ស្រុកកំពង់សិលា ៖ បើតាមសេចក្តីរាយការណ៍បានឱ្យដឹងថា មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តសាំយ៉ុង និងរថយន្តឡិចស៊ីស បានបុកគ្នាពេញទំហឹង បណ្តាលឱ្យមនុស្សរងរបួសចំនួន៧នាក់ បង្កឱ្យមានការភ្ញាក់ផ្អើលកាលពីម៉ោងជាង12ថ្ងៃត្រង់ នាថ្ងៃ30 ខែតុលា…
ស្រុកកំពង់សិលា ៖ បើតាមសេចក្តីរាយការណ៍បានឱ្យដឹងថា មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តសាំយ៉ុង និងរថយន្តឡិចស៊ីស បានបុកគ្នាពេញទំហឹង បណ្តាលឱ្យមនុស្សរងរបួសចំនួន៧នាក់ បង្កឱ្យមានការភ្ញាក់ផ្អើលកាលពីម៉ោងជាង12ថ្ងៃត្រង់ នាថ្ងៃ30 ខែតុលា ឆ្នាំ2020 នៅតាមផ្លូវជាតិលេខ4 នៅចន្លោះ KM 131-132 ស្ថិតក្នុងឃុំចំកាហ្លួង ស្រុកកំពង់សីលា ខេត្តព្រះសីហនុ ។
សេចក្តីរាយការណ៍បន្តថា គ្រោះថ្នាក់រាចរណ៍ខាងលើកើតឡើង រវាងរថយន្តសាំយ៉ុង ពណ៌សំបកឪឡឹក ពាក់ស្លាកលេខ 2AC 2541 មានទិសដៅពីភ្នំពេញ-ព្រះសីហនុ បើកបរដោយឈ្មោះ យ៉ិន យ៉ី អាយុ33ឆ្នាំ រស់នៅស្រុកកំពង់សិលា ខេត្តព្រះសីហនុ បានបុកប៉ះជាមួយនឹងរថយន្តឡិចស៊ីស ពណ៌ខ្មៅ ពាក់ស្លាកលេខ 2F 2463 ក្នុងទិសដៅផ្ទុយគ្នា បើកបរដោយឈ្មោះ សេង ភុន ភេទប្រុស អាយុ45ឆ្នាំ រស់នៅភូមិ-ឃុំរលាំងកែន ស្រុកកណ្តាលស្ទឹង ខេត្តកណ្ដាល បណ្តាលឱ្យរងរបួសមនុស្សចំនួន7នាក់។
សេចក្តីរាយការណ៍បន្តទៀតថា ជនរងគ្រោះទាំងអស់ខាងលើ មាន៖
1-ឈ្មោះ យិន សុខលេង ភេទស្រី អាយុ8ឆ្នាំ រងរបួសដៃឆ្វេង,
2-ឈ្មោះ ផុន សៀហៃ ភេទប្រុស អាយុ11ឆ្នាំ រងរបួសជើង បែកជង្គង់ខាងឆ្វេង,
3-ឈ្មោះ អ៊ូច ស្រីនឿន ភេទស្រី អាយុ36ឆ្នាំ រងរបួសជើងស្តាំ,
4.ឈ្មោះ ទ្រី សូង ភេទប្រុសអាយុ65ឆ្នាំ រងរបួសបាក់ជើងឆ្វេង និងក្បាលផ្នែកខាងមុខ,
5.ឈ្មោះ អ៊ូច ស្រីមុំ ភេទស្រី អាយុ27ឆ្នាំ រងរបួសក្បាលផ្នែកខាងក្រោយ,
6.ឈ្មោះ សុងរស្មី ភេទស្រី អាយុ21ឆ្នាំ រងរបួសជើងខាងស្តាំ,
7.ឈ្មោះ ពិសិទ្ធ បញ្ញ៉ា ភេទប្រុស អាយុ12ឆ្នាំ របួសជើងខាងឆ្វេង។
សេចក្តីរាយការណ៍បន្តថា អ្នករងរបួសទាំងអស់ខាងលើ ស្ថិតនៅភូមិក្រាំងអាត់ ឃុំអូបាក់រទេះ ស្រុកកំពង់សីលា ខេត្តព្រះសីហនុ ចំណែកអ្នកបើកទាំង២នាក់មិនមានរបួសនោះទេ។ បច្ចុប្បន្នរថយន្តទាំង២គ្រឿងខាងលើ ត្រូវបាននគរបាជំនាញ យកទៅរក្សាទុកនៅអធិការស្រុកកំពង់សីលា ដើម្បីធ្វើការដោះស្រាយនៅពេលក្រោយ។
ចែករំលែកព័តមាននេះ