ខេត្តមណ្ឌលគិរី ៖ អាជ្ញាធរខេត្តមណ្ឌលគិរី នាថ្ងៃទី២ វិច្ឆិកា ឆ្នាំ២០២០ បានបើកកិច្ចប្រជុំដើម្បីពង្រឹងការអនុវត្តតួនាទី ភារកិច្ចរបស់មន្ត្រីជំនាញ ក្នុងគោលដៅទប់ស្កាត់ បង្ក្រាបបទល្មើសធនធានធម្មជាតិ…
ខេត្តមណ្ឌលគិរី ៖ អាជ្ញាធរខេត្តមណ្ឌលគិរី នាថ្ងៃទី២ វិច្ឆិកា ឆ្នាំ២០២០ បានបើកកិច្ចប្រជុំដើម្បីពង្រឹងការអនុវត្តតួនាទី ភារកិច្ចរបស់មន្ត្រីជំនាញ ក្នុងគោលដៅទប់ស្កាត់ បង្ក្រាបបទល្មើសធនធានធម្មជាតិ ក្នុងភូមិសាស្ត្រស្រុកកែវសីមា និងចុះត្រួតពិនិត្យផ្លូវតាមបណ្តោយបន្ទាត់ព្រំដែន ខណៈរដូវប្រមូលផលរបស់ប្រជាពលរដ្ឋកាន់តែខិតជិតចូលដល់ ដើម្បីសម្រួលការដឹកជញ្ជួនកសិផលរបស់ប្រជាពលរដ្ឋ។
លោក ស្វាយ សំអ៊ាង អភិបាលខេត្តមានប្រសាសន៏ថា មន្ត្រីជំនាញនិងមន្ត្រីពាក់ព័ន្ឋទាំងអស់ត្រូវបង្កើតសកម្មភាពទប់ស្កាត់បទល្មើសព្រៃឈើ ដោយគោរពតាមសារាចររបស់រាជរដ្ឋាភិបាលក្នុងការថែរក្សាការពារធនធានធម្មជាតិ។
អភិបាលខេត្តបន្តថា ការទប់ស្កាត់បទល្មើសព្រៃឈើនិងកាប់កានដីព្រៃបាន វានិងហុចផលល្អជាច្រើនដល់សង្គម។ព្រៃឈើអាចទាក់ទាញភ្ញៀវទេសចរណ៏ និងការបំរែបំរួលអាកាសធាតុផងដែរ។
បន្ទាប់ពីកិច្ចប្រជុំនេះ លោកស្វាយ សំអ៊ាង បានដឹកនាំមន្ត្រីជុំវិញខេត្តចុះសិក្សាពីបញ្ហាផ្លូវធ្វើដំណើរតាមបន្ទាប់ព្រំដែន ដែលមានការខូចខាតពិបាកធ្វើចរាចរណ៏ ជាពិសេសរដូវប្រមូលកសិផលរបស់កសិករកាន់តែកៀកខិតចូលដល់ ដូច្នេះលោកបានពន្លឿនដល់មន្ត្រីជំនាញឲ្យចុះជុសជុលផ្លូវឡើងវិញ និងធ្វើស្ពានថ្មីសម្រាប់ប្រជាពលរដ្ឋធ្វើដំណើរ ព្រោះផ្លូវទាំងនេះនិងជួយសម្រាលការលំបាករបស់ពួកគាត់ លើការចំណាយដឹកជញ្ជួនកសិផលដែលផលិតបានយកទៅលក់បានតម្លៃថ្លៃ៕ (កែសម្រួលដោយ ៖ ធីតា)
ចែករំលែកព័តមាននេះ