ខេត្តបន្ទាយមានជ័យ ៖ សពស្ត្រីម្នាក់ដែលត្រូវឃាតករចាក់ស.ម្លា.ប់ និងយកកាំបិតឆូតសុសមុខរួចអូសទម្លាក់ក្នុងទឹកស្រែ ត្រូវបានសាច់ញាតិមកទទួលយកទៅធ្វើបុណ្យតាមប្រពៃណីហើយកាលពីល្ងាចថ្ងៃទី២ ខែវិច្ឆិកា ឆ្នាំ២០២០ នៅវត្តម្កាក់ ស្ថិតក្នុងភូមិម្នាក់ សង្កាត់ម្កាក់…
ខេត្តបន្ទាយមានជ័យ ៖ សពស្ត្រីម្នាក់ដែលត្រូវឃាតករចាក់ស.ម្លា.ប់ និងយកកាំបិតឆូតសុសមុខរួចអូសទម្លាក់ក្នុងទឹកស្រែ ត្រូវបានសាច់ញាតិមកទទួលយកទៅធ្វើបុណ្យតាមប្រពៃណីហើយកាលពីល្ងាចថ្ងៃទី២ ខែវិច្ឆិកា ឆ្នាំ២០២០ នៅវត្តម្កាក់ ស្ថិតក្នុងភូមិម្នាក់ សង្កាត់ម្កាក់ ក្រុងសិរីសោភ័ណ ខេត្តបន្ទាយមានជ័យ ។ គួររំលឹកថា ចុះមើលស្រែឃើញមែកឈើសង្កត់លើស្រូវ លុះទាញចេញក៏ផុសដៃស្ត្រីម្នាក់ផ្អើល
ស្ត្រីរងគ្រោះខាងលើត្រូវបានគេស្គាល់អត្តសញ្ញាណហើយ គឺឈ្មោះទិត្យ ស្រីសួង អាយុ២៥ឆ្នាំ មានស្រុកកំណើតនៅភូមិមានជ័យ ឃុំដ្រែសង្គម ស្រុកកោះញែក ខេត្តមណ្ឌលគីរី ធ្វើការនៅកន្លែងផលិតទឹកសុទ្ធ នៅភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
លោកឧត្តមសេនីយ៍ត្រី នូ ជីវ័ន្ត ស្នងការរងទទួលផែនព្រហ្មទ័ណ្ឌនៃស្នងការដ្ឋាននគរបាលខេត្តបន្ទាយមានជ័យបានប្រាប់ឱ្យដឹងនាថ្ងៃទី៣ ខែវិច្ឆិកា ឆ្នាំ២០២០ថា ក្រោយទទួលព័ត៌មានពីប្រជាពលរដ្ឋថាបានប្រទះឃើញសពស្ត្រីម្នាក់ក្នុងទឹកស្រែកាលវេលាម៉ោង៧និង៣០នាទីព្រឹកថ្ងៃទី២ ខែវិច្ឆិកា ឆ្នាំ២០២០ នៅតាមបណ្តោយផ្លូវជាតិលេខ៥៦Aចម្ងាយពីផ្លូវ១៥ម៉ែត្រស្ថិតភូមិក្បាលស្ពាន សង្កាត់ម្កាក់ ក្រុងសិរីសោភ័ណ ខេត្តបន្ទាយមានជ័យរួចមក កម្លាំងជំនាញក៏បានចុះទៅពិនិត្យ ។
លោកបានបញ្ជាក់ថា មន្ត្រីផ្នែកកោសលវិច្ច័យនៃស្នងការដ្ឋាននគរបាលខេត្តបន្ទាយមានជ័យសហការក្រុមពេទ្យជំនាញចុះទៅធ្វើការពិនិត្យនៅកន្លែងកើតហេតុ ដោយឃើញសពស្ត្រីក្នុងទឹកស្រែក្បែរគល់ដើមប្រេងខ្យល់ រួចបានស្រង់យកមកពិនិត្យ ដោយសពស្ត្រីរងគ្រោះពាក់អាវយឺតពណ៌ក្រហមដៃវែងមូលដៃអាវត្រឹមកដៃ ស្លៀកខោកីឡាខ្មៅឆ្នូតចំហៀង មានស្នាមចាក់លើទ្រូងជាច្រើនកាំបិតចុងស្រួច និងត្រូវឃាតករយកកាំបិតឆូតសុសមុខហើយអូសទម្លាក់ចូលទឹកស្រែ បណ្តាលឱ្យស្លា.ប់។
លោកឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យបានបញ្ជាក់ថាក្រោយការពិនិត្យរួច មន្ត្រីជំនាញបានសន្និដ្ឋានជាដំបូងថា ជាករណីឃាតកម្មគិតទុកមុនដែលជាប់ពាក់ព័ន្ធរឿងស្នេហាត្រីកោណ ហើយទាក់ទិននឹងករណីឃាតកម្មនេះដែរ សមត្ថកិច្ចសង្ស័យរឿងប្រច័ណ្ឌ បង្កដោយបុរសជាសង្សារបស់ស្ត្រីរងគ្រោះ នៅពេលនេះសមត្ថកិច្ចកំពុងដុតដៃដុតជើងស្វែងរកមុខសញ្ញាជនសង្ស័យជាសង្សារយកមកធ្វើការសាកសួរ ។
ក្រោយពេលមន្ត្រីជំនាញពិនិត្យសពស្ត្រីរងគ្រោះរួច ត្រូវបានយកមកតម្កល់ទុកនៅវត្តម្កាក់ ក្នុងក្រុងសិរីសោភ័ណ រហូតដល់ល្ងាចថ្ងៃទី២ ខែវិច្ឆិកា ឆ្នាំ២០២០ ត្រូវបានសាច់ញាតិមកទទួលយកទៅធ្វើបុណ្យតាមប្រពៃណីយ៍នៅខេត្តមណ្ឌលគីរី៕ (កែសម្រួលដោយ ៖ ធីតា)
ចែករំលែកព័តមាននេះ