ក្រោយទឹកជំនន់ស្រក់អស់ ត្រូវខិតខំដាំដុះបន្លែផ្សេងៗដើម្បីលើកកម្ពស់សេដ្ឋកិច្ចគ្រួសារ
- បន្ទាយមានជ័យ
ខេត្តបន្ទាយមានជ័យ ៖ លោក ឈើយ ចាន់ណា សមាជិកព្រឹទ្ធសភា បាននាំយកអំណោយ សប្បុរសជន មានជាស្បៀង និងសម្ភារៈប្រើប្រាស់…
ខេត្តបន្ទាយមានជ័យ ៖ លោក ឈើយ ចាន់ណា សមាជិកព្រឹទ្ធសភា បាននាំយកអំណោយ សប្បុរសជន មានជាស្បៀង និងសម្ភារៈប្រើប្រាស់…
ខេត្តបន្ទាយមានជ័យ ៖ លោក ឈើយ ចាន់ណា សមាជិកព្រឹទ្ធសភា បាននាំយកអំណោយ សប្បុរសជន មានជាស្បៀង និងសម្ភារៈប្រើប្រាស់ ចែកជូនដល់បងប្អូនពលរដ្ឋដែលរងគ្រោះដោយគ្រោះមហន្តរាយធម្មជាតិ ទឹកជំនន់ចំនួន១០០គ្រួសារ នៅក្នុងឃុំស្រះរាំង ស្រុកមង្គលបូរី។
ក្នុងនោះក៏មានការអមដំណើរដោយឯកឧត្តម សមាជិកក្រុមប្រឹក្សាខេត្ត អភិបាលរងស្រុក លោក អ៊ិន ជំនោរ ប្រធានអង្គរការ កម្ពុជានៃក្តីសង្ឃឹម និងភរិយាលោកស្រី ស៊ន គីម (ម្ចាស់ជំនួយ) ក្រុមការងារយុវជន សសយកស្រុក អាជ្ញាធរមូលដ្ឋានបានចូលរួម នៅរសៀលថ្ងៃទី២៩ ខែតុលា ឆ្នាំ២០២០។
លោក ឈើយ ចាន់ណា សមាជិកព្រឹទ្ធសភា ក៏បានពាំនាំប្រសាសន៍ផ្តាំផ្ញើសាកសួរសុខទុក្ខពីសំណាក់ប្រមុខរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលសម្តេចបានខិតខំយ៉ាសស្រាក់សស្រាំចុះជួបជាមួយបងប្អូនពលរដ្ឋដែលរងគ្រោះដោយសាគ្រោះទឹកជំនន់នៅក្នុងខេត្តបន្ទាយមានជ័យ ក្នុងការនាំយកអំណោយចែកជូនដល់បងប្អូនដោយផ្ទាល់។ ដែលនេះពិតជាបានសបញ្ជាក់ឲ្យឃើញពីការយកយកចិត្តទុកដាក់យ៉ាងខ្លាំងពីសំណាក់ថ្នាក់ដឹកនាំ ហើយក៏មិនដែលរត់ចោលបងប្អូនពលរដ្ឋម្តងណាឡើយ ពោលគឺពេលមានទុក្ខសម្តេចលោកតែងចាត់ក្រុមការងារចុះទៅមូលដ្ឋាន ដើម្បីដោះស្រាយរាល់ទុក្ខកង្វល់របស់បងប្អូនភ្លាមៗ មិនឲ្យបងប្អូនរងទុក្ខវេទនាឡើយ។
មួយវិញទៀត ក្រោយទឹកជំនន់ស្រក់អស់ លោក ឈើយ ចាន់ណា ក៏បានជម្រុញដល់បងប្អូនពលរដ្ឋ ត្រូវខិតខំដាំដុះបន្លែបង្ការផ្សេងៗ ក្នុងលើកកម្ពស់ដល់សេដ្ឋកិច្ចគ្រួសារ ក៏ដូចជាបំពេញតម្រូវការទីផ្សារជាដើម។
ទន្ទឹមនឹងនោះ ឯកឧត្ដម សមាជិកព្រឹទ្ធសភា ក៏មានប្រសាសន៍ផ្តាំផ្ញើដល់បងប្អូនពលរដ្ឋ សូមថែរក្សាសុខភាព បើទោះបីទឹកជំនន់នាពេលនេះ បានស្រកចុះយ៉ាងក៏ដោយ ក៏កុំភ្លេចថែរក្សាសុខភាពឲ្យបានល្អ ប្រុងប្រយ័ត្នចំពោះកូនចៅរបស់បងប្អូន ដោយក្នុងកំឡុងទឹកជំនន់បានវាយប្រហារខេត្តបន្ទាយមានជ័យ រហូតមកទល់ពេលនេះមានករណីលង់ទឹកសរុបចំនួន២៧ករណីហើយ ចឹងសូមបងប្អូនប្រុងប្រយ័ត្នឲ្យបានខ្ពស់។ ចំពោះអំណោយដែលចែកជូនពលរដ្ឋទាំង១០០គ្រួសាររួមមាន ៖ ក្នុងមួយគ្រួសារទទួលបានអង្ករ២០គីឡូក្រាម មុង១ កំសៀវទឹក១ កន្ទេល១ ធុង១ ទឹកស៊ីអ៉ីវ១យួរ និងទឹកត្រី១យួរ៕
ចែករំលែកព័តមាននេះ