ខេត្តកណ្តាល ៖ ដោយសារឥទ្ធិពលគ្រឿងញៀនជាច្រើនលើកតែងតែបង្កការអុកឡុក ប្រជាពលរដ្ឋនៅមូលដ្ឋាន ត្រូវបាននគរបាលស្រុកកណ្តាលស្ទឹងធ្វើការឃាត់ខ្លួន រួចបញ្ជូនទៅតុលាការដើម្បីចាត់ការតាមផ្លូវច្បាប់។
ហេតុការណ៌ខាងលើនេះបានកើតឡើងកាលពីវេលាម៉ោង៨យប់ថ្ងៃទី១ ខែវិច្ឆិកា ឆ្នាំ២០២០ នៅភូមិកោះខ្នុរ ឃុំព្រែករការ ស្រុកកណ្ដាលស្ទឹង ខេត្តកណ្ដាល ។
ជនសង្ស័យឈ្មោះ សុខ វណ្ណដា ភេទប្រុស អាយុ២៣ឆ្នាំ មុខរបរពុំពិតប្រាកដ រស់នៅភូមិចំបក់ត្រប់ ឃុំព្រែករកា ស្រុកកណ្តាលស្ទឹង ខេត្តកណ្តាល ។
លោកវរសេនីយ៌ មៀច រុន អធិការនគរបាលស្រុកកណ្តាកស្ធឹងបានអោយដឹងថា សមត្ថកិច្ចប៉ុស្តិ៍នគរបាលរដ្ឋបាលឃុំព្រែករការបានចុះល្បាតក្នុងភូមិសាស្ត្រខាងលើបានឃើញជនសង្សយ័កាន់ដាវគ្រវីស្រែកជេរគំរាមអ្នកភូមិ និងស្រែកឡូឡា លុះឃើញដូច្នេះ សមត្ថកិច្ចប៉ុស្តិ៍នគរបាលរដ្ឋបាលឃុំព្រែករការបានធ្វើការឃាត់បញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដើម្បីបន្តនីតិវិធីច្បាប់។ កន្លងមកជនសង្ស័យធ្លាប់បានអប់រំនៅអធិការដ្ឋានតែម្តងរួចមកហើយ និងប្រើប្រាស់គ្រឿងញៀនថែមទៀតផង ៕ (កែសម្រួលដោយ ៖ ធីតា)
ចែករំលែកព័តមាននេះ