វិស័យសំណង់មានសញ្ញាវិជ្ជមានឡើងវិញនៅត្រីមាសទី៣ ឆ្នាំ២០២០
- ភ្នំពេញ
រាជធានីភ្នំពេញ ៖ ក្រោយពីវិស័យសំណង់បានទទួលរងនូវផលប៉ះពាល់ដោយសារតែកូវីដ-១៩ តាំងពីដើមឆ្នាំ ២០២០ មក តែចូលមកដល់ត្រីមាសទី ៣ នៃឆ្នាំ ២០២០នេះ…
រាជធានីភ្នំពេញ ៖ ក្រោយពីវិស័យសំណង់បានទទួលរងនូវផលប៉ះពាល់ដោយសារតែកូវីដ-១៩ តាំងពីដើមឆ្នាំ ២០២០ មក តែចូលមកដល់ត្រីមាសទី ៣ នៃឆ្នាំ ២០២០នេះ…
រាជធានីភ្នំពេញ ៖ ក្រោយពីវិស័យសំណង់បានទទួលរងនូវផលប៉ះពាល់ដោយសារតែកូវីដ-១៩ តាំងពីដើមឆ្នាំ ២០២០ មក តែចូលមកដល់ត្រីមាសទី ៣ នៃឆ្នាំ ២០២០នេះ វិស័យសំណង់ ហាក់បង្ហាញសញ្ញាវិជ្ជមានឡើងវិញ ទាំងអ្នកលក់ដុំ និងរាយសុទ្ធតែបង្ហាញពីភាពរឹងមាំនៃការ ផ្គត់ផ្គង់ទៅកាន់អ្នកអភិវឌ្ឍន៍ ។
យោងតាមរបាយការណ៍របស់ក្រុមហ៊ុនសំណង់ដ៏ធំនៅអាស៊ីអាគ្នេយ៍ បានបង្ហាញថា នៅក្នុងត្រីមាសទី ៣ នៃឆ្នាំ ២០២០ អាជីវកម្មរបស់ខ្លួនទទួលបានប្រាក់ចំណេញកើនឡើងដល់ ៥៧ភាគរយ ធៀបនឹងរយៈពេលដូចគ្នាកាលពីឆ្នាំ ២០១៩ ។
លោក Roongrote Rangsiyopash ប្រធាន និងជាអគ្គនាយក អេសស៊ីជី បានប្រាប់ឲ្យ ដឹងយ៉ាងដូច្នេះថា លទ្ធផលប្រតិបត្តិការមិនទាន់ធ្វើសវនកម្មរបស់ក្រុមហ៊ុនសម្រាប់ត្រីមាសទី ៣ ឆ្នាំ ២០២០ បានបង្ហាញនូវចំណូលពីការលក់ចំនួន ៣.២២២លានដុល្លារអាមេរិក ដែលកើន ឡើង ៥% បើធៀបនឹងត្រីមាសទី ២ នៃឆ្នាំ ២០២០នេះ ។ ទន្ទឹមនឹងនេះដែរ ប្រាក់ចំណេញ សម្រាប់រយៈពេលនេះសម្រេចបានសរុប ១.២៧៤ប៊ីលានរៀល (៣១១លានដុល្លារអាមេរិក) កើនឡើង ៤% បើធៀបនឹងរយៈពេលដូចគ្នានៃឆ្នាំមុន ។ កំណើននេះ គឺដោយសារភាពប្រសើរ ឡើងវិញនៃអាជីវកម្មផលិតផលគីមី ដែលជំរុញដោយតម្រូវការកើនឡើង នៅក្នុងប្រទេសចិន និងនៅតំបន់អាស៊ី ជាទូទៅ និងលទ្ធផលអាជីវកម្មល្អប្រសើរជាងមុននៅក្នុងធុរកិច្ចស៊ីម៉ងត៍-គ្រឿងសំណង់ ។
ផ្អែកតាមរបាយការណ៍ត្រីមាសទី ៣ ឆ្នាំ ២០២០ អេសស៊ីជី នៅកម្ពុជា មានទ្រព្យសរុប ចំនួន ៣៧៩លានដុល្លារអាមេរិក ដែលកើនឡើង ៦% បើធៀបនឹងរយៈពេលដូចគ្នានៃឆ្នាំមុន ។ ក្នុងត្រីមាសទី ៣ ឆ្នាំ ២០២០នេះ ក្រុមហ៊ុនសម្រេចបានចំណូលចំនួន ៥៧,៦លានដុល្លារអា មេរិក ពីអាជីវកម្មផលិតស៊ីម៉ងត៍ និងអាជីវកម្មលក់គ្រឿងសំណង់ ។ តួលេខនេះ ធ្លាក់ចុះ ៦,៦% បើធៀបនឹងរយៈពេលដូចគ្នា នៃឆ្នាំមុន ។ សម្រាប់រយៈពេល ៩ខែនៃឆ្នាំ ២០២០ ទីផ្សារ កម្ពុជារបស់ អេសស៊ីជី សម្រេចបាន ចំណូលពីការលក់ចំនួន ៧៨៨ប៊ីលានរៀល ឬ ១៩២,៥ លានដុល្លារអាមេរិក ។
លោក Roongrote មានប្រសាសន៍ថា លទ្ធផលប្រតិបត្តិការសម្រាប់ត្រីមាសទី ៣ ឆ្នាំ ២០២០ និងរយៈពេល ៩ខែនៃឆ្នាំ ២០២០ សម្រេចបានកំណើនវិជ្ជមាន បើទោះបីស្ថិតក្នុងអំ ឡុងនៃវិបត្តិ ជំងឺកូវីដ-១៩ ក្ដី ដោយសារតែការងើបឡើងវិញនៅក្នុងទីផ្សារផលិតផលគីមី និង ការប្រសើរឡើងគួរឲ្យកត់សម្គាល់នៃផលិតផល HVA ក្នុងវិស័យកសិកម្ម យានយន្ត និងទំនិញ ប្រើប្រាស់ជាប់បានយូរ ។
គំរូអាជីវកម្មពិសេសរបស់វិស័យធុរកិច្ចវេចខ្ចប់បានផ្ដល់នូវដំណោះស្រាយជាកញ្ចប់ ដើម្បីសម្រេចបាននូវកំណើនដែលមានគុណភាព ។ លើសពីនេះទៀត កិច្ចប្រឹងប្រែងកែ ទម្រង់អាជីវកម្មបានផ្ដល់លទ្ធភាពឲ្យក្រុមហ៊ុនអាចបន់បែនរហ័ស និងដើរបានមុនសភាព ការណ៍ ។ កិច្ចប្រឹងប្រែងទាំងនេះសម្រេចបាននូវការកែលម្អទៅលើផលិតផល និងសេវាកម្ម នានា ដោយរួមបញ្ចូលបន្ថែមនូវដំណោះស្រាយជាកញ្ចប់ ការលក់តាមគ្រប់ច្រកសកម្មទាំង អស់ ផលិតផល និងសេវាកម្មដែលមានតម្លៃបន្ថែមខ្ពស់ (HVA) និងផលិតផលដែលស្របទៅ នឹងសេដ្ឋកិច្ចវិលជុំ (Circular Economy) ។
បើតាមម្ចាស់ដេប៉ូលក់គ្រឿងសំណង់មួយនៅក្រុងបាវិត លោក ហ៊ួត សារឹទ្ធ បានឱ្យដឹង ថា ដោយសារតែសកម្មភាពសាងសង់មួយចំនួនចាប់ផ្ដើមងើបឡើងវិញ តម្រូវការខាងសម្ភារ សំណង់ក៏ចាប់ផ្ដើមកើនឡើងជាមុន ។ លោកបន្តថា ពីមុន យើងគិតថា តម្រូវការនៅក្នុងខេត្ត ស្វាយរៀងវាមិនទាន់ឈានដល់ការបើកដេប៉ូធំនោះទេ ក៏ប៉ុន្តែក្រោយមើលឃើញថា តម្រូវការ កាន់តែច្រើន ម្ចាស់សំណង់ និងអ្នកអភិវឌ្ឍន៍ជាច្រើន ពិបាកក្នុងការស្វែងរកសម្ភារសំណង់ សម្រាប់សាងសង់ ។ ពេលខ្លះពួកគាត់ត្រូវទៅកាន់រាជធានីភ្នំពេញ ឬខេត្តផ្សេង ហើយដឹកមក សាងសង់នៅស្វាយរៀងធ្វើឱ្យខាតពេលវេលារបស់ពួកគាត់ ដូច្នេះយើងក៏សម្រេចបើកដេប៉ូ ផ្គត់ផ្គត់នៅក្នុងក្រុងបាវិតផ្ទាល់តែម្ដង ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានឱ្យដឹងថា បើតាមការសង្កេតមើលសន្ទុះនៃវិស័យអចលនទ្រព្យនៅកម្ពុជា នៅចុងឆ្នាំនេះ អាចនឹងប្រសើរឡើងវិញបន្ទាប់ពីបានរងផលប៉ះពាល់ដោយសារវិបត្តិនៃជំងឺកូវីដ-១៩ មក ហើយវានឹងមានវិនិយោគិនបរទេស និងក្នុងស្រុកជាបន្តបន្ទាប់ចូលមកវិនិយោគឡើងវិញ ៕
ចែករំលែកព័តមាននេះ