ខេត្តកណ្តាល ៖ ជនសង្ស័យ២នាក់ជាមុខសញ្ញាយ៉ាងសកម្មខាងយករបស់កាឡៃទៅដាក់បញ្ចាំជាច្រើនលើក ពេលនេះអស់លក្ខណ៍ហើយ ដោយត្រូវសមត្ថកិច្ចក្រុងតាខ្មៅ ក្របួចជាប់ បន្ទាប់ពីជនសង្ស័យបានយកប្លាកដៃកាឡៃមកដាក់បញ្ចាំនៅក្រុងតាខ្មៅ បង្កឱ្យមានការភ្ញាក់ផ្អើលកាលពីម៉ោង៤និង៤០នាទីល្ងាច នៅថ្ងៃទី១ ខែវិច្ឆិកា…
ខេត្តកណ្តាល ៖ ជនសង្ស័យ២នាក់ជាមុខសញ្ញាយ៉ាងសកម្មខាងយករបស់កាឡៃទៅដាក់បញ្ចាំជាច្រើនលើក ពេលនេះអស់លក្ខណ៍ហើយ ដោយត្រូវសមត្ថកិច្ចក្រុងតាខ្មៅ ក្របួចជាប់ បន្ទាប់ពីជនសង្ស័យបានយកប្លាកដៃកាឡៃមកដាក់បញ្ចាំនៅក្រុងតាខ្មៅ បង្កឱ្យមានការភ្ញាក់ផ្អើលកាលពីម៉ោង៤និង៤០នាទីល្ងាច នៅថ្ងៃទី១ ខែវិច្ឆិកា ឆ្នាំ២០២០ ចំណុចហាងយីហោ «ពិសិដ្ឋ» ស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ។
ជនរងគ្រោះខាងលើឈ្មោះ សេង ពិសិដ្ឋ ភេទប្រុស អាយុ៣៧ឆ្នាំ ទីលំនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរលក់ដូរ ចំណែកជនសង្ស័យ២នាក់ ទី១ឈ្មោះ ឈុន ណារ៉ាត់ ភេទប្រុស អាយុ១៥ឆ្នាំ មានទីលំនៅភូមិឫស្សី២ សង្កាត់ស្ទឹងមានជ័យ ខណ្ឌមានជ័យ មុខរបរមិនពិតបាកដ និងទី២ ឈ្មោះ ឡេង បូនី ភេទប្រុស អាយុ១៥ឆ្នាំ មានទីលំនៅភូមិឫស្សី សង្កាត់ស្ទឹងមានជ័យ ខណ្ឌមានជ័យ ជាសិស្សថ្នាក់ទី៨។
បើតាមមន្ត្រីនគរបាលក្រុងតាខ្មៅ បានឱ្យដឹងថា នៅវេលាកើតហេតុខាងលើ ខណៈពេលដែលជនរងគ្រោះកំពុងតែអង្គុយលក់នៅក្នុងហាងដូចសព្វដង ស្រាប់តែមានជនសង្ស័យទាំង២នាក់ បានជិះម៉ូតូដោយយកប្លាកដៃកាឡៃ១ខ្សែ ព្រមទាំងបង្កាន់ដៃទិញលក់ខ្សែដៃ១សន្លឹក ដាក់តំលៃ៥៩៥ដុល្លារ មកដាក់បញ្ចាំនៅហាងរបស់ជនរងគ្រោះចំនួន៤០០ដុល្លារ។
ប្រភពដដែលបន្តថា ដោយសារតែជនរងគ្រោះធ្លាប់ចាញ់បោកគេចំនួន៤ដងមកហើយ ទើបលើកនេះយកប្លាកដៃនោះមកឆាមមើល ក៏ស្រាប់តែឃើញថាជាប្លាកដៃកាឡៃ រួចក៏ឃាត់ខ្លួនជនសង្ស័យសទាំង២នាក់ ប្រគល់ជូនសមត្ថកិច្ចប៉ុស្តិ៍តាខ្មៅតែម្តង។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ខ្លួនពិតជាបានយកប្លាកដៃខាងលើមកដាក់បញ្ចាំឱ្យជនរងគ្រោះពិតប្រាកដមែន ហើយក៏ធ្លាប់បានធ្វើសកម្មភាពបែបនេះចំនួន៤ដង គឺនៅផ្សារខេត្តកំពង់ស្ពឺ បាន២ដង នៅផ្សារតាខ្មៅ បាន១ដង និងលើកចុងក្រោយនេះ ក៏ត្រូវម្ចាស់ហាងចាប់បានប្រគល់ជូនសមត្ថកិច្ចតែម្តង។
ពាក់ព័ន្ធករណីខាងលើនេះ កម្លាំងជំនាញកំពុងតែបន្តកសាងសំណុំរឿង ដើម្បីចាត់ការតាមនីតិវិធីច្បាប់ងហើយ។
ចែករំលែកព័តមាននេះ