រាជធានីភ្នំពេញ ៖ នៅព្រឹកថ្ងៃទី០៣ ខែវិច្ឆិកា ឆ្នាំ២០២០នេះ ក្រសួងធនធានទឹក និងឧតុនិយមបានប្រកាស ពីស្ថានភាពធាតុអាកាសនៅកម្ពុជា ចាប់ពីថ្ងៃទី៤ ដល់ថ្ងៃទី១០…
រាជធានីភ្នំពេញ ៖ នៅព្រឹកថ្ងៃទី០៣ ខែវិច្ឆិកា ឆ្នាំ២០២០នេះ ក្រសួងធនធានទឹក និងឧតុនិយមបានប្រកាស ពីស្ថានភាពធាតុអាកាសនៅកម្ពុជា ចាប់ពីថ្ងៃទី៤ ដល់ថ្ងៃទី១០ ខែវិច្ឆិកា ឆ្នាំ២០២០ ថា កម្ពុជាអាចនឹងមានភ្លៀងធ្លាក់ពីខ្សោយទៅមធ្យម ។
ក្រសួងបានបញ្ជាក់ឲ្យដឹងថា ជ្រលងសម្ពាធខ្ពស់ពីប្រទេសចិន បានរំកិនចុះ និងលាតសន្ធឹងភាគខាងជើងប្រទេសចិន និងប្រទេសឡាវ និងប្រទេសវៀតណាម ។ចំណែកក្នុងសមុទ្រចិនខាងត្បួង ព្យុះទី១៩ឈ្មោះ ហ្គោនីបាននឹងកំពុងតែធ្វើដំណើរ ឆ្ពោះមកទិសខាងលិច ។ តាមការព្យាករណ៍ព្យុះនេះនឹងថបថយអស់នៅពេលចូលមកភាគកណ្តាលនៃប្រទេសវៀតណាម នៅថ្ងៃទី៥-៦ ខែវិច្ឆិកា ។ ព្យុះនេះពុំមានឥទ្ធិពលលើប្រទេសកម្ពុជាទេ ។
ក្រសួងបានបន្តថា នៅរយៈពេលនេះនៅកម្ពុជា អាចនឹងមានភ្លៀងធ្លាក់ពីខ្សោយទៅមធ្យម ខណៈសីតុណ្ហភាពអប្បបរមា ពី២០-២៤អង្សាសេ និងសីណ្ហភាពអតិបរមាពី២៧-៣០អង្សាសេផងដែរ ៕
ចែករំលែកព័តមាននេះ