វេបសាយ «ឆាយណាដេលី» របស់ចិន កាលពីថ្ងៃទី១៤ ឧសភា ២០១៥ ផ្សាយថា នាងវ៉ាន់ ភីអីុង អាយុ២៥ឆ្នាំ រស់នៅក្រុងជីណាន ខេត្តសានទុង បានសម្រេចចិត្តស្លៀកពាក់ឈុតអាពាហ៍ពិពាហ៍
វេបសាយ «ឆាយណាដេលី» របស់ចិន កាលពីថ្ងៃទី១៤ ឧសភា ២០១៥ ផ្សាយថា នាងវ៉ាន់ ភីអីុង អាយុ២៥ឆ្នាំ រស់នៅក្រុងជីណាន ខេត្តសានទុង បានសម្រេចចិត្តស្លៀកពាក់ឈុតអាពាហ៍ពិពាហ៍ឈរនៅលើទីលានមួយកណ្តាលទីក្រុងប្រកាសរកបុរសរៀបការជាមួយនាងក្នុងករណីគេមានលុយជួយព្យាបាលឪពុក និងបងប្រុសរបស់នាង ។
បដាមានអត្ថន័យថា «ខ្ញុំសុខចិត្តរៀបការជាមួយអ្នកណាក៏បាន ដែលមានប្រាក់ជួយព្យាបាលបងប្រុសរបស់ខ្ញុំដែលមានជំងឺរលាកស្រោមខួរធ្ងន់ និងត្រូវចំណាយថ្លៃព្យាបាលខ្ពស់» ។
នៅក្នុងឆ្នាំ២០១៤ ឪពុករបស់នាងវ៉ាន់ ភីអីុង មានជំងឺធ្ងន់ ហើយប្រមូលប្រាក់ដែលសន្សំទុកទៅព្យាបាលរហូតអស់ ។ លុះដល់ដើមឆ្នាំ២០១៥ បងប្រុសរបស់នាងធ្លាក់ខ្លួនឈឺទៀត ធ្វើឱ្យក្រុមគ្រួសារដែលនៅសល់តែម្តាយ និងរូបនាងមិនអាចរកប្រាក់ព្យាបាលជំងឺអ្នកទាំង២នាក់បាន ។ ដូច្នេះហើយតម្រូវឱ្យនាងផ្អាកអាជីពធ្វើក្រចក ហើយតែងឈុតជាកូនក្រមុំប្រកាសរៀបការជាមួយអ្នកដែលមានប្រាក់សម្រាប់ព្យាបាលឪពុក និងបងប្រុសរបស់នាង ។ នៅមិនទាន់មាននរណាម្នាក់ស្ម័គ្រចិត្តរៀបការជាមួយនាងវ៉ាន់ ភីអុីង ដែលភ្ជាប់លក្ខខណ្ឌបែបនោះទេ ៕
ចែករំលែកព័តមាននេះ