វៀតណាម ៖ យ៉ាងហោចណាស់មានមនុស្សចំនួន ១៩នាក់បានស្លាប់ និងរាប់សិបនាក់កំពុងបាត់ខ្លួនបន្ទាប់ពីមានភ្លៀងធ្លាក់ខ្លាំងបណ្តាលមកពីខ្យល់ព្យុះដ៏ខ្លាំងបណ្តាលឱ្យមានការបាក់ដីនៅវៀតណាម។ ព្យុះម៉ូឡាវ Molave បានបោកបក់ចូលឆ្នេរក្បែរទីក្រុងដាណាង កាលពីថ្ងៃពុធ ដោយនាំមកនូវភ្លៀងធ្លាក់ខ្លាំងនិងខ្យល់បក់ខ្លាំង។…
វៀតណាម ៖ យ៉ាងហោចណាស់មានមនុស្សចំនួន ១៩នាក់បានស្លាប់ និងរាប់សិបនាក់កំពុងបាត់ខ្លួនបន្ទាប់ពីមានភ្លៀងធ្លាក់ខ្លាំងបណ្តាលមកពីខ្យល់ព្យុះដ៏ខ្លាំងបណ្តាលឱ្យមានការបាក់ដីនៅវៀតណាម។ ព្យុះម៉ូឡាវ Molave បានបោកបក់ចូលឆ្នេរក្បែរទីក្រុងដាណាង កាលពីថ្ងៃពុធ ដោយនាំមកនូវភ្លៀងធ្លាក់ខ្លាំងនិងខ្យល់បក់ខ្លាំង។
ព្យុះទីហ្វុងបានប៉ះពាល់ដល់ប្រជាជនជាងមួយលាននាក់នៅភាគកណ្តាលប្រទេសវៀតណាមដោយបន្សល់ទុកនូវការបំផ្លិចបំផ្លាញ។ មនុស្សប្រហែល ៣៧៥.០០០ នាក់ត្រូវបានជម្លៀសទៅកាន់ទីសុវត្ថិភាព មុនពេលម៉ូលាវវាយប្រហារដោយខ្យល់បក់ក្នុងល្បឿន រហូតដល់ជាង ១៤៥គីឡូម៉ែត្រក្នុងមួយម៉ោង។ ប៉ុន្តែនៅពេលព្យុះបានបោកបក់ឆ្ពោះទៅភាគខាងលិច ឆ្ពោះទៅកាន់ប្រទេសថៃ និងមីយ៉ាន់ម៉ាកាលពីថ្ងៃព្រហស្បតិ៍ ក្រុមអ្នកជួយសង្គ្រោះកំពុងប្រញាប់ប្រញាល់ស្វែងរកអ្នកនៅរស់បន្ទាប់ពីការរបាក់ដីជាច្រើននៅក្នុងភូមិវៀតណាម។
ប្រព័ន្ធផ្សព្វផ្សាយរដ្ឋបានរាយការណ៍ថា ក្រុមអ្នកជួយសង្គ្រោះបានទាញសាកសពយ៉ាងហោចណាស់ ១៩នាក់ ចេញពីភក់នៅទូទាំងភូមិចំនួន៣ នៅខេត្តកាងណាម នៅភាគកណ្តាលនៃប្រទេសវៀតណាម។ ចំនួនអ្នកស្លាប់នៅមិនទាន់ច្បាស់នៅឡើយដោយមានរបាយការណ៍ខ្លះបានបង្ហាញថាចំនួននេះអាចខ្ពស់ជាងនេះ៕ ដោយ ៖ សហការី
ចែករំលែកព័តមាននេះ