រាជធានីភ្នំពេញ ៖ អាជ្ញាកណ្តាលសង្វៀនបញ្ជល់មាន់ និងអ្នកនិយមលេងល្បែងបក្សីជល់មាន់មួយក្រុមចំនួន១៣នាក់ កាលពីព្រឹកថ្ងៃទី២៧ ខែតុលា ឆ្នាំ២០២០ ត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញបញ្ជូនទៅតុលាការ ពាក់ព័ន្ធបើកឲ្យលេងល្បែងស៊ីសងជល់មាន់ខុសច្បាប់ ។
ជនពាក់ព័ន្ធមាន ៖
១-ឈ្មោះ ហង់ រស្មី ភេទប្រុស អាយុ២៧ឆ្នាំ (អាជ្ញាកណ្តាល)
២-ឈ្មោះ ទិត ណាក់ ភេទប្រុស អាយុ២៥ឆ្នាំ
៣-ឈ្មោះ ផេង សុភាព ភេទប្រុស អាយុ៣២ឆ្នាំ
៤-ឈ្មោះ ស្រិន រ៉ែន ភេទប្រុស អាយុ៣០ឆ្នាំ
៥-ឈ្មោះ លាង សុខលី ភេទប្រុស អាយុ២៧ឆ្នាំ
៦-ឈ្មោះ បាវ តុលា ភេទប្រុស អាយុ២៧ឆ្នាំ
៧-ឈ្មោះ ភុន ភី ភេទប្រុស អាយុ៣៥ឆ្នាំ
៨-ឈ្មោះ ភុន ធូ ភេទប្រុស អាយុ៣១ឆ្នាំ
៩-ឈ្មោះ អារី ហ្វិន ភេទប្រុស អាយុ១៨ឆ្នាំ
១០-ឈ្មោះ សៀ គន្ធា ភេទប្រុស អាយុ៣៤ឆ្នាំ
១១-ឈ្មោះ នួន សុភ័ក្ត ភេទប្រុស អាយុ៣៥ឆ្នាំ
១២-ឈ្មោះ ផន សុខា ភេទប្រុស អាយុ២៣ឆ្នាំ
១៣-ឈ្មោះ ថាច់ សុភាព ភេទប្រុស អាយុ៤៦ឆ្នាំ (១២នាក់ជាអ្នកលេង) ។
សូមបញ្ជាក់ថា កាលពីព្រឹកថ្ងៃទី២៤ តុលា ឆ្នាំ២០២០ កម្លាំងសមត្ថកិច្ចនគរបាលជំនាញព្រហ្មទណ្ឌកម្រិតស្រាលរាជធានីភ្នំពេញ បានចុះបង្ក្រាបករណីបើកឲ្យលេងល្បែងស៊ីសងបញ្ជាល់មាន់ខុសច្បាប់មួយកន្លែង ប្រព្រឹត្តនៅចំណុចដីឡូត៍គ្មានលេខ ស្ថិតនៅផ្លូវលំ ក្នុងភូមិស្វាយប៉ាក សង្កាត់ស្វាយប៉ាក ខណ្ឌប្ញស្សីកែវ ដោយបានការអនុញ្ញាតពីលោក ប្លង់ សុផល ព្រះរាជអាជ្ញារងអមសាលាដំបូងរាជធានីភ្នំពេញ ។
កិច្ចបង្ក្រាបនោះ សមត្ថកិច្ចបានធ្វើការឃាត់ខ្លួនមនុស្ស១៣នាក់ មានម្នាក់ជាអាជ្ញាកណ្តាល និង១២នាក់ជាអ្នកពេញនិយមភ្នាល់ចាក់លុយដាច់បាយដាច់ទឹក រហូតខ្លះលះបង់ការងាររកស៊ី ឲ្យតែមានវង់ល្បែងស៊ីសងបញ្ជាល់មាន់ ។ ក្នុងនោះ សមត្ថកិច្ចបានចាប់ដកហូត វត្ថុតាងមាន់២ក្បាល រួមទាំងឧបករណ៍ពាក់ពន្ធ(តុ កៅអី)មួយចំនួនទៀតផង ។ ក្រោយពេលបង្ក្រាបសមត្តកិច្ចបានកសាងសំណុំរឿងបញ្ជូនខ្លួនមនុស្សទាំង១៣ នាក់ទៅសាលាដំបូងរាជធានីភ្នំពេញតាមនីតិវិធី ៕
ចែករំលែកព័តមាននេះ