ខេត្តរតនគិរី ៖ បើតាមសេចក្តីរាយការណ៍បានឱ្យដឹងថា ជនសង្ស័យម្នាក់ពាក់ព័ន្ធករណីបំពានសេពសន្ថវៈលើអនីតិជន នៅក្នុងភូមិកាទៀង ឃុំល្បាំង២ ស្រុកលំផាត់ ក្នុងអំឡុងឆ្នាំ២០១៩កន្លងទៅនោះ ត្រូវបានកម្លាំងការិយាល័យប្រឆាំងការជួញដូរមនុស្ស និងអនីតិជននៃស្នងការដ្ឋាននគរបាខេត្ត ចុះឃាត់ខ្លួនបញ្ជូនទៅសាលាដំបូងខេត្តចាត់ការតាមច្បាប់។
សេចក្តីរាយការណ៍បន្តថា ការឃាត់ខ្លួនជនសង្ស័យនោះ ដោយមានការសម្របសម្រួលពីលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្ត បានធ្វើឡើងនៅកាលពីម៉ោង១និង៣០នាទីរសៀល នៅថ្ងៃទី២៨ ខែតុលា ឆ្នាំ២០២០ ស្ថិតនៅក្នុងភូមិកាទៀង ឃុំល្បាំង២ ស្រុកលំផាត់ខេត្តរតនគិរី។
សមត្ថកិច្ចបានឱ្យដឹងថា ក្នុងនោះដឹកនាំកម្លាំងដោយលោកស្រីឧត្តមសេនីយ៍ត្រី កែវ ដាវី ស្នងការរងទទួលផែនការងារប្រឆាំងការជួញដូរមនុស្ស និងអនីតិជន លោកឧត្តមសេនីយ៍ទោ សុខ ងឺ អនុប្រធាននាយកដ្ឋានប្រឆាំងការជួញដូរមនុស្ស និងអនីតិជន និងសហការជាមួយកម្លាំងអធិការដ្ឋាននគរបាលស្រុកលំផាត់ បានចុះស្រាវជ្រាវលើករណីជនសង្ស័យម្នាក់បំពានសេពសន្ថវ:លើអនីតិជន ស្ថិតនៅក្នុងឃុំល្បាំង២ ស្រុកលំផាត់ ។
សមត្ថកិច្ចបន្តថា ជនសង្ស័យរូបនេះឈ្មោះ អ៊ុន ប៊ុនធឿន ភេទប្រុស អាយុ៤១ឆ្នាំ ជនជាតិខ្មែរ រស់នៅភូមិ-ឃុំកើតហេតុខាងលើ។
បច្ចុប្បន្នជនសង្ស័យត្រូវបានសមត្ថកិច្ចបញ្ជូនទៅស្នងការដ្ឋាននគរបាលខេត្ត ដើម្បីសាកសួរ និងកសាងសំណុំរឿងចាត់វិធានការបន្តទៅតាមនីតិវិធីច្បាប់ផងដែរ៕
ចែករំលែកព័តមាននេះ