ប្រុស២នាក់ ស្រីម្នាក់ ត្រូវអស់លក្ខណ៍ ក្រោយពីសមត្ថកិច្ចឆក់បានក្នុងខ្ទម
- ព្រះសីហនុ
ខេត្តព្រះសីហនុ ៖ កាលពីថ្ងៃទី០២ ខែវិច្ឆិកា ឆ្នាំ២០២០ វេលាម៉ោង១រសៀល លោកវរសេនីយ៍ឯក ហួត ចាន់ធី អធិការនគរបាលស្រុក…
ខេត្តព្រះសីហនុ ៖ កាលពីថ្ងៃទី០២ ខែវិច្ឆិកា ឆ្នាំ២០២០ វេលាម៉ោង១រសៀល លោកវរសេនីយ៍ឯក ហួត ចាន់ធី អធិការនគរបាលស្រុក…
ខេត្តព្រះសីហនុ ៖ កាលពីថ្ងៃទី០២ ខែវិច្ឆិកា ឆ្នាំ២០២០ វេលាម៉ោង១រសៀល លោកវរសេនីយ៍ឯក ហួត ចាន់ធី អធិការនគរបាលស្រុក បានដឹកនាំកម្លាំងផ្នែកជំនាញប្រឆាំងបទល្មើសគ្រឿងញៀនសហការជាមួយកម្លាំងប៉ុស្តិ៍នគរបាលរដ្ឋបាលចំការហ្លួង បានចុះបង្ក្រាបបទល្មើសជួញដូរ ប្រើប្រាស់ និងរក្សាទុកនូវសារធាតុញៀនដោយខុសច្បាប់ នៅចំណុចខ្ទមមួយកន្លែង ស្ថិតក្នុងភូមិចំការហ្លួង ឃុំចំការហ្លួង ស្រុកកំពង់សីលា ខេត្តព្រះសីហនុ និងបានធ្វើការឃាត់ខ្លួនជនសង្ស័យចំនួន៣នាក់ ក្នុងស្រី១នាក់។
ជនសង្ស័យទាំង៣នាក់ខាងលើ មាន ១-ឈ្មោះ ហុន សុខវិសាល ភេទប្រុស អាយុ២៥ឆ្នាំ ជនជាតិខ្មែរ មុខរបរកសិករ ២-ឈ្មោះ ប៊ី សាវ៉ន ភេទប្រុស អាយុ៣៣ឆ្នាំ ជនជាតិខ្មែរ មុខរបរកសិករ និង៣-ឈ្មោះ សេង សុធា ភេទស្រី អាយុ៣៣ឆ្នាំ ជនជាតិខ្មែរ មុខរបរកសិករ ។ អ្នកទាំង៣នាក់មានទីលំនៅបច្ចុប្បន្នក្នុងភូមិចំការហ្លួង ឃុំចាំរហ្លួង ស្រុកកំពង់សីលា ខេត្តព្រះសីហនុ។
ចំណែកវត្ថុតាងដែលដកហូតបានរួមមាន ៖ ម្ស៉ៅក្រាមសថ្លាសង្ស័យជាសារធាតុញៀន ប្រភេទមេតំហ្វេតាមីន ICE (ម៉ាទឹកកក)ចំនួន១២កញ្ចប់ និងទូរស័ព្ទដៃចំនួន២គ្រឿងផងដែរ។
បច្ចុប្បន្នជនសង្ស័យទាំង៣នាក់ខាងលើត្រូវបានផ្នែកជំនាញកសាងសំណុំរឿងបញ្ជូនខ្លួនទៅស្នងការដ្ឋាននគរបាលខេត្តព្រះសីហនុ ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ