ឍប្រទេសឲ្យកាន់តែរីកចម្រើនថែមទៀត ពីមួយឆ្នាំទៅមួយឆ្នាំ ។ ដោយមានការជឿជាក់ ទើបប្រជាពលរដ្ឋទូទាំងប្រទេស ពិសេសគឺប្រជាពលរដ្ឋខេត្តពោធិ៍សាត់នេះតែម្ដងបានបោះឆ្នោតជូនគណបក្សប្រជាជនកម្ពុជា គាំទ្រសម្ដេចឲ្យធ្វើជានាយករដ្ឋមន្ត្រីគ្រប់អាណត្តិកន្លងមកនេះ ។
ឯកឧត្តមឧត្តមសេនីយ៍ឯក ហ៊ុន ម៉ាណែត សូមឲ្យបងប្អូនប្រជាកសិករយកស្រូវពូជដែលបានចែកជូននាពេលនេះ ទៅដាំដុះឲ្យបានទាន់ពេលវេលា ហើយសម្ដេចបានផ្ដល់ម៉ាស៊ីនព្រោះស្រូវក្នុងមួយខេត្តចំនួន៥០គ្រឿង សម្រាប់ប្រើប្រាស់នៅក្នុងសហគមន៍ផងដែរ ។
អំណោយរបស់សម្ដេចតេជោ ហ៊ុន សែន ដែលផ្ដល់ជូនបងប្អូនប្រជាកសិករខូចខាតស្រូវដោយគ្រោះទឹកជំនន់ទាំង១៧.៣០៦គ្រួសារ នៅក្រុងពោធិ៍សាត់ ស្រុកកណ្ដៀង និងស្រុកបាកាននេះ ក្នុងមួយគ្រួសារៗទទួលបាន ស្រូវពូជ១០០គីឡូក្រាម អង្ករ២៥គីឡូក្រាម មី១កេសទឹកបរិសុទ្ធ១កេស ទឹកក្រូច១កេស ទឹកត្រី៦ដប ទឹកស៊ីអ៊ីវ៦ដប ត្រីខ១០កំប៉ុង មុង ភួយកន្ទេល ក្រមា សារុង សាប៊ូក្រអូប៤ដុំ និងប្រាក់៥០.០០០រៀល ។
បត្ថម្ភយុវជន២០០នាក់ ម្នាក់ៗ១០ម៉ឺនរៀល សម្ព័ន្ធយុវជនស្រឡាញ់សន្តិភាព៥លានរៀល យុវជនភាតរភាព៥លានរៀល ក្រុមគ្រូពេទ្យប្រចាំការ២លានរៀល។ សាលាក្រុងពោធិ៍សាត់២លានរៀល កងពលតូចអន្តរាគមន៍លេខ១៤ តំបន់ប្រតិបត្តិការសឹករងខេត្ត កងពលតូចលេខ១ បញ្ជាការដ្ឋានទ័ពពិសេស ស្នងការដ្ឋាននគរបាលខេត្ត កងរាជអាវុធហត្ថ និងរដ្ឋបាលសាលាខេត្ត ក្នុងមួយអង្គភាព៥លានរៀល ៕
ចែករំលែកព័តមាននេះ