លោក កឹម សុខា ៖ ទោះបីមិនអុំទូក ក៏យើងអកអំបុក ចេកហូបជុំគ្នា
- ភ្នំពេញ
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិបានលើកឡើងថាទោះបីមិនមានពិធីអុំទូកក៏ដោយ ក៏យើងអាចជុំគ្នាហូបអំបុកជាមួយគ្នាបាន។ លោក កឹម សុខា…
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិបានលើកឡើងថាទោះបីមិនមានពិធីអុំទូកក៏ដោយ ក៏យើងអាចជុំគ្នាហូបអំបុកជាមួយគ្នាបាន។ លោក កឹម សុខា…
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិបានលើកឡើងថាទោះបីមិនមានពិធីអុំទូកក៏ដោយ ក៏យើងអាចជុំគ្នាហូបអំបុកជាមួយគ្នាបាន។
លោក កឹម សុខា បានសរសេរលើបណ្តាញសង្គមហ្វេសប៊ុកនៅថ្ងៃទី៣០ ខែតុលា ឆ្នាំ២០២០ថា ៖ «តាមទំនៀមទម្លាប់ប្រពៃណីជាតិខ្មែរ ពេលនេះជាឱកាសបុណ្យអុំទូក សំពះព្រះខែ អកអំបុក ទោះបីឆ្នាំនេះ យើងមិនបានប្រារព្ធពិធីបុណ្យអុំទូកក៏ដោយ ប៉ុន្តែថ្ងៃនេះដែរ បងប្អូនពុទ្ធបរិស័ទខ្មែរយើងនៅទីនេះ ក៏បានយកអំបុក ចេក ដូង មកពិសារជុំគ្នាជាមួយខ្ញុំ និងសហការី ហើយក៏បានវេចខ្ចប់ផ្ញើមកជូនភរិយាខ្ញុំ សម្រាប់ធ្វើពិធីអកអំបុក ក្នុងពេលខែពេញបូណ៌មីផងដែរ»។
លោកបន្តថា មុននឹងត្រឡប់មកវិញ ខ្ញុំក៏បានចូលទស្សនា ដុតធូបនៅប្រាសាទក្រពុំឈូកផងដែរ។ ខ្ញុំមានមោទនភាព និងអរគុណណាស់នូវសន្តានចិត្តជាភាតរៈ របស់ប្រជាពលរដ្ឋខ្មែរនៅគ្រប់ទិសទី ដែលធ្វើឲ្យខ្ញុំរឹតតែមិនចង់ និងមិនត្រូវឃ្លាតឆ្ងាយពីបងប្អូនឡើយ។
លោកថា «ថ្ងៃនេះ ខ្ញុំបានធ្វើដំណើរមកកាន់ខេត្តព្រះវិហារ ដោយនាំយកឧបករណ៍សូឡា(អគ្គិសនីពន្លឺព្រះអាទិត្យ) មកប្រគេនព្រះសង្ឃសម្រាប់ប្រើប្រាស់ក្នុងវត្ត ដែលស្ថិតក្នុងព្រៃដាច់ស្រយាល មិនទាន់មានភ្លើងអគ្គិសនីរដ្ឋតចូលដល់ តាមសំណើររបស់ព្រះសង្ឃ និងគណៈកម្មការវត្ត ដែលបានស្នើខ្ញុំយូរណាស់មកហើយ ទើបតែថ្ងៃនេះ ខ្ញុំមានឱកាសយកមកប្រគេន។ ហើយខ្ញុំក៏បានយកពូជដូងក្រអូប ប្រគេនព្រះសង្ឃសម្រាប់ដាំក្នុងវត្ត និងចែកជូនពុទ្ធបរិស័ទជើងវត្តខ្លះដែរ។
ក្នុងឱកាសនេះដែរ បន្ថែមពីការប្រគេនទេយ្យទានចំពោះព្រះសង្ឃផ្ទាល់ ខ្ញុំក៏បានផ្តល់នូវជំនួយមនុស្សធម៌របស់បងប្អូនខ្មែរដែលរស់នៅក្រៅប្រទេស មានអង្ករ មី ទឹកត្រី ទឹកស៊ីអ៊ីវ ជូនដល់ប្រជាពលរដ្ឋដែលខ្វះខាតខ្លាំងចំនួន១០០គ្រួសារ តាមរយៈព្រះសង្ឃនៅទីនេះផងដែរ៕
ចែករំលែកព័តមាននេះ