រាជធានីភ្នំពេញ ៖ កម្មករសំណង់ជាង500នាក់ផ្ទុះការតវ៉ាទាំងយប់ ព្រោះតែរឿងមេការសំណង់មិនព្រមបើកប្រាក់ខែឱ្យរយៈពេលជិត២ខែរួចមកហើយ ក៏បាននាំគ្នាតវ៉ានៅមុខការដ្ឋាន ដើម្បីសូមឱ្យជួយអន្តរាគមន៍ នោងដោះស្រាយជូនពួកគាត់ផង បង្កឱ្យមានការភ្ញាក់ផ្អើលកាលពីម៉ោង9និង30នាទីយប់ ថ្ងៃទី28 ខែតុលា ឆ្នាំ2020 តាមបណ្តោយផ្លូវសហព័ន្ធរុស្ស៊ី នៅចំណុចការដ្ឋានកំពុងតែសាងសង់មានឈ្មោះ BOOYOUNG TOWN ស្ថិតក្នុងសង្កាត់ទឹកថ្លា ខណ្ឌសែនសុខ ។
តាមប្រភពពីកម្មករសំណង់បាននិយាយរៀបរាប់ឱ្យដឹងថា ពួកគាត់ទាំងអស់ មានគ្នាជាង៥០០នាក់បានធ្វើការរយៈពេលជិតមួយឆ្នាំមកហើយ ដោយសារតែជឿជាក់លើមេការគាត់ថា ជំពាក់ប្រាក់ខែសិន តាំងពីថ្ងៃទី5 ខែតុលា ឆ្នាំ2020 ហើយសន្យាថា ថ្ងៃទី15 ខែតុលានេះ នឹងបើកប្រាក់ខែឱ្យ តែការសន្យាដល់ថ្ងៃហើយនៅតែមិនព្រមបើកឱ្យទៀត ទើបពួកគាត់ទាំងអស់គ្នាជាង500នាក់ ក៏នាំគ្នាមកតវ៉ាទាំងយប់នៅមុខការដ្ឋានសាងសង់របស់ក្រុមហ៊ុនBOOYOUNG TOWN ផ្អើលពេញផ្លូវ រួមទាំងផ្អើលទាំងសមត្ថកិច្ចប៉ុស្តិ៍ទឹកថ្លាចុះមកអន្តរាគមន៍ ដើម្បីរកមេការក្រុមហ៊ុនឱ្យមកជួយដោះស្រាយទៅលើពួកគាត់ ។
ក្រោយពេលកើតហេតុខាងលើនេះ ខាងតំណាងក្រុមហ៊ុន គាត់បានចេញមុខមកធ្វើកិច្ចសន្យាថា នឹងសងលុយពាក់កណ្តាលចំនួន1ម៉ឺនដុល្លារដល់បុគ្គលិកទាំងអស់ ដើម្បីបញ្ចប់កុំឱឰ្យធ្វើការតវ៉ាជាបន្តទៅទៀត ៕
ចែករំលែកព័តមាននេះ