សារព័ត៌មាន «ឈៀនជាំង អេវើនីងញូវ» របស់ចិនផ្សាយកាលពីពេល ថ្មីៗនេះថា ប៉ូលិសស្រុកផានអាន ក្រុងជីនហ៊័រ ខេត្តជឺជាំង បានចាប់ខ្លួនបុរសអាយុ៣០ឆ្នាំម្នាក់ឈ្មោះស៊ី រស់នៅខេត្តអានហ៊ុយ
សារព័ត៌មាន «ឈៀនជាំង អេវើនីងញូវ» របស់ចិនផ្សាយកាលពីពេល ថ្មីៗនេះថា ប៉ូលិសស្រុកផានអាន ក្រុងជីនហ៊័រ ខេត្តជឺជាំង បានចាប់ខ្លួនបុរសអាយុ៣០ឆ្នាំម្នាក់ឈ្មោះស៊ី រស់នៅខេត្តអានហ៊ុយ ពីបទលួចទ្រព្យគេ ។ លោកស៊ី ធ្វើបែបនោះព្រោះចង់គេចពីរៀបការ ។
ពេលសមត្ថកិច្ចប៉ូលិសសួរចម្លើយ លោកស៊ីឆ្លើយថា មូលហេតុដែលលួចម៉ូតូគេបែបបនោះ ព្រោះចង់ឱ្យអនាគតឪពុកក្មេកដឹងថា គេជាមនុស្សមិនល្អ មិនគួរឱ្យកូនស្រីរៀបការជាមួយរូបគេទេ ។
នៅមុនឆ្នាំ២០០៥ លោកស៊ី ធ្វើការនៅក្រុមហ៊ុនដើរសមុទ្រទទួលប្រាក់ខែ១០០០០យាន់ ឬ១៥០០ដុល្លារ ក្នុងមួយខែ ប៉ុន្តែរូបគេចាំបាច់ត្រូវធ្វើចោរលួចរហូតជាប់គុកចំនួន៤លើក ព្រោះមិនចង់រៀបការជាមួយនារីដែលឪពុកម្តាយជាអ្នកជ្រើសរើសឱ្យ ។ រូបគេរងការបង្ខំរហូតគ្មានច្រកចេញក្រៅពីបង្កហេតុប្រព្រឹត្តបទល្មើសឱ្យជាប់ពន្ធនាគារ ។
លោកស៊ី មានទោសជាប់ពន្ធនាគារជាលើកដំបូងរយៈពេល៣ឆ្នាំ១០ខែ ។ ក្រោយរួចខ្លួនវិញនៅឆ្នាំ២០០៩ លោកស៊ីគិតថា ឪពុកម្តាយប្រហែលឈប់បង្ខំរូបគេទៀតហើយ ប៉ុន្តែពួកគាត់នៅតែធ្វើដូចមុន ។ ហេតុដូច្នេះហើយលោកស៊ី លួចទ្រព្យសម្បត្តិគេក្នុងនោះមានទាំងម៉ូតូផងរហូតជាប់ពន្ធនាគារជាច្រើនលើកទៀត ដើម្បីឱ្យអនាគតឪពុកក្មេកយល់ថា គេជាមនុស្សមិនល្អ និងលុបចោលអាពាហ៍ពិពាហ៍ ប៉ុន្តែលទ្ធផលបែរជាផ្ទុយពីការយល់ឃើញរបស់គេ ។ ឪពុកក្មេកមិនខ្វល់ចំពោះអំពើរបស់លោកស៊ីឡើយ គឺនៅតែចង់ឱ្យកូនស្រីរៀបការជាមួយគេដដែល ។
នៅពេលលោកស៊ីចេញពីគុកនៅឆ្នាំ២០១៣ ឪពុកម្តាយបង្ខំឱ្យរៀបការជាមួយនារីនោះ ទាល់តែបាន ប៉ុន្តែលោកស៊ីមិនពេញចិត្ត ក៏ទៅលួចគេទៀត ហើយជាប់គុករយៈពេល១០ឆ្នាំ មកដល់បច្ចុប្បន្ន ៕
ចែករំលែកព័តមាននេះ