ខេត្តកំពង់ចាម ៖ បើតាមសេចក្តីរាយការណ៍បានឱ្យដឹងថា យុវជនមួយក្រុមមានគ្នាប្រមាណ១០នាក់ រួមទាំងថ្នាំញៀន៣០កញ្ចប់តូច ត្រូវបានកម្លាំងសមត្ថកិច្ចនគរបាលមូលដ្ឋានឃុំព្រែកដំបូក ស្រុកស្រីសន្ធរ ខេត្តកំពង់ចាម ឃាត់ខ្លួនបានកាលពីថ្ងៃទី៣០ ខែតុលា ឆ្នាំ២០២០ ខណៈពួកគេកំពុងតែប្រមូលផ្តុំគ្នាយ៉ាងសប្បាយរីករាយដើម្បីសេពគ្រឿងញៀន នៅសាលាឆទានមួយកន្លែង ស្ថិតក្នុងភូមិព្រែកដំបូកក្រោម ឃុំព្រែកដំបូក ស្រុកស្រីសន្ធរ ខេត្តកំពង់ចាម។
បើតាមសមត្ថកិច្ចបានឲ្យដឹងថា ក្រោយពីទទួលបានព័ត៌មានថា មានយុវជន១ក្រុមដែលជាមុខសញ្ញាជួញដូរ និងប្រើប្រាស់គ្រឿងញៀន កំពុងតែប្រព្រឹត្តជួញដូរ និងប្រើប្រាស់ថ្នាំញៀនយ៉ាងគគ្រឹកគគ្រេងនៅលើសាលាឆទាន ស្ថិតក្នុងភូមិព្រែកដំបូកក្រោម ឃុំព្រែកដំបូក ស្រុកស្រីសន្ធរ។
សមត្ថកិច្ចបន្តថា ដោយបានការអនុញ្ញាតិពីព្រះរាជអាជ្ញាអមសាលាដំបូងខេត្ត កងកម្លាំងជំនាញការិយាល័យប្រឆាំងគ្រឿងញៀនខេត្ត បានចុះជាមួយជំនាញនគរបាលស្រុកស្រីសន្ធរ និងប៉ុស្តិ៍នគរបាលរដ្ឋបាលព្រែកដំបូក ដឹកនាំដោយលោកស្នងការរង បានបើកកិច្ចប្រតិបត្តិការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន១ករណី ដោយប្រើវិធានរដ្ឋបាលចំហរ។
សមត្ថកិច្ចបន្តថា ជាលទ្ធផលទទួលបានជោគជ័យ ដោយឃាត់ខ្លួនជនសង្ស័យចំនួន១០ នាក់ ក្នុងនោះមាន ៖
១-ឈ្មោះ ហុង គ្រី ភេទប្រុស អាយុ២០ឆ្នាំ មុខរបរកម្មករ នៅភូមិព្រែកដំបូកក្រោម ឃុំព្រែកដំបូក ស្រុកស្រីសន្ធរ។
២-ឈ្មោះ ប៉ិច ពើក ភេទប្រុស អាយុ២០ឆ្នាំ មុខរបរកម្មករ នៅភូមិព្រែកដំបូកក្រោម ឃុំព្រែកដំបូក ស្រុកស្រីសន្ធរ។
៣-ឈ្មោះ កុសល ឆេងហាក់ ភេទប្រុស អាយុ៣១ឆ្នាំ មុខរបរកម្មករ នៅភូមិព្រែកដំបូកក្រោម ឃុំព្រែកដំបូក ស្រុកស្រីសន្ធរ។
៤-ឈ្មោះ រ៉េត ឆុំ ភេទប្រុស អាយុ២៦ឆ្នាំ មុខរបរកម្មករ នៅភូមិព្រែកដំបូកក្រោម ឃុំព្រែកដំបូក ស្រុកស្រីសន្ធរ។
៥-ឈ្មោះ ពៅ ភាព ភេទប្រុស អាយុ២៩ឆ្នាំ មុខរបរកម្មករ នៅភូមិអំពិល ឃុំខ្នារស ស្រុកស្រីសន្ធរ។
៦-ឈ្មោះ អែម ពិសិដ្ឋ ភេទប្រុស អាយុ៣១ឆ្នាំ មុខរបរជាងពិដាន នៅភូមិព្រែកដំបូកក្រោម ឃុំព្រែកដំបូក ស្រុកស្រីសន្ធរ។
៧-ឈ្មោះ ប៉ាង សុផល ភេទប្រុស អាយុ២៥ឆ្នាំ មុខរបរមិនពិតប្រាកដ នៅភូមិអំពិល ឃុំព្រែកដំបូក ស្រុកស្រីសន្ធរ។
៨-ឈ្មោះ សុខ វាស្នា ភេទប្រុស អាយុ៣៧ឆ្នាំ មុខរបរសំអាងការ មានទីលំនៅភូមិតាកយ ឃុំព្រែកដំបូក ស្រុកស្រីសន្ធរ ។
៩-ឈ្មោះ ខាន់ សីហា ភេទប្រុស អាយុ៣៦ឆ្នាំ មុខរបរចុងភៅ មានទីលំនៅភូមិតាម៉ឺន ឃុំព្រែកដំបូក ស្រុកស្រីសន្ធរ ។
១០-ឈ្មោះ ធី វី ភេទប្រុស អាយុ ១៩ឆ្នាំ មុខរបរកសិករ មានទីលំនៅភូមិស្វាយត្បូង ឃុំស្វាយខ្សាច់ភ្នំ ស្រុកស្រីសន្ធរ ។
ក្នុងប្រតិបត្តិការខាងលើនោះ សមត្ថកិច្ចក៏បានធ្វើការដកហូតវត្ថុតាងរួមមាន ៖ ម្សៅក្រាមពណ៌ស សង្ស័យជាថ្នាំញៀនចំនួន៣០កញ្ចប់, ទូរស័ព្ទដៃចំនួន៦គ្រឿង, ជញ្ជីងអេឡិចត្រូនិក១គ្រឿង និងឧបករណ៍សម្រាប់សេពមួយចំនួនទៀត ។
ក្រោយពេលឃាត់ខ្លួនជនសង្ស័យ រួមជាមួយនឹងវត្ថុតាង ត្រូវបានកម្លាំងជំនាញការិយាល័យប្រឆាំងគ្រឿងញៀន កសាងសំណុំរឿងបញ្ជូនទៅសាលាដំបូងខេត្តតាមនីតិវិធីច្បាប់ ៕
ចែករំលែកព័តមាននេះ